Hoxe é o DÍA MUNDIAL DA AUGA, un día no que quixemos crear conciencia sobre a importancia de manter as augas limpas, o noso planeta Terra está cuberto case un 70% de auga, así que podedes imaxinar por que temos que ser conscientes do coidado desta gran parte do noso planeta.

Para isto, volvemos a botar man da nosa TEPOTECA, onde hai libros interesantísimos sobre esta temática, nesta ocasión traballamos o conto:

"Alejo"o cangrexo, tiña que cambiar de cuncha e non atopaba máis que lixo no mar e nas praias.

Esta divertida historia, levou a procurar solucións para evitar situacións como a que lle ocorría a "Alejo".

A solución resultou ser moi sinxela, RECICLAR e tirar cada cousa no lugar axeitado. Así que, o alumnado de 1º curso puxémonos mans á obra:

Lemos, investigamos e divulgamos.

Seguimos cos ODS:

Ola familias!

Teño o pracer de presentarvos o vídeo onde mostramos o noso colexio. Está feito baixo a visión e o traballo dos nenos e nenas de 5º dentro do Proxecto Polos Creativos. Non podemos estar máis orgullosos do noso alumnado.

Botade unha ollada premendo na imaxe!

De novo, no CEIP de Rebordáns celebramos esta data internacional , o Día da Muller. Para conmemorala levamos a cabo distintas actividades:

- Estreamos o noso "Paseo da fama" coas nosas mulleres máis importantes.
- Fixemos un mural con referencia ás nosas nais.
- Creamos distintas manualidades relacionadas coa temática.

E para finalizar, Tepo e Tepa presentáronnos no espazo de lectura do corredor, unha interesante exposición de libros, que nos axudan a entender e disfrutar que é iso da igualdade.

 Si queredes ver isto e moito máis, premede na foto para ver o vídeo:

Foi o luns, 6 de marzo, cando os axudantes da biblioteca de 5º e 6º de primaria, puxéronse mans á obra.

Xa que atopábamonos na Semana da Prensa, decidiron montar o quiosco da Tepoteca.

E aquí tedes o resultado!

Tepo e Tepa están moi emocionados coa acollida. Os nenos e nenas do cole de Rebordáns achegáronse a gozar dos xornais e revistas.

Logo decidiron crear, xunto coas súas familias, novas noticias locas que tamén emitiron na Reborradio.

O Recuncho Fedello recibiu nos recreos a primeira quenda do alumnado que quixo participar coa súa creatividade neste espazo.

O alumnado de primeiro e segundo deseñou os seus bufos con follas secas, legumes e cores.

Terceiro e cuarto creou debuxos con figuras xeométricas como protagonistas.

Quinto e sexto formaron circuítos de tubos e crearon o maior número de palabras con letras ao azar da man do Cross Dices.

Continuará...

Ola familias!

Esperamos as vosas visitas para compartir un rato de boa lectura na aula dos vosos fill@s ou net@s.

Coa data desta conmemoración tan importante para nós, no noso cole quixemos realizar varias actividades para festexalo:

• LECTURA EN NATUREZA: Tepo e Tepa, as mascotas da nosa biblioteca, sorprendéronnos cun novo e especial recuncho para gozar da lectura, e vaia se non é especial, está no espazo máis natural do noso patio, na zona do monte!!!, onde entre árbores, rochas e manto verde, poderemos deleitarnos coas historias dos contos.

•  COIDAMOS A NOSA CABANA DE VIMBIOS: aproveitamos esta data para poñer bonita a nosa cabana, podámola e trenzamos ramas que sobresaían, as ramas sobrantes cortámolas en cachiños e foron para o composteiro. Agora temos un espazo máis para poder ler á sombra no cando veña a calor.

• RECOLLIDA DE LIXO EN TODO O PATIO: outra actividade para conmemorar este día, recollimos todo o lixo que atopamos no patio, parecía que non había, pero ao final enchemos un saco enteiro!!!que contentos nos puxemos todos ao ver todo limpo, así queremos todos os espazos naturais, libres de lixo!!!!

 O 23 de febreiro conmemoramos o día de Rosalía de Castro e, seguindo a proposta da AELG (Asociación de Escritores e Escritoras en Lingua Galega), o noso alumnado de 3º e 4º  de primaria partiron de diferentes poemas de Rosalía de Castro para crear outros novos coas palabras principas de cada un deles.

No caso de 3º de primaria, traballaron a partir do poema "Adiós ríos, adiós fontes" e no caso de 4º de primaria, foi o poema "Campanas de Bastabales".

Ademáis os nenos e nenas de 6º de primaria crearon uns raps moi rimados.

Por último, con todo o material elaborouse a seguinte montaxe audiovisual e un gran mural, onde tamén participaron os nenos e nenas de 6º de infantil, dándolle cor ao rostro de Rosalía de Castro coa técnica de Andy Warhol.

A Tepoteca aportou varios dos seus libros para que todos os nenos e nenas puideran gozar coa súa obra.

Grazas por tanto, Rosalía!

Clicade na imaxe para ver o vídeo.

Premede na imaxe para escoitar a nova emisión de Reborradio.

Vaia sorpresa musical que tiñan preparada Tepo e Tepa na biblioteca!

Un concerto didáctico a cargo de Susa Herrera, acompañada das súas comadres Lara e Tere. 

Xunto con elas, ademáis de CANTAR e BAILAR, puidemos aprender datos interesantes sobre animais do noso planeta como o gorila, o crocodilo, o elefante, a xirafa... Porque ben sabedes que é moi importante coñecer, para así, poder comprender e respectar!

Continuamos cos obxectivos de desenvolvemento sostible, ODS 17: vida de ecosistemas terrestres.

Clicade na imaxe e mirade o ben que o pasamos!