Dependencias

Un dos obxectivos do noso centro a través dos proxectos enmarcados en CPInclúe e Boas Prácticas Inclusivas é mellorar a accesibilidade no noso centro educativo.

Durante este curso 23-24 e, grazas á colaboración da asociación COGAMI, isto comeza a ser posible. Este organismo elaborou para o CEIP de Teixeiro un plan de accesibilidade de todo o centro educativo remarcando aquelas zonas onde se podería actuar a nivel de accesibilidade.

Este plan presentarase perante o Consello Escolar do centro, para a súa análise, e tamén se enviará ao órgani competente da Consellería de Cultura, Educación e Universidade a fin de que se teña en conta e se poidan realizar algunhas actuacións no edificio.

Agora, confiamos en que todos os órganos da Comunidade Educativa colaboren con nós para poder levalo á práctica e ter así un centro educativo accesible para toda persoa que acceda ás nosas dependencias.

Estamos de estrea no cole cun novo recuncho!

Coa colaboración de todo o alumnado e profesorado, quixemos crear un novo espazo. 

Aproveitando as conmemoracións que se fixeron ao longo do curso, e a través dos Contratos Programa nos que o centro está a participar, as nosas nenas e nenos crearon estas frases tan inspiradoras e motivadoras.

Pincha na imaxe para ampliar

Dende a volta de vacacións contamos con baños novos para o alumnado no CEIP de Teixeiro. Seguiremos á procura de melloras nas instalacións do centro para o benestar de toda a comunidade educativa.

Pinchade na imaxe para ampliar