A proposta "Cine e educación: experiencias de Galicia e Portugal", que se desenvolverá en Compostela o venres 4 de abril, pretende visibilizar e difundir dinámicas consolidadas de pedagoxía do cine nas aulas galegas, da primaria á universidade; tender pontes entre ensino e audiovisual profesional, grazas á perspectiva de institucións como a Filmoteca de Galicia, o Consello da Cultura ou a Agadic; e facer un intercambio con prácticas de Portugal. 

Información ampliada e inscrición gratuíta nesta ligazón. O número de prazas é limitado (100 persoas) e cubriranse por rigorosa orde de inscrición.

Lugar: Consello da Cultura Galega (Pazo de Raxoi, 2º andar, Praza do Obradoiro, s/n 15705 Santiago de Compostela)
 

O venres 21 de marzo conmemórase o Día Mundial da síndrome de Down. Nacións Unidas aprobou en novembro de 2011 a declaración desta data, o 21 de marzo, como un símbolo en referencia á triplicación do cromosoma 21 que se traduce na condición xenética da síndrome de Down.
Desde a Consellería de Educación, Ciencia, Universidades e Formación Profesional invitamos a todos os centros educativos de Galicia a dar visibilidade a esta alteración cromosómica.

No documento que se xunta recóllense diversos recursos para traballar nas aulas das distintas etapas educativas.

Publicouse no BOE o extracto de Resolución da convocatoria de prazas de profesorado en seccións bilingües de español en centros educativos de Bulgaria, China, Eslovaquia, Hungría, Polonia, República Checa, Rumanía e Rusia para o curso 2025/26. O prazo de presentación comeza o día 13 de marzo e finaliza o día 2 de abril de 2025. En total son 131 prazas para profesorado de secundaria, principalmente, e primaria. Na seguinte ligazón poderase consultar a información da convocatoria:

Profesorado en secciones bilingües de español en centros educativos de Europa central, oriental y China (2025-2026) | Ministerio de Educación, Formación Profesional y Deportes

Desde a Unidade de Acción Educativa no Exterior vaise realizar unha sesión informativa en líña o próximo día 18 de marzo ás 17.00 horas  (hora peninsular). Facilítase a ligazón para asistir á sesión e o acceso ao formulario para que o profesorado interesado poida expor preguntas antes do webinario:

 https://linktr.ee/SeccionesBilingues 

O próximo xoves, 24 de abril, o Centro de Supercomputación de Galicia, a Dirección Xeral de Igualdade e o Colexio Profesional de Enxeñaría en Informática de Galicia organizan o "Día das Rapazas nas TIC" (Girls in ICT Day), dirixido especiamente ao alumnado do último ciclo de centros de primaria e secundaria de Galicia. A información do movemento a nivel internacional poderase consultar nesta ligazón https://www.itu.int/women-and-girls/girls-in-ict/

Para celebralo, ese día no CESGA celebramos  COLOQUIO VIRTUAL DE TECNÓLOGAS GALEGAS CO ALUMNADO DOS CENTROS EDUCATIVOS

Trátase dun animado coloquio virtual dende o CESGA dirixido a centros educativos, no que participan 4 destacadas galegas emprendedoras, investigadoras e tecnólogas no eido das TIC, ás que o alumnado participante dos centros galegos de primaria e secundaria poderá preguntar todas aquelas inquedanzas e dúbidas sobre os seus eidos profesionais ou as súas motivacións persoais que as levaron a traballar neste eido. 

Este ano contamos cunha investigadora en física cuántica, unha docente, directora de área e investigadora en telecomunicacións, unha enxeñeira aeroespacial que participa desenvolvendo un coche monoplaza de carreiras e unha enxeñeira informática líder de proxectos internacionais e exitosa creadora de contidos en TikTok e outras RRSS.

As catro complementan cos seus perfis diversos unha realidade do mundo profesional na que as tecnoloxías xogan un papel moi importante e as veces non tan "evidente".

A apertura institucional e o coloquio comezará as 11.00 horas, cunha duración de 1 hora e media, ata ás 12.30 horas. (toda a información na seguinte ligazón: https://e-learning.cesga.es/ictgogirls/ ). Durante todo o coloquio poderase participar con preguntas e comentarios dirixidos ás relatoras en directo. A parte técnica non será ningún problema, porque so require o acceso a través dun navegador web.

