Novas

Aberto o prazo para participar no campamento científico da USC, no que preto de cen estudantes de 4º da ESO, de BAC e de ciclos medios de FP vivirán unha semana de experiencias inesquecibles. O Campus XuvenCiencia terá lugar do 2 ao 8 de xullo e o custo da matrícula é 250 €.

O prazo de preinscrición ábrese dende o vindeiro venres 5 de maio ata o 14 de maio.

Como nas edicións anteriores, o obxectivo do Campus de Verán é poñer ao alumnado en contacto directo coas diversas ramas das ciencias experimentais e sociais e da tecnoloxía así como coa contorna universitaria. Ofertan durante cinco días unha multitude de actividades prácticas, tanto na rama Científico-Técnica como na Científico-Social, coa participación de todas as facultades e escolas universitarias da USC no Campus Terra de Lugo e a colaboración de moitas empresas e laboratorios externos. A matrícula inclúe a participación nas actividades do campus e nas actividades lúdicas da tarde, o material necesario, o seguro, o xantar nun comedor universitario os cinco días do campus e o diploma de participación da Universidade de Santiago de Compostela. Ademais inclúe actividades lúdicas de noite e aloxamento, cea e almorzo en Residencias Universitarias de Lugo, con acompañamento de monitores titulados da A.D.C Lumieira Lugo.

Na páxina web https://xuvenciencia.org/campus  pódese ver toda a información acerca das actividades do Campus (idiomas galego e castelán).

Convocados os premios extraordinarios de ESO ao rendemento académico correspondentes ao curso 2022/23. Prazo de presentación de solicitudes: comezará o 31 de maio de 2023 e rematará o día 30 de xuño de 2023.

Acceso á información.

O consorcio APAGA, no que participa o IES Val do Asma, abre un novo prazo para que o alumnado titulado ou que estea a realizar 1º cursos do CB Mantemento de vehículos ou do CM Electromecánica de vehículos automóbiles presente as súas solicitudes para realizar prácticas en talleres europeos nos meses de xullo e agosto. Interesados/as remitir correo electrónico a erasmusvaldoasma@gmail.com indicando nome, apelidos e teléfono de contacto.

Alumnado de 4º ESO foi premiado no concurso MaThyssen 22/23 co vídeo Hopper el vacío  na Modalidade C (Secundaria) para ler a nova preme sobre o logo do xornal.

Convocados os Premios Extraordinarios de Formación Profesional de Grao Superior da Comunidade Autónoma de Galicia para o alumnado que rematou no curso 2021/2022. Os requisitos de participación son:

• Ter rematados os estudos de formación profesional de grao superior no ano 2022 nun centro docente da Comunidade Autónoma de Galicia.

• Ter obtido unha cualificación final media de todos os módulos igual ou superior a 8,50.

O prazo de presentación de solicitudes será dun mes, ata 20 de abril de 2023, a partir do día seguinte ao da publicación desta orde no Diario Oficial de Galicia (20 de marzo de 2023).

Enlaces á convocatoria e á sede electrónica.