CURSO 3ºA 3ºB

A de Astrónomas

Con motivo da celebración do día Internacional da Muller (8 de marzo), os terceros realizamos unha visita ao Museo Massó onde ofertaban o taller “Con A de astrónomas”, no que se abordou a importancia da achega de diferentes mulleres astrónomas que foron esquecidas. Desde Hipatia de Alexandría no século IV ata o século XIX co grupo de astrónomas do Observatorio de Harvard as cales fixeron grandes descubrimentos que cambiarían o rumbo da astronomía. Construimos o noso propio planetario para levar para casa!

Tamén realizamos a visita ao museo, onde ademáis de contarnos a historia da factoría conserveira e a actividade pesqueira, explicáronnos a importancia e as desigualdades do traballo das mulleres naqueles tempos. Impactounos ver nenas e menos da nosa idade traballando naquel entonces.

 

TEATRO AFUNDACIÓN E MUSEO

O martes 5 de marzo, a rapazada de segundo ciclo fomos a Pontevedra a ver a obra de teatro “Hugo” no teatro de Afundación.

Gañadora do Premio María Casares ao “Mellor espectáculo para o público infantil e familiar no ano 2022”, Hugo conta a historia dun neno que é diferente. Gústanlle moito os avións e tamén toca o piano. Laia visita a Hugo cada día e gústalle falar e as plantas. Aprenden, cunha chea de sensibilidade e empatía, a interactuar e ser amigos. Hugo fala da diversidade, da convivencia e da beleza de ser diferentes.

Tamén realizamos unha visita ao museo de Pontevedra. Os terceiros xogaron a ser detectives da arte: un cadro desaparecera e debían adiviñar quen fora o culpable. En canto aos de cuarto foron ver a parte da prehistoria no museo e ata luciron os torques daquela época!

Unha mañá moi instrutiva e divertida.

 

Dando nova vida aos residuos

Hoxe veu visitarnos Manolo, de PONTE A ZERO, para concienciarnos sobre a importancia das 3 R: Reducir, Reutilizar e Reciclar.

Deunos ideas dalgunhas actividades que podemos realizar na nosa casa con material reutilizable como poden ser un teléfono con dous botes de plástico e un fío, decoracións de polispán para o Nadal ou calquera festividade, un amplificador de volume para o móbil…

Despois, realizamos unha manualidade con caixas de galletas e un par de gomas. Unha maneira moi divertida de dar nova vida a eses materiais que se ían a desbotar, iso si, cada un no seu contedor para reciclar.

 

DÍA DE ROSALÍA DE CASTRO - ADIÓS RÍOS ADIÓS FONTES EN LSE

Co gallo da celebración do Día de Rosalía de Castro, a intérprete do noso centro, Rosa Louro, foi gravando a tódolos grupos do cole mentres signaban este podema tan coñecido: Adiós ríos, adiós fontes. Grazas Rosa!!!

 

 

 

ILLAS ATLÁNTICAS

 

Hoxe viñeron a traernos as Illas Atlánticas ata as nosas aulas de terceiro.

Comenzaron falándonos da súa situación e dos diferentes tipos de flora e de fauna que se poden atopar nas illas. Despois, xogamos a pescar imaxes de animais e situabámolas segundo onde vivían. Ao final, vimos un vídeo con moitas especies autóctonas no seu hábitat natural.

Encantounos a visita, aprendemos moitísimo xogando! 

 

FESTIVAL DE NADAL 2023

Aquí tendes o Festival de Nadal celebrado nos últimos días de clase. Despois do traballo musical de todo o trimestre, este foi o resultado final. Grazas á profe Elsa pola organización, e ás demais persoas que participaron.

Agardamos que vos guste!!!

 

 

PROXECTO O UNIVERSO

PROXECTO O UNIVERSO

Neste primeiro trimestre, a rapazada de terceiro indagamos sobre o universo. Foi un tema que nos encantou e estivemos moi motivados. Vimos vídeos, fixemos búsquedas e un cuadernillo e o mellor: realizamos un libro de lapelas alucinante!!

