Skip to Content

Secretaría

ADMISIÓN ALUMNADO 2021/2022.

O próximo luns, 1 de marzo, abre o prazo de admisión de alumnado para o vindeiro curso escolar: 2021-2022. Rematará o 22 de marzo.

Ademais da instancia que poden socilitar no centro educativo ou descargar no documento adxunto, deberán presentar unha fotocopia cotexada do libro de familia.

No caso de separación ou divorcio, a solicitude deberá estar asinada por ambos proxenitores, agás que aquel que presenta a instancia teña atribuída a patria potestade con carácter exclusivo mediante resolución xudicial. En ambos casos será necesario presentar, xunto coa solicitude de admisión a resolución xudicial correspondente para o seu cotexo polo centro educativo.

Para solicitar a instancia ou entregala, deben solicitar cita previa no teléfono: 881880642, en horario de 09:30 a 14:30.

IMPORTANTE: AXUDAS COMEDOR ESCOLAR COVID-19

A Consellería de Educación publicou hoxe a Orde de 27 de marzo de 2020 que contempla axudas de carácter directo ás familias do alumnado beneficiario de bolsas de comedor escolar durante a suspensión do servizo como consecuencia do COVID-19. Vai dirixido ás familias que ostentan a condición de gratuito e do que por renda familiar resulta pagador dun euro.

É dicir, poderán solicitar estas axudas tan só aquelas familias, usuarias do comedor, que durante o curso escolar pagan 0 euros ou 1 euro polo servizo.

Axudas que se van percibir: Nos casos de alumnado con gratuidade total: 2,50 euros. Para o alumnado que paga 1 euro: 1,50 euros.

Esta axuda cubrirá os seguintes períodos: Marzo: dende o 16 ata o 31 (11 días lectivos. Abril: dende o 1 ata o 3 (3 días lectivos). Si se prolongase outros 15 días cubriría os días lectivos ata o 1 de maio (non incluído por ser festivo)

SOLICITUDES: dende o 31 de marzo ata o 6 de abril, ambos inclusive.

PRESENTACIÓN: As solicitudes deberán tramitalas as familias por vía electrónica no portal da Xunta de Galicia, https://sede.xunta.gal. Porén, no caso de que estas non dispoñan de coñecementos ou medios para facelo é cando requirimos a axuda do equipo directivo do centro escolar onde teñan escolarizados os seus fillos e fillas, para axudalos a facelo, porque será o único xeito para eles de acceder ás tan precisas axudas.

As familias terán que facilitar -preferiblemente a través do correo electrónico do centro (ceip.teixeiro@edu.xunta.es) e/ou por vía telefónica- os seguintes datos:

a)    DNI ou NIE da persoa representante legal do alumnado (titor/a)

b)    Condicións de beneficiarios de comedor nas bases de datos da Consellería

c)    Nome e apelidos do titor/a; nome, apelidos e curso dos fillos/fillas

d)    Número de conta bancaria no que se quere recibir o aboamento da axuda.

No correo electrónico poñerase no Asunto "Axudas comedor COVID 19".

As solicitudes tramitaranse no centro dende martes 31 ata o venres 3  de abril.

HORARIO DE ATENCIÓN TELEFÓNICA: de 11:00 a 13:00.

SOLICITUDE QUE SE TEN QUE ANEXAR.

PROCESO DE ADMISIÓN ALUMNADO 2020-2021

Informamos ás familias que o procedemento de admisión varia respecto a anos anteriores. A data de reserva de praza será do 11 de xaneiro ao 8 de febreiro, ainda que de momento non temos documentación dispoñible, en canto teñamos máis información, colgarémola na web do centro.

(Fai clic)

AXUDAS PARA A DISTRIBUCIÓN DE MÁSCARAS ENTRE O ALUMNADO MATRICULADO EN EDUCACIÓN PRIMARIA

Alumnado destinatario:         

  1. Fose beneficiario da axuda para adquirir material escolar.
  2. Non fose beneficiario da axuda para adquirir material escolar por diferentes circunstancias, pero:

a) Pertenza a familias cunha renda per cápita igual ou inferior a 6.000 €.

b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou inferior ao 65%, con independencia da renda da unidade familiar.

 

ALUMNADO EXENTO DE PRESENTAR SOLICITUDE

Non terá que presentar solicitude o alumnado que fose beneficiario da axuda para adquirir material escolar no curso 2020/2021.

 

ORDE 6 de novembro de 2020 pola que se regulan os criterios e o procedemento de distribución de máscaras entre o alumnado.

 

 

DIA NON LECTIVO

O día martes 13 de Outubro non e lectivo. Un saudo

Distribuir contido


by Dr. Radut