Este ano participamos no programa da Xunta "Móvete +” debido aos índices de obesidade infantil que se barallan nestes tempos por culpa dos hábitos sedentarios aos que nos estamos acostumando. Gustaríanos que isto fora cambiando fomentando, favorecendo, incentivando hábitos de vida saudable non só co movemento físico e deporte senón tamén valorando e tratando de inculcar hábitos de alimentación san e saudable, así como de hixiene persoal e mellora do noso estado físico e mental "mens sana in córpore sano" dirixido a toda a comunidade educativa.
Contamos cunha duración de todo o curso para levalo a cabo, polo que, ao longo do mesmo teremos períodos musicais nos tempos de lecer, promoveremos os xogos tradicionais e premiaremos calquera tipo de movemento físico tanto dentro coma fóra do centro.