Tamén xogamos coas cartas Plicker e respondemos a algúns Kahoots para demostar o que aprenderamos: foi super divertido e encantounos!

Ollade as seguintes fotos!

NOVEMBRO, MES DA CIENCIA EN GALEGO

Este mes de novembro a rapazada de 3º fomos á aula de ciencias para realizar algúns experimentos.

O primeiro foi o de “Leite de cores” no que vimos como as cores, ao tocalas cun isótopo mollado con xabón parecían estoupar.

Tamén xogamos coa electricidade estática: o que mellor funcionou foi frotar o globo cos pelos (sobretodo se eran longos!) e despois pegábanse os papeliños. ¡Que divertido!

Para finalizar, recortamos unha flor de papel, doblámola e ao métela na auga abría soa, foi espectacular!

Pasámolo en grande!

Aquí vos deixamos dous vídeos para que vexades  as nosas reaccións.

 


SAMAÍN OLÍMPICO

Este é o mural que preside a entrada do noso cole.

Cada clase do colexio, infantil e primaria, compuxemos un esqueleto olímpico. 

Estes son os esqueletos de terceiro: esquiando e surfeando.

Mirade o que fixemos o alumnado de 4º. Por un lado un esqueleto nunha competición paralímpica de baloncesto e outro facendo lanzamento de disco, imitando ao discóbolo de Mirón.

 

Pero o máis divertido foi o día 31 de outubro porque estivemos de festa todo o día. Moitxs  decidimos vir disfrazadxs pero houbo quen preferiu non facelo.

Celebramos as olimpíadas de Papirus con obradoiros.

Na aula de 4ºA esperábanos Lina para facer unha manualidade, consistente en compoñer unha cestiña con forma de cabaza para facer o truco e trato.

Na aula de 3ºB, estaba Anita, para facer xogos sobre papel como  sopàs de letras, tres en raia, xogos de memoria, … en inglés.

No ximnasio estaba a Gore para mover con ela o esqueleto con entretidos xogos de movemento.

 

Na aula de música estaba o alumnado de sexto preparados para contarnos historias terroríficas.

Ai! Non nos podemos esquecer do final.  Festa rachada no patio, con música e baile!

 

 Clicade na imaxe para ver  un divertido vídeo.

 

 

Xornada de convivencia Juan XXIII

O martes 17 de outubro a rapazada dos dous grupos de terceiro fomos visitar o centro Juan XXIII de Cangas nunha xornada de convivencia.

Nun primeiro momento, a directora nos sensibilizou sobre o tema da discapacidade e logo levounos a visitar todo o centro.

Ao remate da visita, repartímonos en 6 grupos e cada un deles participou en dous diferentes talleres, amenizados por todos os traballadores e usuarios do centro.

Os talleres eran os seguintes:

1. OBRADOIRO DE CARPINTERÍA E XOGOS DE MADEIRA

2. OBRADOIRO DE MANIPULADOS e COMUNICACIÓN EN L.S.

3. OBRADOIRO DE MEMORIA e EMOCIÓNS

4. OBRADOIRO DE EUROS E COCIÑA

5. MANTEMENTO FÍSICO e RELAXACIÓN MULTISENSORIAL

6. OBRADOIRO DE MANUALIDADES e BISUTERIA

 

Ao rematar cada obradoiro, obsequiaronnos cun agasallo: un diploma ou unha manualidade realizada no propio taller.

A merenda foi seguida por un ratiño de xogos no que os rapaces seguiron interactuando cos usuarios do centro e todos o pasamos moi ben!

Para rematar, xuntámonos todos para unha valoración da xornada que foi unánime: a todos nos encantou!

A sensibilización nos parece indispensable para unha sociedade máis inclusiva, respetuosa e chea de valores porque… Todos somos iguais aínda que todos somos diferentes!

Distribuir contido