FCT

Tres alumnos do Ciclo Básico de Mantemento de Vehículos participan, nun proxecto de mobilidade europeo grazas ao consorcio do IES Val do Asma con APAGA (Asociación de Profesorado de Automoción de Galicia). Este proxecto, financiado con fondos da Unión Europea, consiste na realización de parte da súa Formación en Centros de Traballo (FCT) en talleres de Turín (Italia) dende o 05/05/24 ao 31/05/24. Nos días iniciais da súa estancia na cidade sede da FIAT estarán acompañados por un profesor.

Os períodos ordinarios para a realización das prácticas en empresas ou formación en centros de traballo (FCT) no curso 2023/2024 serán os seguintes:

C.B. Mantemento de vehículos: do 22 de abril ao 18 de xuño de 2024, ambos incluídos.
C.M. Electromecánica do vehículo automóbil: do 5 de abril ao 19 de xuño de 2024, ambos incluídos.
C.S. Administración e finanzas: do 8 de abril ao 14 de xuño de 2024, ambos incluídos.
 

Publicada no DOG do 28/08/23 a Orde do 19 de xullo de 2023 pola que se convocan as axudas económicas para o alumnado que realiza/realizou formación práctica en centros de traballo ou FP dual. O prazo de presentación abrangue dende o 29/08/2023 ás 00:00 ata o 28/09/2023 ás 23:59. Acceso ao Extracto da Orde e á solicitude.

Unha alumna do Ciclo Medio de Electromecánica de Vehículos Automóbiles participa, nun proxecto de mobilidade europeo grazas ao consorcio do IES Val do Asma con APAGA (Asociación de Profesorado de Automoción de Galicia). Este proxecto, financiado con fondos da Unión Europea, consiste na realización da súa Formación en Centros de Traballo (FCT) no taller mecánico AutoAfonso & Filhos, Lda. en Montalegre (Portugal) dende o 03/04/23 ao 30/06/23.

Aberto o prazo para que o alumnado de 2º curso do CB Mantemento de vehículos e do CM Electromecánica de vehículos automóbiles presente as súas solicitudes para realizar 1 mes ou 3 meses de prácticas en talleres europeos.
Estas solicitudes entregaranse á persoa coordinadora Erasmus+ para logo ser remitidas á APAGA, que é a asociación que coordina este proxecto Eramus+.

Acceso ao impreso de solicicitude.