No primeiro andar do centro, coa colaboración do alumnado de 2º de Bacharelato, fixemos unha exposición de mulleres na historia e literatura.

Con motivo da celebración do 8M no vestíbulo da entrada fixemos un pequeno mural dedicado ás mulleres da nosa vida. 

Hoxe é o día da nosa gran poeta galega, Rosalía de Castro.

Neste cartel vemos debuxos feitos por alumnado do noso centro.

O ENTROIDO XA  CHEGOU!!!

Este xoves 24 de febreiro celebramos o Entroido no IES García Barbón e contamos con moitas actividades. 

-Ás 12h dará comezo o concurso de disfraces.

-Ás 13 horas ou despois do concurso, haberá diferentes actividades: xogos populares e pingpong no patio, concurso de baile no patio cuberto, xogos na bilbioteca e bingo na aula de informática (bingo e biblioteca ata encher o aforo).

-A partir das 13h a profe Mayca dará unha charla sobre o Entroido nunha aula aínda por determinar.

No IES García Barbón imos ter un Entroido cargadiño de actividades. Anímate e participa. Apúntate antes do 14 de febreiro na folla que haberá na túa clase.

Anímate a participar no concurso de relatos para o 14 de febreiro. Tes que darlle a volta a un conto tradicional e camibar a perspectiva do amor que nos transmitiron desde sempre.

Cambiemos as tornas!!!

Imos celebrar o día da Paz!!!

-Colle unha pomba de papel que deixaremos na túa aula.
-Escribe nela o teu haiku (tres versos) sobre a paz.
-Pon o teu nome e apelidos no reverso da pomba.
-Entrégaa na biblioteca antes do día 27 de xaneiro.
-O haiku gañador levará un premio.
-Anímate e participa!!!

Entre todos e todas imos recoller exemplos da nosa tradición oral. 

Preguntade na casa ou nas vosas aldeas a todas aquelas persoas que coñezan contos, lendas, cancións... da vosa zona ou contorna.

Animádevos a participar!!!

CHEGAN AS ACTIVIDADES DO NADAL

Lembrade que esta vez non é un campionato, a división por equipos só ten a función de respectar o aforo en cada espazo.

PARTICIPA NAS ACTIVIDADES DO 21 DE DECEMBRO!!!

Teremos ao Apalpador, xogos populares, xogos na biblio e ata un GOT Talent.

Le as instrucións, anótate e a pasalo ben!!