Blog A Pedra
DESCUBRIMOS OS MISTERIOS DA METEOROLOXÍA
Enviado por Macu Rodríguez o Mér, 19/06/2024 - 23:16Este curso aprendemos a traballar no eido da METEOROLOXÍA!
Durante unha semana tomamos nota das temperaturas, a presión atmosférica, a humidade, as precipitacións...
Fixémolo por partida dobre, en dúas épocas diferentes: entre xaneiro e febreiro e entre maio e xuño.
A primeira hora da mañá, antes de subir a clase, iamos á caseta meteorolóxica e tomabamos nota das medicións e, inmediatamente, nos dirixiamos ao PANEL DAS METEOESCOLAS que temos no corredor do BIBLIOCASTELO, para rexistrar a información.
Nas primeiras semanas de febreiro, cando chegou a primeira quenda, puxémonos mans á obra!! E para facelo, foi necesario aprender varios conceptos que para nós eran novos.
· TEMPERATURAS:
o MÁXIMA
o MÍNIMA
· PRESIÓN ATMOSFÉRICA
· HUMIDADE
· PRECIPITACIÓNS
ENCÁNTANOS ESTA TAREFA!!!
Entre a última semana de maio e a primeira de xuño, repetimos experiencia e volveu suceder algo parecido á ocasión anterior.
A finais de xaneiro e nos primeiros días de febreiro, as temperaturas foron moi altas para a época do ano e non choveu nin unha pinga.
Polo contrario, cando lles tocou axs compañeirxs de 1º B facer as súas medicións, as precipitacións foron moi abundantes; tanto, que houbo algún deses días nos que non puidemos saír a medir porque chovía moitísimo.
Encántanos esta actividade e sérvenos para reflexionar sobre o terrible problema do cambio climático.
Como ademais nos coincidiu coa celebración do DÍA MUNDIAL DA AUGA o día 22 DE MARZO e o DÍA MUNDIAL DO PLANETA, O 22 DE ABRIL, vimos varias curtametraxes na aula, LEMOS O CONTO DA “BALLENA LLENA” e gravamos na radio escolar un fermoso poema que compuxo a profe María Martínez para reflexionar sobre temas como o uso dos plásticos, a contaminación, o consumo de auga, a reciclaxe...
Entre a última semana de maio e a primeira de xuño, levamos a cabo a derradeira quenda deste curso e fixádevos que curioso; outra vez sucedeu que nos últimos días choveu máis que na semana anterior, igual que nas outras dúas ocasións!!
Temos que coidar o planeta e cumprir cos 3 R, reducir o consumo de plásticos, reutilizar e reciclar!!
PREMEDE NA IMAXE PARA VER O VÍDEO
CELEBRAMOS O ANIVERSARIO DE PAPIRUS
Enviado por Macu Rodríguez o Sáb, 28/10/2023 - 20:40CELEBRAMOS O ANIVERSARIO DE PAPIRUS
O 24 de outubro o noso querido Papirus está de aniversario e, cada ano, organizamos quendas para poder visitalo no seu BIBLIOCASTELOe cantarlle os PARABÉNS.
Este curso, como xa estamos en Primaria, tivemos que agardar ata o xoves 26 para poder festexalo. Pero, pagou a pena porque compartimos a festa cxs compis de 3º, que nos tiñan preparada un sorpresa moi linda.
Cando chegamos á biblio xa estaban todxs sentadiñxs a esperar a nosa chegada. Unha vez nos acomodamos, xs profes puxeron na pantalla varios vídeos:
o No primeiro, varias rapazas de 6º, que forman parte do Equipo de Axudantes de Papirus, nos explicaban que este ano o tema central do Proxecto da biblioteca serán As Olimpíadas; pero non unhas calquera, senón, AS OLIMPÍADAS DE PAPIRUS.
o O segundo contaba historia da nosa querida mascota e do seu Bibliocastelo.
o Co terceiro, cantamos xuntxs a canción Papirus.
