O 5 de maio o alumnado de 3º da ESO do noso instituto participou no Correlingua, este ano celebrado en Ribadeo. Foi unha xornada de defensa do noso idioma baixo o lema "Galego, a nosa creación común", e con música, carreiras, fotografías, poesía... Sempre reivindicando o que é máis noso, o galego.
Unha alumna e tres alumnos do noso centro ficaron nos primeiros postos da carreira: Carolina Yáñez, primeira na categoría de 1º e 2º de ESO, e Brais Seco, Mauro García e Carlos Rodríguez, primeiro, segundo e terceiro, respectivamente, na categoría de 3º e 4º da ESO.
