curso22_23

Nesta práctica estudamos como ten lugar o proceso osmótico a través da membrana do ovo de galiña. Para iso eliminamos a cáscara do ovo con vinagre. A continuación, somerxemos un ovo en auga destilada e o outro nunha disolución saturada de sal. Pesamos cada ovo antes e despois de introducilos nas correspondentes disolucións, tomando nota e interpretando os cambios que sucederon en cada un deles. Fixemos o mesmo con osiños de gominola.

Ademais de experimentar co concepto de materia e os seus estados de agregación, o alumnado aprendeu a preparar unha disolución saturada e puido observar o fenómeno da capilaridade. Un seguimento do proceso ao longo de varias semanas permitiu ver a formación dunhas “falsas estalactitas” que lle chamou atención e, ademais, a aparición dun factor que non estaba previsto como foi a oxidación, acelerada polo sal empregado, dun clip que se empregou como núcleo de cristalización. Unha oportunidade para falar de serendipia!