Skip to Content

EDUCACIÓN FÍSICA

TAEKWONDO

Ven, 29/09/2023 - 11:48

Esta última semana de setembro, tivemos a visita de Belén Asensio adestradora Nacional de 5ºDAN e dobre campiona Mundial e de Europa. Coa axuda da súa compañeira Jessica organizou unhas sesións para darnos a coñecer algo máis do deporte que elas practican, o Taekwondo.  E así fomos baixando por cursos ao ximnasio, primeiro comezamos cun pequeno quecemento e logo explicounos como realizar as patadas, que tipo de materiais empregan e normas básicas como o saúdo( Kionñe) a posición de combate( Chumbi)  o grito (kiap)... A continuación fixemos xogos de iniciación por parellas e para rematar a sesión fomos pasando de un en un para medir a potencia das nosas patadas cun mit electrónico. A verdade é que aprendimos algo máis dun deporte olímpico basado nun arte marcial de orixen coreano, o Taekwondo. Grazas pola vosa visita e o voso tempo. Ata a próxima.

 

BENVIDA CURSO 2023-24

Mar, 12/09/2023 - 18:25

E como tódolos anos ao remate do verán toca comenzar un novo curso, Neste retomaremos a implantación progresiva da nova Lei Educativa, a LOMLOE nos cursos pares 2º, 4º e 6º de E. Primaria, completando así este proceso en todos os niveis. Neste curso o proxecto de centro será “ As olimpíadas de Papirus”. Con el pretendemos investigar, descubrir, explorar e practicar algo máis sobre este evento deportivo de carácter internacional.

E sen máis comenzamos un novo curso coas pilas cargas e cheos de enerxía, desexando que sexa para todos-as un curso digno dunhas olimpíadas exitosas.

Na parte de abaixo, no arquivo adxunto deixamos información sobre a área de E. Física e normas de funcionamento xeral relativas ás nosas clases.

                                Os-as mestres-as de Educación Física.

SAÍDA Á PRAIA

Mar, 20/06/2023 - 17:30

Co curso a piques de rematar e os nervos algo alborotados, decidimos realizar unhas xornadas de xogos na praia para os últimos días. Baixamos por cursos e comenzamos cos máis pequenos-as, os de 1º de Primaria o luns.

O día seguinte foi a quenda para os de 2º que foron apadriñados  polos nenos-as de 4º de Primaria.

O mércores baixaron á praia os de 5º e os de 3º de Primaria.

 

Os nenos/as de 3º de Primaria fixemos unha andaina ata a praia de Portomaior, atravesando e facendo unha recollida de lixo nos areais de Petís, Loureiro e Agrelo.

Xa en Portomaior, merendamos para repoñer forzas, tivemos unha charla sobre o ecosistema costeiro da duna e antes de voltar xogamos na area.

 

 

Os xogos que poidemos practicar foron: o brilé, o 3 en raia, o bote-botero, o pano,  a pita balón e  a petanca.

A media mañá paramos  a merendar e beber un chisco para repoñer forzas.

Para acabar recollimos o lixo que estaba espallado pola praia, xogamos coa area e botamos a voar algunhas cometas aproveitando o vento.

 

 

O tempo acompañou e as gañas de divertirnos eran moitas, así foi como resultou unha xornada moi entretida para rematar este curso de MOITO MÁIS QUE XOGOS 

  BOAS VACACIÓNS, DESCANSADE E NON ESQUEZADES 

 DE GOZAR XOGANDO NO VERÁN !!!!

 

A CACHIZA

Mar, 23/05/2023 - 17:13

  A CACHIZA

Coa chegada do bo tempo e a invitación do CLUBE CORREDOIRAS  baixamos ao campo da Estacada  o xoves 18, o venres de 19 e o martes 23 de maio para xogar A CACHIZA. Ao chegar estabanos esperando Begoña, Jose, Carolo, Novas e Charri para explicarnos e compartir con nós a súa afección.

 

Subdividíronnos en grupos para que as roldas foran máis rápido e logo repartiron as CACHIZAS( pau pequeño) e os PALÁNS ( pau grande co que se golpea ao pequeno) e dixéronnos que tiñamos que intentar chegar en 4 golpes ata o varado( paus verticais en forma de portería por onde ten que pasar a cachiza). Puxémonos máns a obra e pouco a pouco cun chisco de puntería e algo de técnica foinos saíndo cada vez  mellor.

 

Os primeiros en baixar foron os de 5º de Primaria, logo os de 4º e deixamos para o venres os de 6º e 3º.

 

A verdade e que aprendimos algo máis sobre este xogo tradicional que dende o 2020 é considerado un DEPORTE máis. Este realízase nun campo de 50x20m. e o material que emprega son: cachizas de entre 15-25 cm. e paláns de entre 50-60cm. de longo, feitos de distintos tipos de madeira( toxo, sabugueiro...). O obxectivo final é que a cachiza pase polo varado. 

 

 

 

Os que o practican din que engancha e a nós serviunos para pasar unha mañá difente probando algo distinto que forma parte da nosa tradición máis antiga.                                              GRAZAS Clube Corredoiras por convidarnos.

CHAPUZANDO NA PISCINA

Mar, 18/04/2023 - 18:39

  

No terceiro trimestre o alumnado do 2º e 3º ciclo decidimos  facer unha visita ás instalacións da Piscina Municipal de Bueu. Cargamos a mochila ao lombo, cun bañador, unha toalla, un gorro... e aló fomos todos-as xuntos-as andando ata a piscina.

