CEIP de Teixeiro

Este venres o alumnado de 3º e 4º tivo a sorte de pasar un soleado día en Santiago de Compostela. Primeiro fixemos un roteiro polas prazas máis importantes da cidade e pola Catedral. Rematamos o día facendo unha visita ao Museo de Historia Natural da USC, onde os monitores/as nos acompañaron nunha viaxe a través da diversidade dos seres vivos do noso planeta.

(Pinchade na imaxe para ampliar)

A través da Consellería de Sanidade ponse en marcha o Proxecto Ardora encamiñado á prevención de condutas aditivas ao longo da vida. Parte deste proxecto realiza unha labor de prevención no eido educativo.

Con este programa desenvolvéronse diferentes charlas ao longo do trimestre co título de "Saúde na escola".

As actividades deste programa están enfocadas á intervención co alumnado de 6º de EP coa finalidade de promover estilos de vida saudables.

Dende o Departamento de Orientación adaptáronse os diferentes materiais utilizados nestes talleres para darlle acceso a todo o alumnado.

O Nacemento de Xesús é un tema que interesou aos pintores de todos os tempos. As nenas e nenos de Relixión do cole de Teixeiro introdúcense de cheo nas obras máis destacadas do ciclo de Nadal, que se atoparon no museo do Prado.

Os artistas non no lo puxeron fácil... os traxes picaban, os escorzos resultaban imposibles e manter a compostura foi un reto. O resultado velaquí o tedes: emoción-arte e aprendizaxe.