A Comisión Europea inaugura EPALE, a plataforma europea da educación de adultos, a través dun evento dun día de duración en Bruxelas.        
EPALE, que está financiada polo Programa Erasmus +, aspira a converterse na principal referencia para os profesionais da educación de adultos en Europa.  Será lugar de encontro, de intercambio de ideas e materiais en apoio da práctica profesional. Este tipo de plataforma é a primeira desta clase no sector de ensino de adultos.
A presentación será en live - streaming en inglés, pode acceder a través de:
https://ec.europa.eu/epale/en/boxed-event/epale-launch-conference.
Ás 14.15 do mercores 15 de abril iniciarase unha sesión de preguntas e respostas en directo a través do enderezo:
https://ec.europa.eu/epale/en/blog/epale-launch-conference-next-week-you-can-ask-us-anything-now

Pode obter máis información en:
https://ec.europa.eu/epale/en/boxed-event/epale-launch-conference
https://twitter.com/EPALE_EU
https://www.facebook.com/EPALE.EU
 

Durante o curso escolar 2015/2016 desenvólvese unha experiencia piloto eTwinning en Europa: os proxectos nacionais. Trátase da posibilidade de fundar un proxecto eTwinning entre dous socios do mesmo país.

Para máis información, cunsultar o enlace web.

O CENEAM acaba de publicar os documentos e as conclusións do III Seminario "Movilidad e Infancia", que tivo lugar na súa sede en Valsaín (Segovia) do 27 ao 29 de outubro de 2014. Pódese consultar toda a documentación na seguinte ligazón.

No mes de xaneiro estreouse nos cines o documental "Camino a la escuela", do director francés Pascal Plisson. Arredor desta produción desenvolveuse un proxecto educativo apoiado pola UNESCO, UNICEF, Obra Social La Caixa, Fundación Atresmedia e Europamundo.

O documental conta a historia real do reto que deben afrontar catro pequenos de países diferentes para poder asistir á escola. Trátase dunha visión diferente do camiño escolar, certamente difícil e perigoso en moitos países do mundo.

A plataforma virtual educativa formada por máis de 31 Ministerios de Educación, Europen Schoolnet Academy, ofrece cursos en liña para docentes de primaria e secundaria. Un destes cursos, é o MOOC sobre “Creative Use of Tablets in Education”,  que pretende apoiar aos docentes no inicio do uso de dispositivos móbiles e acercarlles aos novos enfoques de ensinanza e aprendizaxe 1:1 fomentados polo uso destes dispositivos. 
Este curso comeza o próximo 13 de abril de 2015 e terá unha duración de cinco semanas, é gratuíto e a inscrición realízase no acceso web do curso.

A Comunidade Autónoma de Galicia participa no Programa Internacional de Avaliación de Alumnos (PISA). Este estudo internacional de avaliación educativa está coordinado pola Organización para a Cooperación e o Desenvolvemento Económico (OCDE) e, no relativo a España, polo Ministerio de Educación, Cultura e Deporte a través do Instituto Nacional de Avaliación Educativa (INEE).
PISA avalía cada tres anos lectura, matemáticas e ciencias, pero, en cada edición, unha delas, como competencia principal.
Unha característica destacada deste estudo é a mostra elixida. PISA non trata de avaliar os alumnos escolarizados nun determinado curso académico, senón aqueles que alcanzasen a idade de 15 anos.
O obxectivo de PISA é obter de forma cíclica datos sobre o rendemento académico do alumnado co fin de establecer puntos de referencia comúns no eido da educación entre os países participantes, na actualidade máis de 70.
A edición de PISA 2012 centrouse en matemáticas e incluíu unha proba dixital de resolución de problemas da vida real e de competencia financeira. PISA 2015 centrarase nas ciencias e tamén avaliará a resolución de problemas colaborativos, lectura e matemáticas.
Por primeira vez a proba realizarase por completo en ordenador. Algunhas das preguntas de PISA na competencia de ciencias serán interactivas e inclúen menús despregables, pequenos vídeos e botóns deslizantes en gráficos para analizar os resultados e pequenas aplicacións que permiten ensaiar diversas situacións.
Como esta proba se vai realizar en ordenador, na páxina web http://goo.gl/vuLqj do Ministerio de Educación, Cultura e Deporte están dispoñibles exemplos de preguntas PISA da competencia de ciencias e resolución de problemas colaborativos que acaba de publicar a OCDE e tamén en http://goo.gl/G6qwsC un vídeo de 2 minutos con preguntas interactivas liberadas.

