Sara Canto González, Martín García Lorenzo, Alba González Pérez e Cristina Martínez García de 2º de bacharelato, e Celso Aenlle Currás, Irene Duinkerken Rodríguez e María Redondo Peña, de 1º, participaron no I Seminario de Jóvenes Talentos (IYTS), que tivo lugar en Madrid o día 31 de marzo.

O alumnado estivo acompañado polo profesor Manel Yáñez Dablanca, que nos redactou esta crónica do evento.          [MÁIS IMAXES]

[Alumnado do Comité Lila coa súa coordinadora, a profesora Teresa González Piñeiroa. Podes ver os vídeos do seu último traballo premendo nas imaxes que hai despois do texto ou nos seguintes enlaces]

[VÍDEO 1ª PARTE] - [VÍDEO 2ª PARTE]

Celebramos o 8 de marzo cun magnífico acto organizado polo “Comité lila”.

Despois da lectura colectiva dun texto da feminista Nuria Varela, vimos unha montaxe audiovisual de apenas 22 minutos pero que ten detrás horas de traballo previo: investigar, escoller información, caracterizarse, gravar, montar, ...

Como resultado, temos información e recreación da vida de trece mulleres destacadas de distintas épocas e lugares, entre elas a nosa alumna María Redondo, capitá da selección galega de fútbol sala sub 17, que recentemente se proclamou campioa de España.

O alumnado da ESO o noso centro está participando no programa "Laretas de igualdade", promovido polo CIM de Ribadeo. Trátase dunha iniciativa orientada ó fomento da igualdade e á prevención da violencia de xénero entre o alumnado a través da posta en valor da aprendizase, da creatividade individual e grupal e da comunicación social.

A alumna Alicia Asensio Bande, de 2º de ESO, que resultara gañadora na súa categoría na fase local do certame de poesía de Nadal, convocado pola biblioteca municipal "El Viejo Pancho" obtivo o 2º premio na mesma categoría da fase provincial, competindo cos premiados na fase local do resto das bibliotecas públicas da provincia de Lugo.

Parabéns!