Skip to Content

FORMACIÓN PARA AS FAMILIAS

A Mesa Local Contra a violencia de xénero (MLC) convoca as seguintes actividades formativas dirixidas ás familias e a calquera persoa interesada:

-Obradoiro "Educar en Igualdade" impartido por Jorge Marín, terá lugar o 28 de febreiro de 20:00 a 22:00 h. no Auditorio de Padrón.

-Xornada formativa ""Detección e prevención de suicidio"  o 17 de marzo ás 09:30 h. no local da asociación Andaina.

Agardamos que sexan do voso interese

Susa Herrera canta e baila con nós

O xoves 26 de xaneiro tivemos a sorte de contar con Susa Herrera e poder cantar con ela moitas das súas cancións. Aquí vos amosamos un pequeno resumo.

 

Día da Paz 2023 LIBRES PARA CONVIVIR EN PAZ

No colexio estamos preparando unha coreografía para o día da paz, aquí tedes o enlace se queredes practicar.

https://www.youtube.com/watch?v=qM8UxbD2kdc

INFORMACIÓN PARA AS FAMILIAS ADMISIÓN 2023-24

Toda a información sobre a admisión nos arquivos adxuntos

A dirección

Celebrando o Nadal no Flavia

O día 22 de decembro estivemos celebrando o Nadal con ledas panxoliñas, comendo as uvas ao son das badaladas, e chocolate con churros... unha festa por todo o alto!!!

 

HORARIO DÍA 22 DE DECEMBRO

 

 

Estimadas familias: Adxuntamos a nota coa informacion do horario do vindeiro día 22 de decembro

FELICES FESTAS!!

CONCERTO DIDÁCTICO CON XAVIER LOZANO

O pasado mércores 7 de decembro fomos ver un concerto didáctico ao Auditorio de Padrón, cos grupos de Educación Infantil, terceiro e quinto de Primaria.

O músico Xavier Lozano, que ten unha ampla traxectoria como intérprete en diversas agrupacións de folk e world music ofreceunos unha mostra de instrumentos creados con materiais de refugallo do máis diverso, presentados con moito humor e que soaban moi ben...

Danza e Land Art no 25 de Novembro

No pasado venres 25 de novembro, no colexio Flavia unímonos ao berro común pola eliminación da violencia contra as mulleres.

SEN CAMBIOS NON HAI BOLBORETAS. CAMBIA A TÚA MENTE, REXEITA A VIOLENCIA.

Podedes ver os videos das actividades clicando nos enlaces, grazas á profe María!

ELECCIÓNS AO CONSELLO ESCOLAR

 

A Dirección Xeral de Ordenación e Innovación Educativa estableceu o calendario para as eleccións de membros do consello escolar de centros docentes sostidos con fondos públicos (Resolución do 19 de setembro, DOG 30/09/2022).

Irase informando das distintas actuacións nas vindeiras semanas.

3. ACTUALIZACIÓN 24/11/ 2022 Adxúntase a proclamación das candidaturas das familias para o consello escolar ( non houbo)

DÍA DO PIXAMA, POLO ACOLLEMENTO FAMILIAR

   Como cada ano, ASEAF, convídanos a participar nesta iniciativa a toda a comunidade Educativa. Para conmemorar o día dos dereitos da Infancia e Adolescencia, propoñen que vaiamos en pixama ao cole!!

Distribuir contido


by Dr. Radut