lectura

Lectores en "tránsito"

in

Onde  están lendo estes alumnos e alumnas de 5º ? .

Pois si, no transporte escolar.

Unha  imaxe vale máis que mil palabras.

8 de Marzo DÍA DA MULLER

in

Con motivo da celebración do Día Internacional da Muller , dende a Biblioteca

recomendamos algunhas lecturas que poden dar lugar á reflexión:

"O PAÍS DOS MANDÓNS " e " O SEGREDO DE FLORA".

       

      No País dos Mandóns  uns   cantos 

  mandan  sobre   o resto e non  permiten 

  que as  nenas, as mamás ou as   avoas,

  xoguen, saian ou traballen fóra das súas

  casas. 

 

                   

No Segredo de Flora  ,Flora ten un segredo fantástico, aprendeu unhas

palabras máxicas que a axudan a non sentir enfados nin ganas de pegar:

         “1,2,3 o enfado polas mans. 

                         1, 2, 3 o enfado polos pés. 

                                      1, 2, 3,o enfado xa se vai. 

                                                               1,2,3 o enfado xa o botei” 

 

 

 

EL INCREIBLE NIÑO COMELIBROS

in

Escuha esta historia sobre lo que le ocurre al protagonista de

" El increible niño comelibros" .

 

 

 

"Os Fillos Do Mar" unha lectura para adultos.

in

Dende a biblioteca recomendámosvos a lectura de " Os fillos do mar", do escritor Pedro Feijoo (Vigo 1975).

"Os fillos do mar " a primeira novela deste escritor, foi finalista do prestixioso Premio Xerais de Novela 2011 e gañadora do Premio Literario "Arcebispo Juan de San Clemente" 2013,sendo un fenómeno literario en Galicia , con cinco edicións completas en menos dun ano, e clamor unánime por parte da crítica e público.

 

                                 

                                                                    Pedro Feijoo

O escritor se nutre dos rincóns e edificios da cidade de Vigo para ambientar a súa obra, que relata unha peculiar busca do tesouro de Rande por parte dos nazis.

 


CARTA ÁS FAMILIAS:

CHEGA O VERÁN… tempo de erguerse tarde, de mergullarse na piscina, de saltar nas ondas da praia, de asistir ás festas coa familia e os amigos, de facer excursións, ir de acampada ou facer algunha viaxe.

Pero de seguro que haberá momentos como un ratiño antes de durmir, tumbados á sombra dunha árbore, tomando o sol e mesmo acostados no sofá, nos que a compaña dun libro faranos voar a países e lugares imaxinarios e vivir emocionantes aventuras cheas de maxia, fantasía, humor, misterio… acompañados de todo tipo de personaxes que só viven nos libros.

Aproveitando estas vacacións, a biblioteca do colexio pon a disposición do alumnado (desde 1º ata 5º de Primaria) e as familias o empréstito de ata cinco libros para os nenos e nenas e de tres para os pais e nais.    

Pedimos a vosa axuda no coidado deste material para que esta iniciativa  se poida repetir nos próximos anos.

Agradecémosvos de antemán a vosa colaboración e desexámosvos un bo verán e felices lecturas.

                                                                  O Equipo de Biblioteca.


FINA CASALDERREY CONNOSCO.

O martes 19 de xuño estivo connosco a escritora Fina Casalderrey, coa que conversamos sobre os libros que traballamos este curso. Aquí tedes o resultado desa charla:

 

Cal foi o teu primeiro libro?

Chámase "Mutación xenética", escrito fai 40 anos. Fala de cousas raras, xenes, esas cousas que temos dentro do noso corpo e que nos fan distintos.

 

É moi difícil crear historias?

Intento facelo o mellor que podo, e dedícolle todo o tempo do mundo, é como si estiveras xogando a algo que che gusta, por iso, non me parece moito o traballo de crear unha historia.

 

Cales foron os últimos libros que escribiches?

"O misterio do faro vello" e "O neno can". É un neno moi pobre que ten un can e cando vai pola rúa bótanlle pan ao can, e por iso aprendeu a facer o mesmo, coller os cachos de pan porque era pobre.

 

Como se che ocorreu escribir "O misterio dos fillos de Lúa"?

