Aproveitando que no instituto, debido á súa antigüidade, temos unha boa cantidade de libros vellos, decidimos conmemorar o Día do libro 2015 inaugurando unha exposición dalgúns deles en diversas vitrinas, distribuídas por varios lugares do centro.
A intención é mantelos de xeito estable, aínda que non permanente, xa que dispoñemos de máis exemplares merecentes de seren expostos. Por iso, temos previsto rotalos, cando pase algún tempo.
Quen teña interese en ver con detalle algún deles, pode pedir a chave das vitrinas na biblioteca.
Podes ver a EXPOSICIÓN EN FOTOS na nosa galería.
