Skip to Content

A Marquesa, máis presente ca nunca no IES

A pasada semana o Concello das Neves entregou á EFA e ao Pazo da Mercé candaseu cadro orixinal da Marquesa, que ela cedera, no seu momento, para os presidir. Volven así ao lugar, do que foran rescatados, cando os colexios quedaron sen aulas. Agora, o cadro da Marquesa preside a entrada principal do noso IES para que a rapazada teña presente de quen partiu a idea de crear estas institucións educativas que tanto servizo deron á zona.

Inauguración da exposición A Marquesa e o Colexio de Artes e Oficios

O día 20 de abril inauguramos no centro a exposición A Marquesa e o Colexio de Artes e Oficios, organizada a partir da documentación ofrecida por Manuel Álvarez e Cándido Barros, veciños das Neves.

25 de abril, sempre!

O alumnado de 1º de portugués, xunto coa súa profesora, Carmen Artos, tinguiron o IES co vermello dos cravos e trouxeron aires de liberdade ao son da Grândola. O 25 de abril é máis necesario ca nunca! Convén non esquencelo.

Alumnado do CEIP Marquesa do pazo achéganse ao IES para descubrir a historia da Marquesa

O día 21 de abril o alumnado de 6º de primaria do CEIP Marquesa do Pazo achegouse ao noso IES para poder profundar no coñecemento da historia da Marquesa e do centro que visitaban. Os  encargados de recibilos foron un grupo de estudantes de 1º ESO (previamente formados por Manuel Álvarez) que, ademais de amosarlles o centro e a exposición que conmemora o centenario do falecemento da Marquesa, lles impartiron unha charla sobre a historia da Marquesa e a súa obra.

A Marquesa e o Colexio de Artes e Oficios

O pasado día 19 de abril achegouse até o IES, Manuel Álvarez, un veciño de Rubiós que conta con innumerable material sobre a Marquesa e a historia do noso centro. El foi o encargado de formar un pequeno grupo de alumnado de 1º da ESO no coñecemento da súa historia recente para que logo o compartan cos estudantes de 6º de primaria do CEIP Marquesa do Pazo.

Distribuir contido


by Dr. Radut