Skip to Content

AULA VIRTUAL

BIBLIOTECA E EDLG

CURSO 6ºA 6ºB

VISITA AO PAZO DE LOURIZÁN E CAMPOLAMEIRO

Un día soleado, un día cheo de emocións…

A primeira parada que fixemos tras saír da escola foi o Pazo de Montero Ríos. Neste lugar gozamos da gran variedade de especies arbóreas que alí se atopan, facendo especial parada para contemplar as que están consideradas como “Árbores Senlleiras”. Ademáis, informámonos de toda a historia que encerran aquelas 52 hectáreas.

Despois, fomos ao Parque Arqueolóxico de Campolameiro. Alí tivemos unha visita guiada, obradoiros de caza e cerámica, unha exhibición de lume…., deste xeito achegámonos a coñecer máis de preto a Prehistoria.

 

Foi un apaixoante día no que o alumnado de sexto gozamos sen parar. 

 

 

 

 

 

 

 

 

 

 

 

 

 

 

 

 

 

 

ENTREVISTA A LUCÍA NOVAS

Dous días seguidos tendo na nosa axenda a persoas ilustres da nosa contorna, que pasaron deixando a súa pegada polo noso cole.  No día de hoxe tivemos a gran oportunidade de contar coa presencia de Lucía Novas, antiga alumna, actualmente docente e escritora.

Fixémoslle unha entrevista, na que descubrimos cousas moi interesantes sobre ela, sobre a súa faceta de poeta, e tamén da súa época escolar, na que foi estimulada nese amor ás letras, ás escritura.

 

Podes escoitar a nosa entrevista no seguinte enlace:

https://go.ivoox.com/rf/87930579

 

 

 

 

VISITA AO INSTITUTO

Dentro das xornadas de tránsito ao instituto, o IES Johan Carballeira convidounos a coñecer o seu centro.

Foi unha xornada moi interesante, na que fixemos un percorrido polo insti; un obradoiro de baile galego; unha visita á bliblioteca e rematamos cun gran agasallo: a representación dunha obra de teatro moi entretida.

 

UNHA VISITA MOI ESPECIAL

Co galo do 50 aniversario do cole, non puidemos deixar de pasar a ocasión de convidar a un gran invitado, que deixou un ronsel moi importante na Pedra:  Arturo Sánchez Cidrás, antigo mestre do cole e escritor.

Foi unha gozada escoitalo, pasáronnos os minutos como se fosen segundos, e puidemos aprender del moitísimas cousas de como era a escola noutros tempos. Que datos máis curiosos compartiu con nós.

Ao rematar, fixémoslle unha entrevista na radio, que non vos podedes perder:

https://www.ivoox.com/entrevista-a-arturo-sanchez-cidras-audios-mp3_rf_87927144_1.html

 

 

 

A VOLTAS CO TEATRO

Moita creatividade e gran talento.

Neste tema, onde estamos a traballar o xénero teatral, puxémonos a crear unhas pequenas obras dramáticas. Foi divertido escribilas e moito máis representalas.

 

 

 

 

 

 

 

 

 

 

 

 

VISITA AO MUSEO MASSÓ

O alumnado de sexto visitamos o museo Massó.

Aínda que xa o viramos moitas outras veces, nesta ocasión, aproveitando para facer un obradoiro chamado “Mensaxe nunha botella”, onde continuamos a labor de sensibilización  co coidado e conservación dos océanos, que xa estabamos a traballar coa nosa participación no festival  “Art for change”.

Foi unha xornada moi divertida.

 

 

 

 

ENQUISAS

Estas últimas semanas o alumnado de sexto está a traballar “a enquisa” .

Seguindo as fases de elaboración, primeiro centrándonosen elixir os temas, neste caso, vinculados cos proxectos do cole (a meteoroloxía, a alimentación e a escola de hai 50 anos).

A continuación, elaboramos as enquisas para posteriormente facer o noso traballo de campo no centro da vila.

Foi unha experiencia moi enriquecedora, na que compartimos moitas e divertidas experiencias cos veciños de Bueu.

 

 

 

 

 

 

 

PILABOT

Comprometidos co coidado do noso planeta, o noso centro participou no concurso “PILABOT”, colaborando na campaña de recollida selectiva de pilas e acumuladores portátiles. Canto nos gusta poñer o noso gran de area!

 

 

 

 

ARTE QUE NOS "REMOVE" E FAI PENSAR...

O pasado día 18 de marzo o alumnado de sexto de primaria acudiu á Sala de Exposicións Amalia Domínguez Búa para visitar a éxposición "Folerpas de papel caen devagar sobre fachos prendidos", contando coa explicación do artista, Ramiro Agulla.

Foi unha experiencia que non só nos achegou á escultura e ao arte, senón a todo un mundo de sensacións.

 

ARTE QUE NOS "REMOVE" E FAI PENSAR...

O pasado día 18 de marzo o alumnado de sexto de primaria acudiu á Sala de Exposicións Amalia Domínguez Búa para visitar a éxposición "Folerpas de papel caen devagar sobre fachos prendidos", contando coa explicación do artista, Ramiro Agulla.

Foi unha experiencia que non só nos achegou á escultura e ao arte, senón a todo un mundo de sensacións.

 

Distribuir contido


by Dr. Radut