A historia dos fillos de Lúa... Calquera pode escribir unha bonita historia se quere. Eu tiven unha gata que se chamaba Lúa. Podería escribir unha historia deliciosa que empezou cunha gata abandonada que atopou o meu fillo. Cando tivo gatiños, Lúa non se agochaba de nós, "chamábanos", miañaba, pareceunos tan bonito que nos chamara! Nacía o primeiro gatiño e xa o estaba lambendo e coidando.

David é un neno literario, quere facerse o listo pero el non sabe como ocorren as cousas.

O malo é que un neno teña feridas de tanto traballar porque non vai á escola. Vós tedes moita sorte por ir á escola.

 

Como empezaches a escribir?

Cando empecei a traballar, facendo pequenas obras de teatro na escola. A culpa foi dun compañeiro que me dixo que publicara esas cousas, deixeinas na librería “Michelena de Pontevedra”. Logo traducíronas ao catalán. Disto fai 20 anos.

 

Cantos anos tiñas cando escribiches "Chamizo"?

A verdade é que teño que botar conta. Habería que restar aos anos que teño agora os que leva publicado, pasaron algún anos.

Cando a Saramago lle preguntaban cantos años tiña el dicia: “teño os anos desde que nacín pero os suficientes como para dicir o que quero”.

 

Como empezas a escribir un libro?

Cada un nace cunha idea distinta. Vou contar unha intimidade: cumprín moitas veces anos, meus pais eran moi novos cando eu nacín. O meu pai morreu e deixei de escribir. Eu escribía en dous periódicos galegos e deixeno. Despois dun tempo comecei a escribir. Escribin isto (ensínalles un folio escrito), que logo se converteu no libro "Eu son eu". A compañeira estaba triste e díxome que a súa nai tiña Alzheimer, enfermidade que lle rouba a memoria e que os médicos lle dixeron que é coma unha nena pero con aspecto de señora maior. De aí nace esa historia.

 

Por que Luceiro ("Cando a Terra esqueceu xirar") tiña tantas patas?

Non fun eu, foi o ilustrador. De feito déronlle o Premio Nacional de Ilustración. Quere dicir que cantas máis patas máis depresa se moven.

 

Os tres mellizos de "Quen me quere adoptar?", son reais?

Coñecín a unha mamá que tiña tres bebés na súa barriga. Cando xa tiñan 3 anos fun buscalos á gardería. Eu pensaba tolear, pero a nai colleunos e sen problema, coas mochilas na outra man. As nais fan maxia, por iso o puxen no libro.

 

En quen te inspiraches para crear o personaxe de Manuel do libro "Quen me quere adoptar?"

Tamén en Italia un profe xubilado, puxo un anuncio na tele para formar unha familia. Tiña moitos cartos e apareceron moitas familias que querían acollelo.

 

Por que nos teus libros os animais teñen protagonismo?

Eu fun nena de aldea, nunca tiven que estudar que as leitugas non nacen no supermercado, había cans, gatos... Se algún día estaba triste acariciaba a un animal e xa me alegraba. Hai nenos que teñen animais como forma de aprender e abrir o que teñen dentro ao resto do mundo.

 

 

Premios Xerais 2012.

O pasado sábado 9 de xuño, celebrouse na Illa de San Simón a gala de entrega dos Premios Xerais 2012, os máis importantes que se conceden en Galicia a obras de ficción escritas en galego.

O Premio Xerais de Novela recaiu no libro “Tonas de laranxa”, de María e Manuel Lorenzo, filla e pai que escriben conxuntamente esta novela construíndo un mundo fantástico no que habitan múltiples personaxes que van deixando entrever as súas vidas e tamén os seus soños a medida que transcorre a novela.

“Palabras de auga” de Marcos Calveiro foi a gañadora do Premio Merlín de Literatura Infantil, onde se narra a historia deAmadou, un neno suahili de 11 anos que atravesa o deserto, xunto co seu clan, fuxindo da miseria do seu país.


"AS FRONTEIRAS DO MEDO"

Agustín Fernández Paz vén de publicar na editorial Rodeira – Edebé, unha escolma de seis relatos de medo baixo o título “As fronteiras do medo” dirixido aos lectores maiores de 13 anos.

Distribuir contido