Skip to Content

REBORRADIO 

 

biblioteca creativa

OBRADOIRO DE BANDA DESEÑADA

No Ceip de Rebordáns descubrimos uns verdadeiros artistas na arte de escribir e debuxar.

Partindo do seu interese pola banda deseñada, Tepo e Tepa puxeron en marcha un obradoiro onde elas e eles puideron crear estupendas historias.

Clicade na imaxe para gozar con algunhas delas.

Parabéns a todas e todos!

 

OBRADOIRO DE COLAXE LUMINOSO

Neste obradoiro xogamos con varios conceptos artísticos que nos gustan moito: o colaxe e a luz, así que deixamos voar a nosa imaxinación e, con variedade de elementos, fixemos producións artísticas coa técnica da colaxe sobre mesas de luz. Cambiaban moito ao acendelas!

Creatividade a tope!

 

BIBLIOTECA CREATIVA

Paola Guimeráns viu de visita á Tepoteca para estar un ratiño con nós.

Realizou obradoiros sobre as posibilidades que dan os e-textiles, fomentando así o desenvolvemento da competencia computacional e as competencias STEAM.

O alumnado de terceiro e cuarto de primaria traballou o patrimonio e a fauna do Monte Aloia na creacións de posters interactivos programando con Scratch. Logo aproveitaron os mandos creados para xogar ao Mario Bros.

Os maiores aprenderon sobre as prendas intelixentes. Con fíos que conducen electricidade pódense facer moitos tipos de circuítos para incorporar a nosa roupa e que nos axuden, chamando á Emerxencias, por exemplo.

Trala explicación, fixeron un pequeno circuíto para iluminar o nome dun animal típico do monte Aloia. Que dominio da agulla tiñan!

Para finalizar, coas placas micro-bit realizaron programacións co Make Code.

Que ben o pasamos! Desexando seguir aprendendo con estes recursos que fusionan a tecnoloxía coa educación artística!

Grazas, Paola, por acompañarnos nesta viaxe!

 
 
 

OBRADOIRO ESCULTURA DE ROLOS

Neste obradoiro montamos entre todos unha escultura abstracta con rolos de papel, encántanos o efecto acadado, parece que vai desfacerse... pero non!

OBRADOIRO TÉCNICA DO RAIADO

Liñas, liñas e máis liñas...de diferentes cores, grosores, formas... hoxe comprendimos que pode ser unha boa opción, e moi orixinal, colorear un debuxo con raias. Decidimos experimentar e facer a nosa propia versión do monte Aloia! Bo traballo moz@s!!

                                         

 

OBRADOIRO CÍRCULO DE NEWTON

Hoxe coñecimos un aparello moi interesante: "O círculo de Newton". Consiste nun círculo que pintamos coas cores do arco da vella. Ao xiralo e coller velocidade, o noso ollo percibe a combinación desas cores formando a cor branca. Comprobamos así como a luz branca está formada por ditas cores. É o proceso inverso ao que supón a descomposición da luz no arco da vella. Interesante, non si?

OBRADOIRO NOMES ARTÍSTICOS

Obradoiro na Tepoteca!

Hoxe xogamos cos nosos nomes. Nomes de nenos, nomes de nenas... todos chulísimos! E por qué? Porque son parte de nós e nos identifican. Son moi diferentes, pero son todos tan importantes... que decidimos facer un obradoiro con letras chulas e enmarcar o noso nome. Encantounos facer esta homenaxe!!

 

 

 

 

OBRADOIRO XOGUETE XIRATORIO

Pasámolo bomba elaborando os nosos xoguetes xiratorios. Con tiras de papel de cores xirando sobre un mesmo eixo conseguimos diversas figuras moi interesantes. Coincidimos en que o efecto óptico que se consegue é o que máis chama a atención nesta actividade.

OBRADOIRO ESTRUTURAS XEOMÉTRICAS

No obradoiro de hoxe experimentamos con plastilina e mondadentes e montamos diversas figuras en 3D: cubos, pirámides, prismas e... formas de todo tipo! 

OBRADOIROS DE BIBLIOTECA CREATIVA

Ola!

O recuncho fedello recibiu a terceira quenda deste curso 2022/2023.

O alumnado de primeiro a sexto de primaria gozou cos xogos de mesa.

Despedímonos deste recuncho ata o vindeiro curso.

 

 

Distribuir contido


by Dr. Radut