VOTAMOS!
Temos o pracer de presentarvos o proxecto de 4º de Educación Primaria!
Que mellor para aprender que é a democracia e o sistema electoral que artellar unhas eleccións na nosa propia escola. Fixemos os nosos propios partidos con cadansúas propostas electorais, das que saíron moitas ideas para mellorar o noso centro que de seguro se terán en conta o vindeiro curso.
Contamos coa participación dos nosos compañeiros e compañeiras de primaria que acodiron a votar a proposta que máis lles gustaba.
E que importantes nos sentimos formando parte da mesa electoral!
E logo facendo o reconto. Que emoción por saber quen tiña máis votos!
Aínda que daba un pouco igual porque en todos os partidos había propostas moi interesantes.
Foi unha gran experiencia que desfrutamos moito.
- %count lecturas
FAMILIAS: OS NOSOS CONTOS BUSCAN VOZ - PARTE II
Ola, familias!
Xa podedes gozar da segunda entrega do vídeo recopilatorio da vosa participación na actividade de Lectura e Familias, "Os nosos contos buscan voz".
Parabéns a todas as familias participantes!
Adiante, vídeo!
- %count lecturas
OBRADOIROS DE BIBLIOTECA CREATIVA
Ola!
O recuncho fedello recibiu a terceira quenda deste curso 2022/2023.
O alumnado de primeiro a sexto de primaria gozou cos xogos de mesa.
Despedímonos deste recuncho ata o vindeiro curso.
- %count lecturas
Reborradio: Fin de curso
Ola, familias!
Aquí tedes a derradeira emisión da nosa Reborradio.
Desexamos que vos guste.
Escoitámonos de novo en setembro!
- %count lecturas
Entrevista a Rita, a nosa mestra de inglés.
Ola, familias!
Temos o pracer de mostravos o podcast realizado por 6º de primaria.
Con moita emoción entrevistan a Rita, a nosa mestra de inglés, que se xubila ao finalizar este curso.
Graciñas, Rita, por compartir tanto con nós!
- %count lecturas
LECTURA E FAMILIAS
Ola, familias!
Tendo en conta as solicitudes realizadas na enquisa de avaliación da Tepoteca.
Aquí tedes unha mostra dos novos libros!
- %count lecturas
LECTURA E FAMILIAS: CONTOS DE RISA
Ola, familias!
Que ben o pasamos onte!
Parabéns a tod@s polas súas grandes dotes interpretativas nas contadas de historias!
A risa sempre é un éxito á hora de atopar contos que enganchen.
Graciñas, a Carla, de Donde viven los cuentos, por trasladarnos a disparatadas situacións.
- %count lecturas
MOCHILAS VIAXEIRAS: FIN DO CAMIÑO
Chega o mes de xuño e as nosas mochilas viaxeiras finalizan a súa andaina.
Esperamos que pasásedes unhas boas lecturas!
- %count lecturas
FALADOIRO NO CORREDOR
Ola, familias
As profes comezaron a poñer en práctica o aprendido na formación de Plotter. Decidiron acondicionar unha parte do corredor do primeiro piso do cole e convertelo nun Faladoiro. Cada vez na educación ten que estar moi presente, tal e como se recolle na lexislación vixente, a EDUCACIÓN EMOCIONAL.
A educación emocional consiste en que os nenos e nenas aprendan a expresar o senten. O que senten cando están tristes, frustrados, asustados,cando se enfadan, cando se emocionan.
Parece fácil eh? O difícil é resolver conflictos, controlar esas emocións e poñerlle palabras ao que sentimos.
Este recuncho é para iso. Poden usalo o alumnado entre eles ou cos profes. Ata o momento é un lugar no que apetece estar. Só queda usalo e disfrutalo.
Ah! E non esquezades que na nosa Tepoteca temos un montón de títulos que nos axudarán a crecer emocionalmente.
CONTINUARÁ...
- %count lecturas
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »
