Blogs, Exposicións, cursos e avisos, Info Point

Hoxe luns 30 de maio o alumnado implicado no PROXECTO TAEUS visita de novo o concello para ultimar a información máis relevante sobre o traballo. Unha visita na que recolleremos fotos e videos sobre os elementos máis singulares e especiais do traballo que veñen desenvolvendo con fondos europeos desde que se solicitaron e organizaron na nosa vila.

Nesta ocasión queriamos concretar algúns dos aspectos concretos para acometer a redacción definitiva e difundir o informe nas plataformas elixidas. Ana e o seu equipo facilitaron, unha vez máis, a nosa visita cunha selección dos documentos máis significativos dos que levan inventariado e dixitalizado, e incluso algunha peza algo máis orixinal e exclusiva que comentaremos nos resultados finais. Ata entonces... Grazas por todo!!!

Lembrade que aínda podedes participar no IX Concurso de Fotografía A cidadanía europea en Galicia.... tedes toda a información neste enlace de EUROPEDIRECT LUGO, ou tamén nesta dirección do Facebook... para maiores de 18 anos e ata o 9 de xuño!!!!

Mensaxe da Presidenta do Parlamento Europeo Roberta Metsola ás ESCOLAS EMBAIXADORAS.

Alumnado de 1º BAC signando o FELIZ DÍA DE EUROPA!

Esta tarde, dentro das actividades no DÍA DE EUROPA, recibimos a visita de Iván Lombardero, xeólogo, activista ambiental, traballador no Sindicato Labrego Galego,... entre outras moitas facetas que ven desempeñando desde fai tempo con convicción e firmeza. Con convicción xa que o estudo e a dedicación ás ciencias ambientais proporciona un punto de partida e de análise da realidade obxectivo e fundamentado, e con firmeza xa que as consecuencias dos seus estudos marcan unha liña clara de coñecemento que comparte en cada unha das súas actividades. A súa charla de hoxe titulouna "Europa fronte ás crises climática e enerxética", na que desenvolveu unha mirada crítica da sociedade actual desde as contendas mundiais e os primeiros pasos da unidade europea, unha unidade de marcado signo económico que aínda hoxe mantén o seu poder e a súa impronta na creación dos camiños de futuro para todos os países que compoñen a Unión Europea e incluso do resto de países de influencia no mundo. Unha charla que marcará un punto de inflexión na forma de pensar os contidos de Historia e de Filosofía do noso alumnado, e que sen dúbida dará para comentar e continuar charlando noutras ocasións.

Cronica3.com (11 maio 22)

O Xornal da Mariña (11 maio 22)

La Voz de Galicia (19 maio 22)

A charla comezou coa proxeción do vídeo que o alumnado de 1º ESO D realizou para a "Estación Verde", un espazo virtual proposto por EUROPE DIRECT A CORUÑA, e que reuniu a 8 centros de Galicia no estudo e divulgación dos obxectivos do Pacto Verde Europeo (tamén comentado na charla), e do que tedes o enlace máis abaixo.

Xa está dispoñible o espazo virtual "Estación Verde"; unha colaboración de 8 diferentes centros de Galiza sobre o PACTO VERDE EUROPEO. 

   Podedes acceder no seguinte  enlace:

  ESTACION VERDE 

   Para visualizar os vídeos, premede no cartel

   "Estación Verde na escola".

Comezamos esta semana con actividades de contido europeo e que terán o seu centro unificador o día 9 de maio, no que celebraremos o DÍA DE EUROPA....

ACTIVIDADES 

Mércores 29 marzo: un xesto vale máis que 1000 palabras!!!! Hoxe por fin a nosa compañeira Eva fixo a visita prometida aos grupos de 1º BAC B e C para explicar a orixe, protagonistas e conceptos básicos da Lingua de signos. A recente creación no centro dunha aula de Educación Especial e unha aula de Audición e Linguaxe, engadiu varias especialistas coas que iniciamos este camiño de necesario coñecemento. A IGUALDADED  e a INTEGRACIÓN  son elementos fundamentais na nosa aprendizaxe e debemos poñermos en contacto coa realidade humana que nos rodea e as súas particularidades.

Aprender a convivir, a relacionarse,... inclúe tamén coñecer outras formas de expresión que nos permitan crecer como sociedade sen exclusións nin separacións. Consideramos que esta é unha boa forma de comezar...! Grazas Eva... esperamos a 2ª parte... e as seguintes!

Compartimos hoxe a actividade conxunta de varias ESCOLAS EMBAIXADORAS DO PARLAMENTO EUROPEO con motivo do 8 de Marzo. Un collage onde aparecen mulleres anónimas, pero coñecidas de cada un e unha de nos como testimonio da importancia que cada persoa ten en todo tempo e en todo lugar. 

Unha suma de rostros cercanos, de actitudes positivas e de vidas entregadas ás demais... Un recoñecemento que vai máis alá de frases feitas, de tópicos intelectuais, de sonidos e postureos repetitivos e que se impón no día a día da nosa existencia, e codo a codo con cada situación vital.

En definitiva, un traballo conxunto desde distintas partes do territorio español, e que amosa unha mesma realidade: a necesidade de igualdade frete a todas as situacións de desequilibrio e de exclusión.

Desde esa idea seguimos desenvolvendo o noso traballo....

DÍA INTERNACIONAL DA MULLER COAS ESCOLAS EMBAIXADORAS DO PARLAMENTO EUROPEO