try another color:
try another fontsize: 60% 70% 80% 90%
CEIP de Rebordáns
Educación para o futuro, presente no rural de hoxe.

STEAM

APRENDENDO SCRATCH_ PROGRAMACIÓN

Ola, familias.

Para "falar" cun ordenador é necesario coñecer a súa linguaxe, é dicir programación. Así que comezamos por aprender que hai diferentes linguaxes de programación, e que este ano imos aprender, a máis sinxela, Scratch.

No segundo e terceiro ciclo, adicámonos este curso a aprender programación con Scratch, chamado Scratux, na nosa maqueta Abalar. O Scratch consiste en crear códigos a base de bloques (instruccións) que nos permitirán dende crear presentacións animadas ata crear sinxelos videoxogos.

Pero unha das cousas máis interesantes, do Scracht é que nos vai permitir manexar moito do material de Polos Creativos. Crear e programar robots, usar tarxetar intelixentes (Makey-makey ou Microbit), facer música co ordenador ou ata manexar os movementos das nosas construcións de Lego.

Comezaron polo máis sinxelo, que era mover unha letra:

E cando rematou o segundo trimestre xa faciamos historietas animadas cunha personaxe.

CONTINUARÁ...

OBRADOIRO DE XADREZ

 O xadrez é unha disciplina que activa o pensamento matemático, a lóxica, a anticipación, a percepción espacial, a concentración e a memoria entre outras cousas. De novo, un ano máis tivemos o pracer de contar con Brais e o Clube de Xadrez de Mos. Ao longo dun mes fixo que os nenos e nenas lembrasen o aprendido o ano anterior, aprendesen novas xogadas e estratexias, disfrutasen e agardasen con ansia a seguinte sesión. Mil grazas Brais. Vémonos o vindeiro ano.

AMIG@S NOVOS PARA C3PO

C3PO necesita amig@s novos. Así que usando a reciclaxe e a nosa creatividade pediunos como reto para conseguir outra xema para Ruby, que fixeramos uns robots. 

O resultado foi esta maravilla!

CONTINUARÁ...

 

 

 

MISIÓN MAPA DE RUBY E OS SEUS AMIGOS

C3PO trouxo unha nova misión. Coñecer o mapa de Ruby e situar as personaxes. Facer os percorridos colocando as flechas de norte, sur, este e oeste no chan ou cos Scornabots. Contamos coa colaboración dos maiores de 5º na elaboración das flechas.

CONTINUARÁ...

C3PO E AS SÚAS MISIÓNS

Coñecemos a C3PO un robot amigo de Ruby, moi tímido que nos trae retos ou misións para conseguir as xemas de Ruby

 

CONTINUARÁ...

PROGRAMANDO CON SCRACHT NO 25N

Como xa dixemos, chegou o momento de comezar a programar. Para iso, imos empregar a linguaxe de Scracht. Un simpático gatiño que a través de "etiquetas con código" permitirános crear dende presentacións ata videoxogos. Despois de dúas sesións, os de 3º, xa fomos quen de deseñar uns carteis con movemento para o 25N.

 

CONTINUARÁ...

COÑECEMOS A RUBY E AOS SEUS AMIGOS

Chegou o momento de converterse en programador@s! Pero os de infantil e 1º o van facer dun xeito diferente. Van a ser "Explorador@s da informática creativa" e todos grazas á inspiración de Linda Liukas na súa páxina de www.helloruby.com

Así que coñecemos a Ruby e a os seus amigos e pedíronnos que lles axudemos a atopar as 5 xemas máxicas. Seremos capaces? Para iso nos fan entrega dun estupendo carné de explorador@s que encheremos con xemas cada vez que completemos unha misión ou reto.

CONTINUARÁ...

INTELIXENCIA DOS ORDENADORES?

E seguimos a entrenar duramente ás nosas neuronas. Esta vez partimos da pregunta: Poderían dominar as máquinas ás persoas?

As respostas foron diversas...en ambos sentidos. A polémica sembrouse coa frase proposta por min: "os ordenadores son tontos"

¿E daquela...a INTELIXENCIA ARTIFICIAL? Dela falaremos máis adiante.

Polo momento, falamos da necesidade da mente humana para "ordenar" aos ordenadores e que eles obedezan.

Xogamos a dar instruccións precisas para cousas cotiás: limpar os dentes, ir ata un porta e abrila ou rascar a cabeza...

Decatámonos de que é máis difícil do que parece. 

Apareceu por primeira vez a palabra ALGORITMO, que son un conxunto de instruccións que lle damos ao ordenador para que realice unha acción.

CONTINUARÁ...

ANALIZANDO O DIXITAL NA NOSA VIDA COTIÁ

Na seguinte sesión, adentrámonos nesas ideas preconcebidas que temos na cabeza e que é necesario "sacudir" para poder aprender. Por exemplo, cantos ordenadores tocamos a diario desde que nos levantamos ata que chegamos ao cole?

Isto lévanos directamente a pensar...que se pode considerar un ordenador? Que ten un ordenador dentro? Ou para que se usan os ordenadores en distintas profesións?

A discusión pedagóxica está asegurada. Agora só queda aprender!

CONTINUARÁ...

QUE É ISO DOS POLOS CREATIVOS?

Comezamos as sesións de Polos Creativos facéndonos preguntas. Como non pode ser doutro xeito.

As respostas foron do máis variopintas: que si íamos comer polos de xeados, que si íamos falar dos polos animais, que si tiña que ver co Polo Norte e Sur ou si tiña que ver cos polos das pilas.

O da creatividade tivéronno máis claro: crear cousas, imaxinar, facer manualidades...

Entón propúxenlle unha adiviña cun ACRÓNIMO en inglés: STEAM  e o resultado foi didáctico e divertido! Traballaremos ciencia, tecnoloxía, enxeñería, arte e matemáticas, misturando coñecemento e creatividade.

Teño que dicir que o alumnado está moi motivado cos Polos Creativos e a participación da maioría e o entusiasmo fai que as sesións sexan xeniais.

E para mostra...estas imaxes:

 CONTINUARÁ...

Distribuir contido