| CEIP de Rebordáns

REBORRADIO INFORMA!

Unha semana máis, chega o programa máis agardado...

REBORRADIO!

Esta semana, o alumnado de 3º de primaria foi o encargado de dar as últimas novidades do centro,

Emma, Sara, Pablo, Alex, Ainara, Lía e Samuel comentaron as novidades do centro, o entroido, contaron chistes ... Un programa ben completo!

Non volo perdades!

Podedes escoitar a emisión dende aquí ou premendo na imaxe.

%count lecturas

A NOSA ROSALÍA

O pasado 23 de febreiro foi o Día de Rosalía de Castro, pois nesa data, Rosalía estaría de aniversario!

Para conmemorar e festexar o seu día, no cole realizamos diferentes actividades. Fixemos un mural conmemorativo, baseado na proposta da Asociación de Escritoras e Escritores en Lingua Galega, que decoramos con flores co rostro de Rosalía, investigamos sobre a súa vida e sobre as súas obras, escoitamos algún dos seus poemas e mesmo aprendemos algúns versos de "Adiós ríos".

Os maiores do cole escribiron poemas pensando en como escribiría Rosalía hoxe en día, en que temas da actualidade afondaría.

Por último, pero non menos importante, os cativos do cole fixemon un pequeno recital. Mirade que ben lles saíu!

%count lecturas

DANIELA PIRATA E O COLE DE REBORDÁNS

Se queredes coñecer as aventuras de Daniela Pirata cos nenos e nenas do cole de Rebordáns...,

clicade na imaxe.

Adiante, meus piratas!

%count lecturas

MIGALLAS - LECTURA E FAMILIAS

Familias!

O vindeiro 16 de abril, ás 16:00 h, grazas ao programa Lectura e Familias, poderemos desfrutar do espectáculo "O libro máxico" de Migallas na Tepoteca.

Combinarase narración oral, música e teatro para animar ás familias, rapazas e rapaces a gozar da lectura.

Non volo podedes perder!

Inscripcións abertas no whatsapp do cole:

698 120 381.

%count lecturas

REBORRADIO INFORMA!

Unha semana máis, chega o programa máis agardado...

REBORRADIO!

Desta vez, o alumnado de 4º de primaria foi o encargado de dirixir un programa ben completo: novas, entrevistas, chistes, temas de actualidade...

Non volo perdades!

Podedes escoitar a emisión dende aquí ou premendo na imaxe.

%count lecturas

11 F - DÍA INTERNACIONAL DA MULLER E DA NENA NA CIENCIA

Hoxe, 11 de febreiro, celebramos o Día Internacional da Muller e da Nena na Ciencia.

Esta data foi proclamada pola ONU no 2015 co obxectivo de romper as barreiras que atopan as mulleres e as nenas no ámbito científico e tecnolóxico.

Queremos aproveitar esta conmemoración para visibilizar o traballo de mulleres que se dedican ás áreas STEM (Science, Technology, Engineering and Mathematics), creando así modelos femininos para as nosas nenas.

%count lecturas

SESIÓN DE CONTACONTOS CON ÁNGELES ESCRIBANO

O pasado mércores, 7 de febreiro, tivemos a visita de Ángeles Escribano.

Que bos momentos pasamos na Tepoteca escoitando as historias que compartiu connosco.

Superheroes, enigmas, poderes, ciencia... HISTORIAS!

Graciñas, Ángeles!

%count lecturas

2 DE FEBREIRO: DÍA DA CANDELARIA

Xa que temos colocadas as casiñas para os paxariños, o alumnado de 5º de Primaria animouse a crear uns HAIKUS, poesías de orixe xaponés, que nesta ocasión, teñen temática relacionada coas aves.

%count lecturas

30 DE XANEIRO - DÍA ESCOLAR DA NON VIOLENCIA E A PAZ

O pasado 30 de xaneiro foi o Día Escolar da Non Violencia e a Paz e, no CEIP de Rebordáns, conmemorámolo con diferentes actividades nas aulas.

Os pequechos e pequechas de intantil fixeron unha construcción corporal para crear as letras de "PAZ".

No primeiro ciclo crearon unhas pulseiras chulísimas, mancharon as mans de pintura para unir un corazón xigante de cores e decoraron as fiestras con nubes cheas de palabras de paz.

No segundo ciclo coñeceron e estudaron a labor de persoas importantes ao longo da historia, que loitaron por un mundo mellor, como Wangari Maathai, primeiro Nobel da Paz a unha muller africana.

No terceiro ciclo, entre outras cousas, reflexionaron sobre o significado da palabra paz, das maneiras de acadala e buscaron información sobre os Premios Nobel da Paz dos últimos 15 anos.

Ademais, as áreas de Inglés e Educación Física tamén estiveron presentes nesta conmemoración, traballando sobre o coñecido discurso "I have a dream..." e sobre o Mural da Tregua dos Xogos Olímpicos.

E que mellor canción que "Por qué no ser amigos", de Hombres G, para pór o fío musical a este día de reinvindicación.

%count lecturas

DÍA DA EDUCACIÓN MEDIOAMBIENTAL

O 26 de xaneiro é o DÍA DA EDUCACIÓN MEDIOAMBIENTAL, Tepo e Tepa mostráronnos algúns interesantes libros sobre os paxariños e puidemos saber o importante que son as ábores para eles.

Para colaborar a que veñan ao noso patio, colocamos unhas casiñas para eles, a ver se se animan a aniñar nelas!!!!