G 1401019 Contabilidade práctica con aplicación informática

Curso do Plan Anual 2014-15

A partires do vindeiro 29 de setembro, iniciarase un curso en rede programado para profesorado da familia de Administación e Xestión “ Contabilidade práctica con aplicación informática”.

Os obxectivos deste curso inclúen coñecer a aplicación informática ContaSol, así como o seu manexo mediante a resolución de supostos prácticos.

A actividade estenderase durante 10 semanas. Durante ese tempo deberanse completar as tarefas que a  titora  propoña. Como axuda estarán dispoñibles a través do email e dos foros para contestar dúbidas e resolver problemas, e ademais haberá documentación de axuda colgada na mesma aula virtual. Para recibir a certificación correspondente, debe facerse correctamente o mínimo das tarefas que a titora estableza.
Como é un curso en rede, cada participante pode conectarse á aula virtual no tempo e horario que considere oportuno: o importante é entregar as tarefas correctas e en tempo.

Data comenzo:29 setembro

Data finalización:12 de decembro

Lugar de celebración:Platega

Enlace a Fprofe:https://www.edu.xunta.gal/fprofe/procesaConsultaPublica.do?DIALOG-EVENT-ver=ver&cod_actividade=61036

Neste novo apartado podedes consultar información actualizada sobre a LOMCE. Podedes acceder directamente desde o botón da páxina principal que leva á seguinte información: /portal/guiadalomce

Resumo do proxecto
iTEC describe unha serie de escenarios de aprendizaxe, compostos por actividades secuenciadas coas que se resolverá un problema real buscando a motivación do alumnado e o aproveitamento dos recursos dispoñibles.
Estes escenarios non dependen do nivel, materia e contidos a traballar, sendo o profesorado o responsable de ordenar as actividades e elixir levalas a cabo baseándose na realidade da súa aula e o acceso á tecnoloxía de que dispoñan. Exemplos de escenarios de aprendizaxe son “narrar unha historia”, “crear un xogo”, “deseñar unha simulación de física” ou “crear un obxecto”.
Os escenarios de aprendizaxe deseñados no proxecto iTEC están empregándose en aulas piloto de 19 países coa fin de estudar a súa aplicabilidade. En Galicia a pilotaxe está dirixida pola Universidade de Vigo, única institución española participante no proxecto.

Adaptación do proxecto iTEC ao proxecto Abalar
Ao longo do ano 2014 están realizándose accións de pilotaxe do proxecto iTEC en aulas galegas. Nunha primeira fase, realizada entre xaneiro e maio participaron 6 docentes cuxo traballo pode verse en http://www.edu.xunta.gal/espazoAbalar/espazo/experiencias/experiencia/proxecto-itec.
Ao longo deste trimestre vai desenvolverse a segunda fase, que comeza no mes de setembro coa realización de tres cursos no CAFI e os CFR de Ourense e Pontevedra e continuará os próximos meses coa selección de 9 docentes participantes nestes cursos aos que se apoiará na implantación na aula do escenario perfilado durante o curso.
A inscrición nestes cursos remata o día 16 de setembro e pode realizarse mediante a plataforma Fprofe. Os códigos dos cursos son G1401078, O1401024 e P1401035.

Requisitos para participar na pilotaxe do proxecto
A finalidade da pilotaxe é adaptar as propostas de iTEC ás necesidades específicas de cada aula tendo en conta o equipamento e recursos dispoñibles nas aulas Abalar. Polo tanto pode participar todo o profesorado que imparta docencia en aulas Abalar, independentemente da etapa, que estea aberto á participación en novas iniciativas metodolóxicas.
A que alumnado está dirixido?
Aínda que os escenarios de aprendizaxe proporcionados polo iTEC son adaptables a calquera curso de todas as etapas educativas, o obxecto do traballo é a súa adaptación ás aulas Abalar, polo que está destinado ao alumnado de 5º e 6º de educación primaria e 1º e 2º de ESO.
Que ten que facer o profesorado participante?
Debe levar á aula un dos dous escenarios de aprendizaxe que se van ensaiar durante o primeiro trimestre do curso 2014-2015. Queda á súa elección a materia e unidade didáctica na que o encadre así como o curso, sempre que sexa un dos niveis Abalar.
Ao longo do proceso o profesorado contará co apoio telefónico e online proporcionado por persoal da Universidade de Vigo.

Ligazóns de interese:
Web do proxecto: http://itec.eun.org/web/guest/home
Escenarios, deseños e prototipos iTEC: http://itec.aalto.fi/es/
Escenarios realizados na primeira fase do proxecto en Galicia: http://www.edu.xunta.gal/espazoAbalar/espazo/experiencias/experiencia/proxecto-itec

Este decreto ten por obxecto establecer o currículo da educación primaria no sistema educativo galego, dentro do marco de distribución de competencias da Lei orgánica 8/2013, do 9 de decembro, e en atención á nova configuración curricular que establece o agrupamento de disciplinas en tres bloques: troncais, específicas e de libre configuración autonómica

DECRETO CURRÍCULO DE EDUCACIÓN PRIMARIA

O Instituto Nacional de Tecnologías Educativas y de Formación del Profesorado (INTEF) convoca 5.145 prazas, en 21 cursos, en red de formación permanente do profesorado.

Pódese consultar a convocatoria no B.O.E.  núm. 47, de 24 de febreiro de 2014.

• Axudas para a elaboración de recursos didácticos para a súa incorporación ás plataformas de acceso público do Ministerio de Educación, Cultura e Deporte (ata 18 de setembro de 2014):

http://www.mecd.gob.es/servicios-al-ciudadano-mecd/catalogo-servicios/becas-ayudas-subvenciones/para-profesores/no-universitarios/elabora-recurso-didactico.html

• XV Concurso Hispanoamericano de Ortografía do ano 2014:

http://blog.educalab.es/cniie/2014/09/02/xv-concurso-hispanoamericano-de-ortografia-del-ano-2014/

•  XXX Premios “Francisco Giner de los Ríos” á mellora da calidade educativa 2014 (ata 15 de outubro):

http://blog.educalab.es/cniie/2014/08/21/xxx-premios-francisco-giner-de-los-rios-a-la-mejora-de-la-calidad-educativa-2014/

• Formación do profesorado en rede (prazo de presentación de solicitudes: do 8 ao 22 de setembro):

https://sede.educacion.gob.es/catalogo-tramites/profesores/formacion/no-universitarios/formacion-en-red.html

Os días 7 e 8 de novembro de 2014 temos previsto celebrar en Santiago de Compostela as V Xornada de bibliotecas escolares de Galicia (referencia: G1402014)

A Asesoría de bibliotecas escolares e o departamento de biblioteca escolares do CAFI colaboramos no programa e organización e estamos a traballar co fin de acadar unha actividade de interese e utilidade para o profesorado.

Esta é unha actividade aberta á participación de todo o profesorado; contamos con 1100 prazas e o prazo de inscrición non remata até o 19/09/2014.