O venres 21 de marzo conmemórase o Día Mundial da síndrome de Down. Nacións Unidas aprobou en novembro de 2011 a declaración desta data, o 21 de marzo, como un símbolo en referencia á triplicación do cromosoma 21 que se traduce na condición xenética da síndrome de Down.
Desde a Consellería de Educación, Ciencia, Universidades e Formación Profesional invitamos a todos os centros educativos de Galicia a dar visibilidade a esta alteración cromosómica.

No documento que se xunta recóllense diversos recursos para traballar nas aulas das distintas etapas educativas.

A Asociación Galega de Profesorado de Educación Matemática (AGAPEMA) convoca a Olimpíada Matemática 2025. Trátase dun concurso de resolución de problemas dirixido ao alumnado de 2º de ESO. Consta de diferentes fases, puidendo chegar ata a fase nacional. O alumnado participa de xeito individual.
A fase de zona celebrarase o 24 de abril e o alumnado finalista terá a fase final o 15 de maio.
Os prazos de inscrición e toda a información relativa a esta edición pódese atopar en: https://agapema.org/actividades/olimpiada-matematica/

A Asociación Galega do Libro Infantil e Xuvenil (GÁLIX) desenvolve as xornadas de lectura inclusiva Desfacendo a Raia XV. Estarán presentes profesionais do mundo da docencia, audiolibros, creación, bibliotecas, edición, investigación LIX, asociacións e clubs de lectura, e especialistas en inclusión e lectura fácil como FADEMGA Plena inclusión Galicia. Acompañarannos, por exemplo, Ivana Gómez, Pepe Carreiro, Laia Vidal, Isabel Mociño, Manuel Darriba, María Pousa o Marcos Calveiro.

Lugar: Salón de actos da Facultade de Ciencias da Educación. Campus Norte (Avda. Xoán XXIII s/n - Santiago de Compostela)

Data:  14, 18 e 24 de marzo de 2025

Poderase ampliar a información no programa que se xunta.

Convócase o XX Concurso de Fotografía Xurxo Lobato dirixido ao alumnado de educación secundaria obrigatoria, bacharelato, formación profesional e de escolas de arte de Galicia (límite de idade ata 21 anos). De tema libre, cada persoa participante poderá presentar ata un máximo de tres fotografías, en branco e negro ou cor, sen marcas de auga e dixitalizadas para a súa presentación.

Data límite de entrega: antes do 31 de marzo de 2025.

A información complementaria sobre os requisitos, forma e lugar de presentación das obras, contía dos premios e demais pormenores do concurso poderase consultar nas bases que se xuntan.

O venres 7 de marzo, ás 12.00 horas a Fundación Eugenio Granell organiza o acto simbólico de colocación dunha bufanda vermella na escultura de Ramón María Valle-Inclán na Alameda de Santiago de Compostela.

Este acto desenvólvese desde o ano 2007 e pretende establecer unha conexión coa famosa colocación da bufanda branca na estatua de Valle-Inclán, no paseo de Recoletos, en Madrid, o día do teatro; pero neste caso para conmemorar o regreso real e simbólico de Valle a Compostela e a Galiza, a súa terra de orixe.

A Fundación Eugenio Granell entende que o seu compromiso coa creación non se circunscribe só ás artes plásticas, como tampouco seguen esta máxima o surrealismo, nin o propio Eugenio Granell, así está, dentro dos seus obxectivos, a tarefa de apoio e promoción á literatura.

Para a realización desta iniciativa cívica-cultural sumamos a colaboración do Museo Valle-Inclán, A Pobra do Caramiñal e do Foro Galicia e Valle-Inclán.

A ambas as institucións únelles o interese por destacar a importancia da cidade de Compostela como vila valleinclaniana e a relación que se establece entre o surrealismo e o esperpento. Artes xurdidas do empeño por reinterpretar a realidade contemporánea dos/as nosos/as artistas.

As bolsas AVENIR están dirixidas a estudantes de nacionalidade española ou franco-española que van estudar a Francia, ben no marco dunha mobilidade individual, ben no dunha dobre titulación entre dous centros de ensino superior español e francés ou ben no marco dunha mobilidad Erasmus+.
Toda a información na web do Institut français dEspagne: https://www.institutfrancais.es/educacion/convocatoria-becas-de-excelencia-avenir-2025

Data límite de entrega de solicitudes: 5 de maio de 2025.