O alumnado de primeiro de primaria tivo a sorte de coñecer a Pintiñas, unha boa amiga de Tepo e Tepa.

Xuntos e xuntas compartiron aventuras e pasaron moi bos momentos. Todos eles foron plasmados nun magnífico Diario. Se queredes botarlle un ollo... xa sabedes, pasade pola Tepoteca.

Grazas, familias, pola vosa participación nesta actividade.

Enmarcada nas actividades programadas para conmemorar o Día das Letras Galegas deste curso, as alumnas e alumnos de sexto de primaria ilustraron a biografía da autora homenaxeada, Luísa Villalta.

Premede a imaxe para ver o vídeo.

Tepo e Tepa fixeron un encargo a todo o alumnado do cole de Rebordáns.

Sabedores da importancia do coidado do medio ambiente, tiñan que realizar uns vídeos con pequenos consellos relacionados co noso proxecto de centro...

Tepomisión: protexamos os nosos montes.

Os bosques son os pulmóns da Terra pois producen o oxíseno que se atopa no aire e que nós precisamos para poder respirar.

Os bosques sanos limpan o aire e regulan o clima do noso planeta.

A Voz do Aloia lémbranos:

Ás árbores coidan de nós, coida ti tamén delas.

Este é o consello dos alumnos e alumnas de sexto de primaria. Aquí tedes o seu vídeo!

Paola Guimeráns viu de visita á Tepoteca para estar un ratiño con nós.

Realizou obradoiros sobre as posibilidades que dan os e-textiles, fomentando así o desenvolvemento da competencia computacional e as competencias STEAM.

O alumnado de terceiro e cuarto de primaria traballou o patrimonio e a fauna do Monte Aloia na creacións de posters interactivos programando con Scratch. Logo aproveitaron os mandos creados para xogar ao Mario Bros.

Os maiores aprenderon sobre as prendas intelixentes. Con fíos que conducen electricidade pódense facer moitos tipos de circuítos para incorporar a nosa roupa e que nos axuden, chamando á Emerxencias, por exemplo.

Trala explicación, fixeron un pequeno circuíto para iluminar o nome dun animal típico do monte Aloia. Que dominio da agulla tiñan!

Para finalizar, coas placas micro-bit realizaron programacións co Make Code.

Que ben o pasamos! Desexando seguir aprendendo con estes recursos que fusionan a tecnoloxía coa educación artística!

Grazas, Paola, por acompañarnos nesta viaxe!