Pero o mellor foi o que sucedeu a continuación! Cada compañeirx de 3º seleccionara un conto para lernos a cadaquén de nós!! As profes mandáronnos sentar por parellas ao longo e ancho da biblio; que, de súpeto se converteu nun xardín máxico no que plantamos sementes de amizade con forma de APADRIÑAMENTOS LECTORES!!
Despois, fomos ás aulas de 3º onde xuntxs debuxamos un agasallo para Papirus.
FOI UNHA EXPERIENCIA PRECIOSA!!
MOITÍSIMAS GRAZAS, COMPIS de 3º!!!
PREMEDE NA IMAXE PARA VER AS FOTOS
METEOGALICIA E DIPLOMA EXCELENCIA
Enviado por Marta Valbuena o Dom, 17/11/2024 - 01:00O mércores 15 de novembro, dúas mestras da escola, foron a Santiago de Compostela ás xornadas de Meteoescolas. Alí ademais de recibir formación, foron obsequiadas co DIPLOMA DE EXCELENCIA polo proxecto do ano anterior e un agasallo: un termómetro de terra que finalmente instalouse nas hortas do colexio de Infantil para que os máis pequenos da escola teñan a posibilidade de medir a temperatura.
Moitas grazas a todo o Equipo de Meteogalicia polo recoñecemento e o agasallo!
OLIMPIADAS DE PAPIRUS
Enviado por José Ángel Graña o Sáb, 06/07/2024 - 13:01
Durante o terceiro trimestre, nas clases de Educación Física, os nenos e nenas de 1ºB levaron a cabo, baixo o lema olímpico “ Citius, Altius, Fortius” (máis rápido, máis alto, máis forte), distintas probas das Olimpiadas de Papirus: velocidade, resistencia, salto de altura e de lonxitude, salto á corda, carreiras de remudas, salto á comba, lanzamento de peso, vórtex...
Rematamos as Olimpiadas de Papirus cunha saída ao campo da Estacada, onde fixemos lanzamentos de xavelina.
Despois baixamos á praia da Banda do Río, onde realizamos diversos xogos na area: á pita circular, á partida, tiro á corda, carreiras de remudas, ao bordon e búsqueda do tesouro.
Voltamos ao cole cheos de ledicia e emoción!!!
Concurso Illas Atlánticas
Enviado por Susana Simoes o Mar, 25/06/2024 - 23:22Este curso traballamos moito, pero de todos os proxectos que fixemos hai un do que nos sentimos especialmente orgullosxs: o noso proxecto sobre o Parque Nacional das Illas Atlánticas.
Todo comezou alá polo 1º Trimestre, cando viñeron Suso e Bea, das Illas Atlánticas, a falarnos do parque nacional e dos seus ecosistemas. Logo, no segundo trimestre, aproveitando o traballo que xa levamos anos facendo na caseta meteorolóxica (do Proxecta Meteoescolas) introducímonos a estudar os climas. Isto permitiunos enlazar cos ecosistemas, centrándonos nos ecosistemas do PN das Illas Atlánticas. Podedes ver algunha foto a continuación dos traballos grupais e das presentacións que fixemos.
Decidimos presentarnos a un concurso que organizaba o PN das Illas Atlánticas, e creamos un Xogo de mesa: custounos chegar a un consenso e decidir como queriamos que fose o xogo, pero unha vez feito isto xa nos puxemos mans á obra: elaboramos un PASAAILLA. Ao estilo dun pasabalabra, co Plotter de corte e manualmente, elaboramos os taboleiros. Logo investigamos na biblioteca do centro, nos libros que trouxeron as profes e en interntet sobre os catro arquipélagos: Ons, Cíes, Cortegada e Sálvora. Despois, con toda a información que tiñamos, preparamos as tarxetas con preguntas para poder xogar.
E, sabedes que? Gañamos o concurso e o premio foi unha viaxe ás Illas Cíes! Que ben o pasamos!
Estamos tan motivados con esta experiencia, que o curso que vén estamos desexando volver participar!
