Publicada no DOG do día 30 de setembro de 2022 a Resolución do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos.

Achégase a Resolución provisional dos centros docentes admitidos para participar no programa de innovación educativa “Club de Ciencia” para centros docentes públicos da Consellería de Cultura, Educación, Formación Profesional e Universidades durante o curso 2022/23.

Ábrese un prazo de 5 días hábiles, contados a partir do día seguinte ao da publicación desta resolución neste portal educativo, para facer reclamacións ou renuncias.

Achégase a Resolución definitiva de centros admitidos para participar no proxecto DIGICRAFT NO TEU COLE durante o curso 2022/23.

Ábrese un prazo de 7 días naturais, contados a partir do día seguinte desta resolución, na aplicación https://www.edu.xunta.gal/programaseducativos para introducir os seguintes datos:

• Número de alumnado e grupos que van participar no proxecto DigiCraft no teu cole durante o curso 2022/23.
• Datos da persoa docente responsable da coordinación do proxecto DigiCraft no teu cole durante o curso 2022/23.
• Datos das persoas docentes, mínimo 1 e máximo 3, participantes no proxecto DigiCraft no teu cole durante o curso 2022/23.

Con motivo da celebración do 25 de novembro, Día Internacional contra a Violencia de Xénero, a Secretaría Xeral da Igualdade e a Dirección Xeral de Ordenación e Innovación Educativa convocan un Concurso de imaxes gráficas e pezas audiovisuais.

• Prazo de presentación: Os centros que desexen participar neste concurso poderán facelo dende o día seguinte ao de publicación das bases nas páxinas web da Secretaría Xeral da Igualdade e da Dirección Xeral de Ordenación e Innovación Educativa ata o día 31 de outubro de 2022, ás 15:00 horas.

Xúntase a Resolución do 15 de setembro de 2022, da Dirección Xeral de Centros e Recursos Humanos, pola que se convoca o curso de formación para o desenvolvemento da función directiva no ano 2022 que acredita para o acceso a postos de dirección en centros docentes públicos que impartan as ensinanzas reguladas na Lei Orgánica 2/2006, de Educación. para a súa publicación no portal  educativo.

• O profesorado interesado en participar na convocatoria deberá realizar a inscrición na aplicación Fprofe: https://www.edu.xunta.es/fprofe, a partir do día seguinte á publicación desta convocatoria e cun prazo de 10 días hábiles.

Prazo de presentación de solicitudes: 6-14 de setembro de 2022 (ambos incluídos)

Publicouse a Resolución do 24 de xullo de 2022, da Dirección Xeral de Formación Profesional, pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia.

As persoas que desexen participar nos cursos convocados nesta resolución deberán cubrir o formulario de inscrición telemática no enderezo www.eoidigital.com/preinslinguagalega, que estará activo nos seguintes prazos establecidos para a presentación das solicitudes:

• Cursos do 1º cuadrimestre: do 1 ao 10 de setembro de 2022
• Cursos do 2º cuadrimestre: do 3 ao 13 de xaneiro de 2023

Máis información:

• Resolución do 24 de xullo de 2022

Próxima publicación no DOG da Resolución do 18 de xullo de 2022, da Dirección Xeral de Formación Profesional, pola que se ditan instrucións para o desenvolvemento das ensinanzas básicas de educación para persoas adultas, bacharelato para persoas adultas e ensinanzas non regradas no curso académico 2022-2023.

Resolución do 8 de xullo de 2022, da Dirección Xeral de Formación Profesional, pola que se convoca a selección de centros que participarán na Rede galega de dinamización da relación con empresas na FP no curso 2022/23 e se ditan instrucións para o seu funcionamento no marco do Plan de recuperación, transformación e resiliencia.

• O prazo de presentación de solicitudes comezará o día seguinte ao da publicación desta resolución e rematará o día 29 de xullo de 2022.