Blogs, Exposicións, cursos e avisos, Info Point

Levamos tempo coa idea de colonizar outros espazos. Temos unha das paredes do patio de columnas, o espazo EUROPA na biblioteca, o INFOPOINT no twiter de @cosmopolitas1,... pero hai que renovarse. O espazo aberto da primeira planta, lugar de comunicación entre a zoa vella e a nova pareceunos o lugar ideal para facelo.

Certo é que as cousas "de palacio van despacio" pero por fin arrancamos. Un letreiro temporal e movible é a primeira das chamadas de atención. A mesa dentro de pouco tamén será reconvertida en espazo comunicativo, e mentres tanto colocamos un pequeno cartel de ESPAZO SCHENGEN como guiño ao que queremos facer. Un espazo máis, unha responsabilidade máis para o noso grupo de embaixadors junior. 

Hoxe 25 de xaneiro tivemos a visita de Sara Carreira, xornalista de La Voz de Galicia e unha das artífices principais do suplemento educativo La Voz de la Escuela e da web prensaescuela, na que o noso centro leva participando fai xa muitos cursos.

A actividade vai dirixida a todo o alumnado de 1º de BAC e a parte do alumnado de 4º ESO, sobre todo ao alumnado que está implicado no proxecto de ESCOLAS EMBAIXADORAS DO PARLAMENTO EUROPEO, xa que queriamos formar un equipo de comunicación e difusión das nosas actividades e de todas aquelas noticias que teñen relación co ámbito da Unión Europea e das institucións do Parlamento europero.

Tamén tiñamos como obxectivo coñecer de primeira man os consellos dunha xornalista sobre a elaboración de reportaxes, xa que un par de grupos de 4º ESO e de 1º BAC están participando no proxecto XORNALISMO NA ESCOLA de La Voz de Galicia, que anima aos centros á elaboración de reportaxes de temáticas variadas coas que o alumando mellora a súa capacidade crítica, a súa reflexión analítica, e os seus recursos lingüísticos.

En definitiva, unha actividade complementaria que resultou áxil, formativa e na que conflúen necesariamente os instrumentos básicos da educación do noso alumnado: escoitar, reflexionar, dialogar e expresarse. Educar ao noso alumnado na cultura do debate, formalos nun espírito crítico no que a discrepancia sexa un medio e non un fin, aportar distintos puntos de vista para contrastar, ratificar ou rebater as distintas argumentacións,... cremos que é o camiño que a sociedade debe retomar para garantir un futuro en paz. 

AmarinaXa (26 xan 23 )

Cronica3.com (26 xan 23)

La Comarca del Eo (4 feb 23)

Esamos rematando o trimestre e con el remataremos tamén o ano 2022. Agardamos que o ano 2023 traiga PAZ, PROSPERIDADE e PROGRESO, e que con el finalicen todos os problemas complexos e complicados cos que levamos convivindo desde fai xa varios meses.

Temos tempo aínda ata febreiro para completar os noso novo grupo de embaixadores/as junior do Parlamento Europeo, pero aquí tedes unha mostra benintencionada....

Volveremos con forzas renovadas e con maior ímpetu para plantarlle cara a todas as novas situacións que a nosa circunstancia nos depare.

Con esta idea e esta intención... os mellores desexos para TODS....

Un curso máis facémonos eco e facemos oco á promoción que a UNESCO ven facendo desde 2002, corporativamente desde o 2005, en pro do ensino da Filosofía no ámbito escolar. Ao longo de moitos anos reivindicamos o saber filosófico como polo catalizador da reflexión do ser humano. Durante estes tempos repensamos, defendimos, criticamos, expuxemos,... moitas razóns que avalan o estudo desta materia e a práctica dos seus principìos. Exemplos deixamos de seguido sobre o que pensamos... pero tamén queremos difundir e divulgar os contidos principais que forman parte do noso labor.

Esta é a nosa contribución no DÍA DA FILOSOFÍA....

Noutros formatos: Cronica3.com , Xornal da Mariña , El Progreso (19nov)

Entrevista en CADENA COPE

Aproveitemos para escoitar a reflexión que Victoria Camps realiza sobre este tema e algúns outros.

Ou ben a opinión que sobre a Filosofía ten Federico Mayor Zaragoza (Ministro de Educación e Ciencia 1981-1982 e Director xeral da UNESCO entre 1987 e 1999).

Máis didáctica e escolar é a defensa da Filosofía que fai Adela Cortina.

Cremos que, para unha entrada no blog neste apartado INFOPOINT, temos xa dados os pasos suficientes.

O terceiro domingo do mes de novembro se celebra este Día Mundial, unha efeméride proclamada pola Asamblea XEral das Nacións Unidas (ONU) co obxectivo de reducir o número de vítimas en accidentes de tráfico.

DÍA MUNDIAL EN RECORDO DAS VÍTIMAS EN ACCIDENTES DE TRÁFICO

Desde o noso centro queremos participar un curso máis neste recordo dunha forma, por desgracia, máis cercana: coa experiencia de Luis e Macu, que converteron a súa desgracia en lección de vida e que, co seu testimonio, axudan a que tomemos conciencia deste profundo problema e poñamos os medios necesarios ao noso alcance para palialos.

O curso pasado fixemos unha actividade auspiciada por STOP Accidentes, e neste curso comezamos co relato de Almudena en boca do instrumento que ela elixiu como forma de expresión: a trompa. Un diálogo recreado para o recordo desta vida truncada nun accidente de tráfico.

As miñas trompis, de José Luís Pulpeiro serve como lección e reflexión de vida para todos os que temos ao alcance das nosas mans a posibilidade de reducir esta espantosa siniestralidade. Estes días seremos aínda máis sensibles as consecuencias que a irresponsabilidade, o abuso de sustancias tóxicas, o non uso das medidas de seguridade establecidas, a falta de proteccións axeitadas na conducción de vehículos, a ignorancia das normas de tráfico,... provocan nas nosas vidas, na sociedade e no mundo en xeral.