Skip to Content

Asignación de prazas para o curso 2024-25

Informamos ás familias do alumnado de centros adscritos ó IES Lucus augusti, CEIP Rosalia de Castro e CEIP A Ponte, e que fixo reserva de praza neste centro, están admitidos e poden completar a matrícula nos prazos indicados. A renuncia á reserva ten que facerse antes do 1 de marzo.

Homenaxe a D. Xesús Alonso Montero

A homenaxe ó profesor D. Xesús Alonso Montero, organizada polo IES Lucus Augusti de Lugo, será o venres, 19 de abril. Están convidados antigos alumnos e compañeiros, así como aquel que así o desexe.

Programa:

Os asistentes están citados ás 12:00 h, no vestíbulo do centro.
Ás 12:30 h celebrarase o acto de recoñecemento no salón do instituto, no que intervirán algúns dos asistentes, para posteriormente pechar o acto coas palabras do homenaxeado, lembrando o seu paso polo Instituto entre os anos 1960 e 1975.
Ás 14:30 h haberá un xantar de confraternidade no restaurante do hotel Méndez Núñez, con intervencións tamén de veciños e amigos.

 

ESPACIO PARA ADHESIÓNS

CONFIRMACIÓN DE ASISTENCIA  AO ACTO NO IES LUCUS AUGUSTI (Pódese inscribir na ligazón ou chamando por teléfono, en horario de 16:00h – 20:00h, ao instituto no teléfono:982 828 020).

CONFIRMACIÓN DE ASISTENCIA AO XANTAR NO HOTEL RESTAURANTE MÉNDEZ NÚÑEZ (Convén recordar que, para asistir ao xantar, débese facer a reserva con anterioridade. Data límite de inscrición o 5 de abril 2024)

 Cartaz

 

Participación no programa Educar en Xustiza

Neste mes de xaneiro de 2024, acompañados por profesores de Economía e Filosofía, sendos grupos de alumnado de Formación e Orientación Persoal e Profesional de 4º ESO asistiron aos Xulgados de Lugo, dentro do programa Educar en Xustiza, para asistir a diversos xuizos penais. Casos de furtos, roubos, lesións leves, agresións, danos, denuncias falsas entre outros foron presenciados para achegar o alumnado ao funcionamento dun tribunal de xustiza: as actuacións de xuices/as, fiscáis e abogados/as defensores, a existencia ou non de acusación particular, as declaracións de testemuñas e peritos, a conexión en remoto con outros xulgados ou prisións..., todo iso forma parte dunha experiencia de gran interés, que se completa con explicacións didácticas e respostas ás preguntas do alumnado.

Imaxes

Dicionario do Galego do Bierzo

O próximo martes, 30 de xaneiro ás 20:00 horas, no salón de actos do IES Lucus Augusti preséntase o Dicionario do Galego do Bierzo. Participará a autora, Sara Rodríguez Fernández, acompañada dos profesores Gaspar Méndez, departamento de Xeografía e Historia, e Yolanda Carregal, ENL.

Cartaz

Renovación do mapa de Fontán ao IES Lucus Augusti

A Vicepresidencia da Deputación renovou por dez anos a cesión do mapa de Fontán ao IES Lucus Augusti. O mapa estivo no Pazo de San Marcos, sede do instituto de Lugo cidade nas primeiras décadas do século pasado, e alí quedou cando a actividade docente cambiou de emprazamento. Foi atopado e restaurado por persoal do Museo de Lugo, dependente da Deputación, e no 2009 acordouse cedelo ao IES Lucus Augusti, onde se expón.

Ler máis

Participación do IES Lucus Augusti no 95 aniversario de Xesús Alonso Montero

O IES Lucus Augusti foi convidado ó acto organizado pola USC na facultade de Filoloxía para celebrar o 95 aniversario do catedrático e membro da Real Academia Galega, Xesús Alonso Montero. O homenaxeado, que foi profesor de Lingua e Literatura Española no Lucus dende 1960 ata 1976, referiuse con afecto durante a súa intervención a este período como "os 16 mellores anos da miña vida".

Ler máis

Distribuir contido


by Dr. Radut