Blog de Voz Natura

E SEGUIMOS PLANTANDO!!!!

Nesta ocasión son os nenos e nenas de 1º de Primaria os que preparan a súa horta, están feitos uns expertos!!!!

ANDAINA MUÍÑOS DO RÍO TRIPES

Grazas a Voz Natura e á colaboración da Asociación Muíños do Tripes e Discamino puidemos gozar dunha preciosa ruta pola contorna do Monte Aloia.

Aproveitamos para ir recollendo o lixo que atopabamos no camiño e así colaborar a manter limpo o noso monte.

Observamos animais que habitan neste parque natural como pequenos morcegos que durmían dentro dos muíños, zapateiros que nos indican a limpeza das augas que pola senda transcorren e ata unha serpe bebé!!!

 

Podedes ver no seguinte video o ben que o pasamos!!!  

 
Para esta saída contamos cunha colaboración moi especial "Discamino", asociación composta por voluntarios que de xeito totalmente altruísta, axudan a todo aquel que non é quen de facer o camiño por sí só. Eles montaron o seguinte video o cal compartimos.
GRAZAS POLA VOSA LABOR!!!
 
 
Tepo e Tepa, coma sempre, móstrannos todo o que podemos aprender nos libros, aquí temos dous exemplares dun dos nosos guías na ruta  Alberto Romero.
 
 
 
GRAZAS ASOCIACIÓN MUÍÑOS DO TRIPES

PREPARADOS PARA PLANTAR!!!

No CEIP de Rebordáns xa comezamos a nosa costume de plantar nas nosas hortiñas, a ver se pronto podemos ver os resultados, de momento, toca limpar, plantar e coidar con moito mimo.

Día Internacional da Muller

Como cada ano, conmemoramos o día 8 de marzo o Día Internacional da Muller, neses días realizamos distintas actividades co noso alumnado: 

- Os/as máis pequenos/as elaboraron unhas fantásticas coroas co número 8 relacionado co día no que se festexa.

- A través do conto Daniela Pirata traballouse ao longo da semana a importancia da igualdade e levaron un recordo unha pulseira.

- O alumnado poido participar nun Obradoiro de igualdade sobre mulleres artistas coñecendo a escultora Soledad Penalta e a pintora Maruxa Mallo. A rapazada poido deixar solta a súa creatividade facendo a súa propia escultura con arxila branca e o seu debuxo libremente. Dito obradoiro foi impartido por "Donde Viven los Cuentos".

- Os máis maiores, xogaron ao xogo de cartas "We Can Play" de Julivert.

- Tamén tivemos tempo de facer algunha manualidade relacionada con este día.

Para traballar sobre este tema e reflexionar sobre a situación de moitas mulleres no mundo, traballouse a figura dunha muller Wangari Maathai que foi moi importante para o seu pobo natal, en Kenia pero tamén unha referente para o mundo. A continuación, poderedes desfrutar da actuación e de todo o traballo realizado por 3º e 4º de Primaria.

 

 

 
 

DÍA DA ÁRBORE

Hoxe é o día da árbore, un día moi importante para o noso centro xa que a nosa Tepomisión é precisamente "o coidado dos nosos montes".

Levamos semanas traballando a figura de Wangari, unha mulller referente para nós, xa que grazas a ela, o seu pobo natal, en Kenia, volve a ter árbores onde antes soamente había deforestación.

No cole fixemos a nosa pequena aportación cultivando sementes.

2 DE FEBREIRO: DÍA DA CANDELARIA

Xa que temos colocadas as casiñas para os paxariños, o alumnado de 5º de Primaria animouse a crear uns HAIKUS, poesías de orixe xaponés, que nesta ocasión, teñen temática relacionada coas aves.

 

DÍA DA EDUCACIÓN MEDIOAMBIENTAL

 

O 26 de xaneiro é o DÍA DA EDUCACIÓN MEDIOAMBIENTAL, Tepo e Tepa mostráronnos algúns interesantes libros sobre os paxariños e puidemos saber o importante que son as ábores para eles.

Para colaborar a que veñan ao noso patio, colocamos unhas casiñas para eles, a ver se se animan a aniñar nelas!!!!

 

TEPO E TEPA ANUNCIAN: NOVA MISIÓN.

Tepo e Tepa tiñan un novo reto para nós.

A decoración dunha árbore de Nadal con elementos naturais. E mirade o ben que quedou...

As rapazas e os rapaces deste cole son uns verdadeiros artistas!

E familias, mil grazas polas vosas achegas. Aquí tedes unha mostra da fantástica decoración de Nadal.

E O OUTONO ESTÁ A PIQUES DE REMATAR...

Aquí mostramos os últimos traballiños feitos polo noso alumnado, baseados na arte e na plástica, agora xa son máis expertos sobre a nosa fauna autóctona.

A través do coñecemento e concienciación poderemos

"PROTEXER O NOSO MONTE"

Distribuir contido


 

Iniciar sesión