OS FURABOLOS E O TEMPO
Enviado por Marta Valbuena o Mar, 25/06/2024 - 13:43Os Furabolos da Pedra, alumnado de 5º de infantil non podía ser menos e tamén traballou co tempo. Representaron o mapa do tempo de Galicia e recitaron refráns tradicionais.
Premede na imaxe para ver o ben que o fixeron!
OS LARETAS E O TEMPO
Enviado por Marta Valbuena o Mar, 25/06/2024 - 13:37Na aula dos e das Laretas, alumnado de 6º de infantil, cada día hai un protagonista que pinta un rectángulo da columna correspondente, segundo o tempo que faga ese día: sol, chuvia, nubes...
A fin de mes, contamos cantos hai en cada columna para ver o tempo que predominou ao longo do mes e o representamos cun número e material manipulativo.
OS TRASNOS E O TEMPO
Enviado por Marta Valbuena o Mar, 25/06/2024 - 13:25Os trasnos, alumnado de 4º infantil, cada día rexistramos no calendario o tempo atmosférico. Ao finalizar cada mes creamos o nome do mes con letras móbiles e a gráfica do tempo cos number blocks.
OS PELOUROS E O TEMPO
Enviado por Marta Valbuena o Mar, 25/06/2024 - 13:05Ao longo de varios meses do curso, o alumnado de 5º infantil do grupo PELOUROS, observaron e mediron o tempo, que despois rexistraban ao rematar cada mes cun reconto matemático representado de diferente xeito.
Podedes entrar en cada un dos meses para ver o seu traballo.
OUTUBRO
http://pelourosdebueu.blogspot.com/2023/11/meteoescolas-o-tempo-en-outubro.html
XANEIRO
http://pelourosdebueu.blogspot.com/2024/02/tempo-en-xaneiro.html
FEBREIRO
http://pelourosdebueu.blogspot.com/2024/03/tempo-en-febreiro.html
MARZO
http://pelourosdebueu.blogspot.com/2024/04/tempo-en-marzo.html
ABRIL
http://pelourosdebueu.blogspot.com/2024/05/tempo-en-abril.html
MAIO
http://pelourosdebueu.blogspot.com/2024/06/tempo-en-maio-estivo-ben-repartido.html
Moi ben, Pelouros! Fixéstelo xenial!!!
MINIOLIMPÍADAS NA PRAIA
Enviado por Goretti Cordeiro o Lun, 24/06/2024 - 09:52MINIOLIMPÍADAS NA PRAIA
Estes días aproveitando o bo tempo e para rematar este curso, baixamos ata a praia da Banda do Río para celebrar as nosas particulares Miniolimpíadas de Papirus.
Os días previos confeccionamos o facho olímpico, que nos ía acompañar no noso camiño, e as bandeiras, que nos axudaron a organizarnos por equipos mesturando idades e cursos (os aros olímpicos, de cor branca; a candea olímpica, de cor amarela; o caldeiro olímpico, de cor vermella, e as mascotas, Les Phryges, de cor azul). Tamén preparamos coroas de oliveira para os participantes pola súa colaboración, esforzo e ilusión.
Finalizados todos estes preparativos, xa só nos quedaba achegarnos ata a praia para gozar das distintas probas que tiñamos que realizar: lanzamentos de vortex ou xavelina, salto de lonxitude, remudas con entrega de testemuño e dobres con raquetas. Unha vez que todxs pasamos polas catro probas, demos por clausuradas as nosas Miniolimpíadas coa entrega das coroas de oliveira.
Para rematar, fixemos unha recollida selectiva de todo aquilo que atopamos pola praia e que non forma parte da natureza como plásticos, papeis, cartóns, botes, cristais, latas... para poder seguir gozando deste espazo o maior tempo posible.
Esperamos que desfrutarades da convivencia porque ese era o noso obxectivo, aprender convivindo deixando de lado a competitividade que moitas veces nos desborda. Grazas aos titores pola súa colaboración e a Lina e a Suso pola súa paciencia. E con isto damos por rematado un ano olímpico.
BO VERÁN!