O estudo internacional TIMSS (Trends in International Mathematics and Science Study) avalía cada catro anos o rendemento en matemáticas e ciencias dos alumnos e alumnas de cuarto curso de Educación Primaria. O seu obxectivo é medir e interpretar as diferenzas entre os distintos sistemas educativos nacionais para tratar de mellorar o ensino e a aprendizaxe nas citadas materias a  escala mundial.
Este estudo está coordinado pola IEA (International Association for the Evaluation of Educational Achievement) e lévase a cabo aproximadamente en 50 países de todo o mundo. España participa neste proxecto e Galicia intégrase na mostra nacional.
A IEA, organismo educativo internacional responsable de TIMSS, pon a disposición da comunidade educativa exemplos de preguntas liberadas a través da páxina web do Ministerio de Educación, Cultura e Deporte: http://goo.gl/3uqdt1
 

Este proxecto (xa na súa terceira edición) liderado polo Departamento de Xenética da Facultade de Veterinaria de Lugo, financiado pola FECYT e no que colaboran a Deputación de Lugo e a Fundación Barrié (área EducaBarrié),  pretende achegar a experimentación ás aulas dos centros educativos de Galicia.
O proxecto vai destinado a alumnos de 4º da ESO e ao profesorado de Ciencias Naturais e Inglés (este último pode participar ou non, o feito de non contar cun profesor de inglés que queira ou poida participar non fai que o proxecto non se poida executar).
Os  obxectivos  son:

• Manexar  no laboratorio na aula ao pez cebra, organismo modelo de experimentación.
• Coñecer as leis da herdanza.
• Coñecer as tecnoloxías xenéticas (transxénesis e xenotransplantes) e procesos biolóxicos como os da senescencia e a apoptosis, a través dunha ferramenta virtual.
• Coñecer os ciclos bioxeoquímicos do acuario: ciclo do nitróxeno.
• Coñecer a estrutura dun ecosistema e a importancia dos diferentes niveis tróficos.
• Adquirir un vocabulario científico técnico tanto en castelán como en inglés, que lles permita ser capaces de entender un texto científico básico.
• Concienciar ao alumnado e profesorado das posibilidades profesionais da ciencia, e da importancia da mesma para o desenvolvemento socioeconómico dun país.
• Fomentar o debate na aula acerca do coñecemento científico e as súas implicacións éticas no desenvolvemento de novas tecnoloxías.

Este proxecto conta cunha web moi atractiva onde visualízase toda a información necesaria, así como a inscrición de participación.

No arquivo anexo pódese descargar a ficha do Proxecto.

A Unión Europea inaugurou o día 2 de febreiro de 2015 un novo portal co obxecto de dar a coñecer iniciativas e accións para centros educativos, relacionadas coas políticas educativas europeas.
A información estará dispoñible nas 25 linguas da UE e inclúe os seguintes apartados:

• Información: noticias, publicacións, artigos especializados e titoriais.
• Prácticas innovadoras que se compartirán a través de artigos e modelos extraídos de proxectos europeos.
• Ferramentas de apoio ao programa Erasmus +
• Catálogo de cursos de desenvolvemento profesional educativo (KA1)
• Ofertas de mobilidade incluíndo intercambios de profesores (KA1)
• Anuncios de oferta e busca de socios para asociacións estratéxicas (KA2).