Hoxe é 11 de febreiro, Día Internacional da Muller e a Nena na Ciencia.
Para conmemorar esta data, o departamento de Bioloxía e Xeoloxía, en colaboración cos departamentos de Matemáticas, Física e Química e Tecnoloxía, organizou o concurso virtual Galegas na Ciencia, que leva funcionando toda a semana. O alumnado tivo que superar un reto ao día, que consistía en que, a partir de tres pistas, tiña que averiguar a que científicas galegas se correspondía cada unha das informacións achegadas.
Hoxe, no 2º recreo na Biblioteca coñecimos o nome da persoa gañadora: Candela B.R., alumna de 1º ESO. Merecidísimo agasallo. Parabéns, Candela!
