O venres 27 os clubs de lectura do centro abandoaron terras porteñas para dirixirse a outras máis cálidas. Aló foron cincuenta alumnos acompañados de María, Silvia e Emilio, convidado estrela e responsable de que empezasen a aniñar os araos no instituto.
Ao chegar gozamos dun tempiño libre pola parte antiga da cidade e ás doce comezamos un roteiro pola "Pontevedra de Mª Victoria Moreno", a quen está adicado o Día das Letras Galegas 2018. Acompañounos un guía que nos foi explicando diferentes curiosidades da vida cultural da cidade e da propia escritora. Repuxemos forzas nunha pizzería na compaña de Eva Mejuto, a autora de "22 segundos", libro que lemos no club. Ao remate, dirixímonos ao Pazo da Cultura para visitar o Salón do libro infantil e xuvenil, onde realizamos o encontro literario ca autora.
É un pracer que un terzo do instituto forme parte desta gran familia de "Araos lectores". Compartir as felicitacións que recibimos polo bo comportamento e atención do alumnado.
Tres estudantes de 4º da ESO do noso instituto participaron no encontro europeo Your Europe, Your Say, celebrado en Bruxelas a mediados de febreiro. Carla, Gabriel e Iván, acompañados do seu profesor Jacobo, foron os únicos representantes españois neste evento organizado polo Comité Económico e Social Europeo (CESE) e que reuniu a mozos dos 28 estados membros e dos cinco países candidatos para debater o tema do patrimonio cultural europeo. Máis información en 
