" O cubo dos soños"

O pasado luns , 13 de maio, iniciamos no centro " A Semana das Letras" . Dentro do programa de actividades, inauguramos a...

                               " PEQUE  BIBLIO "

 

                                                                             Biblio cubo.

Este habitáculo de madeira con asiento no seu interior,  entrada e rodas foi realizado por once alumnos dun curso de formación de carpintería do Concello de Tui.

Recollendo a idea dun proxecto iniciado en Santander, xurde esta  "biblioteca de soños" diseñada por unha afamada arquitecta.

Desta forma o concello de Tui construiu tres destas bibliotecas móbiles, sendo unha delas cedida ao noso centro.

A partir de agora será un novo lugar de lectura para todo a alumnado de Infantil e os primeiros cursos de primaria.

Mensaxeiro de Tepo

    

Nestas imáxenes vemos ao " Mensaxeiro de Tepo" que nas clases de Infantil mostra ao alumnado as novidades da Biblioteca. Foron moitas as veces que ao longo do curso o "mensaxeiro " foi por todas as aulas animando á lectura a todo o alumnado do centro.

Programa 13 - 2018/19 ---------- 12 ABR 2019

Este é o programa realizado o 12 de abril de 2019.

Participaron alumnos e alumnas de 3º E.P., 5º E.P. e 6º E.P.

Imos presentalo ao I CONCURSO DE PODCAST - RADIO NA BIBLIO organizado por Bibliotecas Escolares de Galicia. Estamos nerviosos e ilusionados pero temos claro que, pase o que pase, é estupendo facer Radio. Bravo rapaces!

 

 

 
 
 
 

Día Mundial do libro 2019

O Día Mundial do Libro é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO  en 1995 coa idea de fomentar a lectura, a edición e publicacións impresas e os dereitos de autor.

A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616 ) se correspondía coa data do aniversario do nacemento e morte de William Shakespeare. Ese mesmo día tamén se conmemora a morte do primeiro escritor mestizo, Inca Garcilaso de la Vega.

 

Desde a Consellería de Educación, Universidade e Formación Profesional edítase o díptico para conmemorar este día 23 de abril de 2019.

Acudiuse, como en anos anteriores, a unha persoa referente da literatura galega actual, neste caso á poeta, narradora, profesora e académica Marilar Aleixandre, quen xenerosamente cedeu un poema para esta pequena peza de difusión do Día do Libro, sobre a lectura como unha viaxe ao fondo das preguntas. Un texto que convida  a reflexionar sobre a importancia da lectura como revulsivo para interrogar, cuestionar, dubidar, aprender, enfocar, repensar e nunca conformarse.

Día do Libro Infantil e xuvenil

Coma en anos anteriores, o IbbY (International board on books for young people) chama á conmemoración do Día Internacional do Libro Infantil o día 2 de abril,  data  de nacemento  de Hans Christian Andersen. A responsabilidade do cartel e o díptico deste ano 2019 correspondeulle a Lituania.A autoría do texto e a ilustración son de Kestius Kasparavicius, quen titula a súa mensaxe: Os libros fannos acougar.

 

Proceso de cambio

Tendes entrado na biblioteca nestes últimos tempos? Pois si, estamos facendo cambios. Queremos que a biblioteca sexa un lugar no que o mobiliario favoreza a circulación de usuarios, así como actividais individuais ou grupais. Unha biblioteca inclusiva que dea resposta ás necesidades de todo o alumnado do centro.

Tamén crearemos un espazo maker , que comezou   coa presenza dos "escornabots", pero que estará aberto a moitas outras posibilidades. 

  

                                            Proceso de cambio.

Día Internacional da Muller, 8 de marzo

 

O Día Internacional da Muller, conmemorado cada 8 de marzo, é recoñecido pola ONU como unha xornada para reivindicar a igualdade ,facer balance sobre a situación das mulleres na sociedade e  loitar pola superación dos atrancos. Comezou a ser celebrado pola ONU en 1975.

Entre as actividades para conmemorar este día, o alumnado de 6º de primaria consultou os fondos documentais da biblioteca , para coñecer a vida de galegas ilustres.

24 de febreiro, Día de Rosalía

Para conmemorar este día, ao longo da semana traballamos a figura de Rosalía. Fixemos un mural co lema " Libre o meu pensamento" e  aprendemos o poema " Vamos bebendo". O venres todos xuntos cantamos a versión musicada por Amancio Prada.

 

                                           Alumnado de 5º presentando o acto.

 

11 de febreiro: Día Internacional da Muller e da Nena na Ciencia

 

Na actualidade, menos do 30 por cento dos investigadores en todo o mundo son mulleres. Só ao redor do 30 por cento de todas as estudantes escollen estudos superiores dentro do campo das ciencias, a tecnoloxía, a ingeniería e matemáticas . A nivel mundial, a matrícula de estudantes femininas é particularmente baixa en tecnoloxía da información e as comunicacións , cun tres por cento; ciencias naturais, matemáticas e estatísticas, cun cinco por cento, e en ingeniería, manufactura e construción, cun oito por cento.Os prejuicios e os estereotipos de xénero que se arrastran desde fai moito tempo continúan mantendo ás nenas e mulleres afastadas dos campos relacionados coa ciencia.

Coa finalidade de lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas, o 11 de febreiro foi declarado pola ONU como o "Día Internacional da Muller e Nena na Ciencia".