No noso cole pasamos un Samaín terroríficamente divertido.
Tivemos exposións, obradoiros de máscaras, disfraces, merendas monstruosas, creación de figuras horripilantes… e non podían faltar as nosas lecturas ás escuras.
O alumnado trouxo a súa lanterna e… os libros gañan misterio. Para moitos, a mellor Hora de Ler do curso!
E as máscaras terroríficas! Moi efectivas non serán... Pero chulas quedaron un rato!
Por fin chegou o día das bibliotecas escolares e no cole estamos emocionados.
Dende o ano 1997, cada 24 de outubro conmemórase o Día das Bibliotecas, en recordo da destrución da Biblioteca de Sarajevo durante o conflicto dos Balcáns.
Queremos elexir esta data para iniciar o noso novo proxecto. Desexamos que toda a comunidade educativa poida gozar coas actividades que temos preparadas.
Despois de varios días de pensar e pensar... claro que a rapazada de Rebordáns descubriui o nome!
Tras moita emoción colocaron unha a unha todas as letras e...
EsculTUIrízate!!
Preparados e preparadas? Temos moito que facer... A por todas!
O pasado venres, 14 de maio, uníronse unha vez máis os centros educativos de Tui e a Biblioteca Municipal para celebrar unha cita moi importante da nosa vila coa lectura: o TUI LE. Neste ano, ao igual que no 2020, debido ás restricións debidas ao COVID, realizouse unha proposta non presencial.
O alumnado das EEI, CEIP e IES recitaron e ilustraron poemas de Antonio García Teijeiro, recoñecido poeta galego, o cal tamén adicou fermosas palabras aos/ás estudantes.
Achegamos aquí dito video e tamén o traballo realizado polo CEIP de Rebordáns, xunto co CRA Mestra Clara Torres e o CEIP de Pazos de Reis. Pode visualizarse o traballo completo de todos os centros no facebook do Concello de Tui.