Os primeiros en baixar foron os de 4º de E. Primaria, o luns  en dúas quendas.

O mércores tocoulles a vez ós maiores, os de 6º E. Primaria.

O xoves os de 5º e para rematar esta tanda o luns 24 cos máis pequenos os de 3º de E. Primaria.

 

 

 

Para algúns era a súa primeira vez e os nervos afloraban. Ao chegar distribuíronnos en dous vestiarios onde nos preparamos para mergullarnos e gozar da auga quente. Alí un monitor explicounos como realizar a respiración baixo a auga, que estilos había, como lanzarnos, por onde tiñamos que facer o percorrido.... Rematamos a actividade cun xogo e a recollida do material. Só nos quedaba darnos unha ducha para sacar o cloro, cambiarnos e voltar secos ao colexio para seguir co resto das clases. Esperamos poder repetir outro día. Grazas Diego, Cristian e Ana. 

 

CLUB MAR DE BUEU

Mar, 22/11/2022 - 10:47

O club de remo Mar de Bueu invitounos a visitar as súas instalacións e o venres 17 de novembro, aínda que chovía un chisco, collemos paraugas, chuvasqeiro e para aló fomos todos-as xuntos. Saímos andando por quendas, primeiro os de 5º de Primaria e logo os maiores do cole, os de 6º de Primaria.

 

 

Cando chegamos estábanos esperando Valente, Fátima e Iría que nos ensinaron todas as instalacións e como se podían empregar as distintas zonas e aparatos dos que dispoñían. Dividíronnos en tres grupos para ir rotando polos distintos espazos. 

 

Explicáronnos as partes fundamentais dun remo: pa, caña, tope e guión e o estrobo corda para agarralo ao tolete así como os distintos tipos de embarcacións según as categorías. Tamén onde fan os seus exercicios físicos e o foso onde practican en seco as distintas posicións e o manexo dos remos.

 

 

 

Gustounos moito coñecer algo máis deste deporte e disfrutar cos compañeiros-as dunha camiñada polo pobo preto do mar. Grazas Club Mar de Bueu.

 

DESCUBRINDO O BALONMÁN

Xov, 17/11/2022 - 10:08

 

O luns día 7 de novembro viunos visitar Diego, un exalumno do colexio, en representación do Club Balonmán Bueu e a través do programa Xogade. A súa proposta era darnos a coñecer un pouco máis este deporte e por iso ofreceuse a organizar un par de sesións para os nenos-as de 4º de Primaria durante catro semanas seguidas. Ensinounos como agarrar e botar correctamente a pelota, os tipos de lanzamentos e pases que hai e algunha que outra regra para movernos axeitadamente pola pista. A verdade é que aprendemos un montón de cousas.

 

 Foi un experiencia moi DIVERTIDA e resultou XENIAL. Grazas Diego volve cando queiras.

O MAGOSTO

Mar, 15/11/2022 - 18:32

 

Un ano máis  cando chega o” San Martiño trompos ó camiño” contamos coa visita dalgún dos compoñentes  da asociación Corredoiras e as castañas asadas de Ramón.

 

 

Veñen para  ensinarnos o seu valioso TESOURO,  a recomplilación de xogos populares e tradicionais da nosa cultura e doutras, moitos dos cales xa xogaban os nosos pais-nais, avos-as… noutros tempos.

 

 

 

Algúns destes xogos xa non se constrúen e son moi difíciles de atopar, pero aínda nos seguen  entretendo e divertindo a todos-as.

Grazas Correidoras polo voso tempo e por facernos pasar unha mañá diferente e moi divertida. Esperámosvos  para o vindeiro ano.

 

 

BENVIDA

Mar, 06/09/2022 - 15:06

Estimadas familias:

Benvidos-as a un novo curso no que retomamos a normalidade de anos anteriores. Este ven condicionado pola implantación en 1º, 3º e 5º de Primaria da nova lei educativa, a LOMLOE, o que suporá cambios para todos-as. Neste curso, o proxecto de centro a traballar ao longo de todo o ano será o Xogo, co lema "Moito máis que xogo". Con el pretendemos descubrir, experimentar, practicar e atopar todo aquilo que nos poden aportar os xogos no proceso de ensino-aprendizaxe. E sen máis comezamos un curso cheo de sorpresas lúdicas que esperamos que sexa para todos-as como un xogo de nenos-as.  

Na parte de abaixo no arquivo adxunto, deixamos información sobre a área de Educación Física e normas de funcionamento xeral relativas as nosas clases.

                          Os-as mestres-as de Educación Física.

SAÍDAS Á NATUREZA

Mar, 28/06/2022 - 13:25

Para rematar este curso e coa chegada do bo tempo, animámonos a realizar fóra do centro diferentes andainas pola contorna.

Disfrutamos da senda do río Bispo, onde ademais de exercitar os músculos das nosas pernas, tamén descubrimos algo máis sobre a vexetación propia da zona.

Algúns fomos para arriba cara a Portela e atopamos polo camiño siñais que nos indicaban que iamos polo bo camiño.

Outros fomos para baixo cara o centro de Bueu e fixemos unha parada técnica no campo da Estacada.

Cos nenos/as de 2º de Primaria fomos ata á praia da Bando do Río, onde disfrutamos xogando todos xuntos dunha xornada diferente. 

 

 

E con isto dimos por rematado o curso. Gozade destas merecidas vacacións e esperámosvos a todos/as o vindeiro curso para seguir explorando as posibilidades do noso corpo.

Os-as mestres-as de Educación Física.

Distribuir contido


by Dr. Radut