try another color:
try another fontsize: 60% 70% 80% 90%
CEIP de Rebordáns
Educación para o futuro, presente no rural de hoxe.

ENTROIDO 2022!

Aquí están os mandatos de Tepo!

Este ano relacionados co proxecto ESCULTUIRÍZATE!

E lembrade... o venres, DISFRACE LIBRE!

Evitaremos caretas, maquillaxes e antifaces, para facilitar o uso da mascarilla.

 

  

 

 

XORNADAS DE PORTAS ABERTAS

Achégase ese importante momento no que as familias tedes que decidir en que colexio ides inscribir aos vosos fill@s. 

Queremos axudarvos nesa delicada tarefa e por iso poñemos á vosa disposición, durante os martes do mes de febreiro, as Xornadas de Portas Abertas.

Nestas xornadas acompañarémosvos polas nosas instalacións e resolveremos con vós, todas esas dúbidas que son naturais neste proceso.

Contactade por teléfono ou por whatsapp para concertar unha cita:

886 110 817-----698 120 381

 

 

 

30 de xaneiro. DÍA ESCOLAR DA NON VIOLENCIA E A PAZ

Programa LECTURA E FAMILIAS

Temos o pracer de informarvos que o noso cole foi seleccionado para participar no programa de Lectura e Familias.

En breve, xuntos poñeremos en marcha novas iniciativas que impulsarán a creación de lectores competentes.

 

ESTE NADAL...ESCULTUIRÍZATE NO CEIP DE REBORDÁNS

 

 O alumnado do Ceip de Rebordáns felicita estas festas a través da escultura e as diferentes linguas dos países onde se atopan.

  

25N DÍA INTERNACIONAL CONTRA A VIOLENCIA ÁS MULLERES

Hoxe celébrase o Día Internacional contra a violencia ás mulleres. O CEIP Rebordáns, un ano máis, participou activamente nesta conmemoración con diferentes actividades relacionadas con esta temática. O Claustro traballou a sensibilización dende o corazón e para os corazóns dos nenos e nenas do colexio.

Elas e eles demostraron  que nos seus corazóns teñen: igualdade, liberdade, diálogo, amor, esperanza, axuda, amizade...e unha chea de palabras  máis que conformaron o mural común.

Imos por bo camiño...

DISTRIBUCIÓN DE MÁSCARAS ENTRE O ALUMNADO

Segundo a ORDE do 28 de outubro de 2021, que regula a distribución de máscaras entre o alumnado de Ed. Primaria:

- O alumnado que foi beneficiario da axuda para adquirir material escolar, é beneficiario DIRECTO, polo que NON DEBE CUBRIR NINGUNHA SOLICITUDE.

- O alumnado que, por diversas circunstancias, non foi beneficiario da axuda para adquirir material escolar, pero que cumpra un dos seguintes requisitos:

            - Renda per cápita igual o inferior a 6000€.

            - Con discapacidade superior ao 65%.

            - Tutelado/a pola Xunta de Galicia.

   DEBE PRESENTAR A SOLICITUDE (Anexo I)

  do 15 ao 27 de novembro (ambos incluídos).

CELEBRAMOS O MAGOSTO!

A xornada de onte foi estupenda! Bo tempiño, castañas asadas, aire libre, xogos e sobre todo boa compaña!

Para mostra este pequeno video:

 

 

ELECCIÓNS CONSELLO ESCOLAR 2021

 

 CALENDARIO ELECTORAL

- 27 outubro: Publícase o lugar e a hora na que se realizará o sorteo público para designar os membros da Xunta Electoral:

Será o venres 29 de outubro ás 12:30 na sala de profesorado.

- 29 outubro: Resultado do sorteo dos membros da Xunta Electoral.

- 5 novembro: Reunión de constitución da Xunta Electoral. 

Publícase a acta de constitución.

- 8 novembro: Publícase a convocatoria de eleccións e os censos electorais (que quedan na secretaría do centro á disposición das persoas que desexen consultalos).

- do 8 ao 15 novembro: Período de reclamacións ao censo.

- do 9 ao 16 novembro: Prazo de presentación de candidaturas. As persoas interesadas en presentar candidatura poden conseguir o impreso a cubrir na secretaría do colexio, por medio do seu fillo/a ou descargalo AQUÍ.

- 17 novembro: Reunión Xunta Electoral, proclamación das candidaturas presentadas, sorteo das mesas electorais de nais/pais e apertura do prazo de reclamacións á proclamación das candidaturas. Citacións. Publícase a acta.

 

 

- 18-19 novembro: Reclamacións á proclamación de candidaturas.

- 23 novembro:Votacións para todos os sectores. Horario: de 9:15 a 9:45, de 13:30 a 14:00 e de 15:30 a 17:30
- 30 novembro: Reunión Xunta Electoral e publicación de candidatos electos. Publícase a acta.

 

 

- 10 decembro: Reunión de constitución do novo Consello Escolar. Publícase a composición do novo Consello Escolar.

 

Celebrando o Samaín

Ola familias!

Deixámosvos unha mostra do que foi esta semana de Samaín no colexio. Unha semana de medo!

Distribuir contido