Skip to Content

Obradoiro de poesía sobre Xela Arias con Eli Ríos

O pasado luns, día 10 de maio, ás portas do Día das Letras Galegas, Eli Ríos -unha das voces máis destacadas da literatura actual- levou a cabo un obradoiro de poesía co alumnado de 4º da ESO. A través de diferentes estímulos sensoriais (vídeo, música, recital poético, sons da natureza, perfumes, plumeiros etc.), a escritora de Ordes achegoulles a obra e a persoa de Xela Arias dunha forma totalmente máxica e lúdica.

Xa temos o noso Fanzine!

O alumnado de 2º da ESO participou, ao longo do mes de marzo, nunha actividade subvencionada a través do Concello das Neves con fondos do Pacto de Estado contra a violencia de xénero do Ministerio de Igualdad, Secretaría de Estado de Igualdad y Contra la Violencia de Género e realizada por Talantea.

75 aniversario do Principiño

O departamento de Francés coa colaboración do programa UNESCO organizou un acto para celebrar o 75 aniversario do Principiño. Así, durante o recreo do día 29 de abril a rapazada expuxo os traballos elaborados na aula e participou, xunto con numeroso profesorado, nunha lectura ininterrompida do Principiño, realizada en diferentes idiomas.

Como funciona a economía?

O día 29 de abril tivo lugar no IES Pazo da Mercé a charla Como funciona a Economía? impartida polo profesor da UDC Félix Puime Guillén. O conferenciante posúe unha dilatada carreira tanto no ámbito académico coma no profesional, feito que se reflictou durante a charla. A conferencia abordou diversos conceptos e explicacións básicas da economía, que van dende a identificación dos axentes económicos, ata as fluctuacións que se producen na economía, achegando, incluso, as posibles solucións e as súas consecuencias no actual panorama pandémico.

Día da visibilidade lésbica

O 26 de abril é o día da visibilidade lésbica e o Comando Igualdade e Diversidade organizou unha exposición con fotografías e libros de temática lésbica. A intención é normalizar a diversidade a través da visibilización de modelos de relacións que durante moito tempo se viron obrigadas a permanecer ocultas.
Distribuir contido


by Dr. Radut