O TEMPO MADE IN BUEU
COMEZAMOS UN NOVO CURSO METEOROLÓXICO!
Enviado por Marta Valbuena o Sáb, 28/10/2023 - 17:00O curso 2023/24 xa comezou, e con el retomamos a observación do tempo e a recollida de datos. Durante o mes de setembro tivemos unhas temperaturas máis altas do habitual, que duraron ata a primeira quincena de outubro. A partir desa data comezaron as chuvias intensas, acompañadas de ventos fortes.
O alumnado da nosa escola comezou a recoller os datos no mes de outubro na caseta meteorolóxica e farémolo ata xuño.
Unha incidencia que se produxo durante a segunda quincena de outubro é que un día chegamos e o fermoso cataventos que construiron unhas alumnas o pasado curso e que estaba amarrado á caseta, apareceu dobrado e caído. Esa mesma noite producíronse refachos de vento moi fortes, polo que pensamos que puido ser esa a causa.
Arranxarémolo o máis cedo posible para poder volver a colocalo e así observar a dirección do vento.
Bo curso meteorolóxico a todas e todos!
6º VISITA METEOGALICIA
Enviado por Marta Valbuena o Sáb, 01/07/2023 - 17:15O día 20 de xuño o alumnado de 6º viaxou xunto coas súas mestras a Santiago de Compostela. O primeiro que fixeron foi visitar Meteogalicia onde recibiron unha charla informativa, e tiveron a oportunidade de ver como se lanza unha radiosonda meteorolóxica que, impulsada por un globo, proporciona información sobre o estado da atmosfera. A rapazada seguiu con moito interese o percorrido da radiosonda, gozou moito desta actividade e espertoulles curiosidade.
Só nos queda agradecerlle ao persoal de Meteogalicia o seu recibimento e atencións para co alumnado e profesorado.
Proxecto NUBES II
Enviado por Marta Valbuena o Sáb, 01/07/2023 - 16:57Os Furabolos da Pedra, de 4º de infantil, presentan a segunda parte do seu proxecto sobre as nubes. Premede no enlace para poder velo!
http://osfurabolosdapedra.blogspot.com/2023/05/proxecto-nubes-ii.html?m=1
Precioso proxecto, profes Teruca, María e Furabolos!!!
Os Pelouros e a Meteoroloxía
Enviado por Marta Valbuena o Sáb, 01/07/2023 - 15:34Neste curso, os Pelouros de 4º Infantil observaron o tempo cada día. Ao rematar o mes facían un reconto con diversos materiais manipulativos como palliñas, regletas, pauciños...
Nos seguintes enlaces, podedes ver as entradas que fixeron no seu blog cada mes:
- Outubro
http://pelourosdebueu.blogspot.com/2022/10/meteoescolas-o-tempo-en-outubro.html
- Novembro
http://pelourosdebueu.blogspot.com/2022/11/meteoescolas-o-tempo-en-novembro.html
- Decembro
http://pelourosdebueu.blogspot.com/2023/01/meteoescolas-o-tempo-en-decembro.html
- Xaneiro
http://pelourosdebueu.blogspot.com/2023/02/meteoescolas-o-tempo-en-xaneiro.html
- Febreiro
http://pelourosdebueu.blogspot.com/2023/03/meteoescolas-tempo-en-febreiro.html
- Marzo
http://pelourosdebueu.blogspot.com/2023/04/meteoescolas-o-tempo-en-marzo.html
- Abril
http://pelourosdebueu.blogspot.com/2023/06/meteoescolas-o-mes-de-maio.html
- Maio
http://pelourosdebueu.blogspot.com/2023/06/meteoescolas-o-mes-de-maio.html
Gran traballo da profe Toñi e os Pelouros!!
ESTREAMOS CASETA METEOROLÓXICA!!!
Enviado por Marta Valbuena o Dom, 28/05/2023 - 00:00Durante o mes de maio, o alumnado de 1º volveu á caseta meteorolóxica para recoller os datos de primavera. Coincidiu nunha época de bastante calor e tamén de treboadas, polo que puidemos recoller algo de chuvia do Pluviómetro, que sempre nos encanta.
Ademais tivemos a ocasión de estrear a nova CASETA METEOROLÓXICA!
A caseta que tiñamos antes estaba xa moi velliña e mesmo non tiña porta... Por tanto, encargouse unha caseta nova ao módulo de carpintería da Asociación Juan XXIII de Cangas. Elaborárona con moito cariño e quedou moi bonita e forte, lista para aguantar moitos cursos máis!!!
POETAS METEOROLÓXICOS
Enviado por Susi Fernandez o Dom, 16/04/2023 - 11:13A semana anterior a Semana Santa, tocounos ao curso de 4ºA recoller os datos da caseta meteorolóxica. Desta vez, tivemos un pouco de todo: tanto sol coma choiva.
Coma neste trimestre estivemos estudando a poesía, decidimos inventarnos por equipos uns poemas sobre meteoroloxía. Ollade a continuación o ben que nos saíron!
NON PAROU DE CHOVER!
Enviado por Susi Fernandez o Ven, 02/12/2022 - 00:17Na semana do 21 ao 25 de novembro á nosa clase de 4ºA tocounos recoller os datos da caseta meteorolóxica. É unha actividade que nos gusta moito cada vez que nos toca e desta vez case todas as mañás choveu. Algúns de nos ata nos enchoupamos! Foi moi emocionante adiviñar canta chuvia recollera o pluviómetro todas as mañás.
Aquí vos deixamos algunhas fotos. Estamos desexando que nos toque outra vez!
INAUGURACIÓN DA RECOLLIDA DE DATOS NA CASETA METEREOLÓXICA
Enviado por Silvia García o Ven, 04/11/2022 - 21:33Que tempo fai? ou What's the weather like?
Enviado por Marina Presas o Mér, 29/06/2022 - 13:56INVESTIGANDO SOBRE O CLIMA
Enviado por Anónimo o Dom, 26/06/2022 - 18:08Como cada ano, o alumnado de sexto realizou investigacións sobre diferentes temáticas.
Aproveitando a experiencia que temos no cole sobre meteoroloxía, unha das temáticas escollidas foi O CLIMA.
Despois dunha coidadosa selección da información e da elaboración da presentación en formato dixital, o alumnado gozou da exposición do traballo e aprendeu moito sobre os diferentes tipos de climas, tipos de nubes, os diferentes tipos de paisaxes segundo o clima… Unha gran aprendizaxe para tod@s!
- 1
- 2
- 3
- 4
- seguinte ›
- última »