Ciencias Naturais

Fotografías

O IES de Ribadeo vai participar un ano máis no Proxecto Ríos co dobre obxectivo de estudar o río como ecosistema e sensibilizar  da conservación do medio como patrimonio natural.

O pasado luns, 31 de outubro,  algúns alumnos de 4º ESO de Bioloxía  saíron ó Río Pequeno durante tres horas para facer a toma de datos correspondente á inspección de outono. Tras recorrer o tramo de estudio facendo unha observación xeral, os  alumnos procederon a facer as análises axeitadas co fin de cubrir a ficha na que se reflexan 3 aspectos do río: a calidade hidromorfolóxica, a calidade físico-química e a calidade biolóxica.

Os resultados foron os seguintes:

1.- Respecto á calidade hidromorfolóxica, observamos que a auga flúe aínda que lentamente, o nivel de auga é bastante máis baixo do esperado porque os últimos meses foron moi secos, o substrato son coídos e gravas con area e limos,  a cobertura de vexetación acuática é escasa e o río está sombreado con claros. De calquera xeito, todo esto,  lévanos a unha valoración final do hábitat  boa, de 65 puntos, segundo as táboas facilitadas por Proxecto Ríos. Isto podemos interpretalo como un hábitat ben constituído.

O pasado 17 de xaneiro, tivemos a oportunidade de disfrutar dunha conferencia ofrecida polo periodista e divulgador científico Emilio Varela. É un vello coñecido para nós porque xa nos visitou máis veces, sempre con proxectos interesantes nos que conta  parte das súas espectaculares viaxes. [LER MÁIS],

[MÁIS IMAXES]

O mércores, día 23, o alumnado de Bioloxía de 2º Bach  tivo a sorte de asistir a unha conferencia sobre Investigación e Sistemática Bacteriana impartida polo noso compañeiro de Dpto. Maxi Piñeiro Vidal, quen a pesar da súa xuventude posúe un amplo, brillante e envexable currículo.

Maxi licenciouse en Ciencias do Mar pola Universidade de Vigo e [LER MÁIS]

Esta semana, unha parte do alumnado e profesorado  do IES de Ribadeo, achegámonos á oficina de turismo para recibir unha clase distinta por parte do  coleccionista ribadense David López Álvarez, quen nos  amosou con auténtico entusiasmo parte da exposición que leva xuntando dende neno.

[MÁIS IMAXES]

Puidemos  observar máis dun millar de cunchas de todo o mundo así como así como centos de bolboretas,  insectos e tamén algúns fósiles. David contounos que para  facerse con tal número de exemplares leva moitos anos capturando e intercambiando con aficionados de todo o mundo e tamén ás veces comprando. Tamén nos amosou a manga para cazar bolboretas,  a forma de estendelas para poder conservalas e contounos moitas curiosidades dalgunhas especies.