Skip to Content

Actividades curso 2018-2019

Actividades curso 2018-2019

Visita ao CITEEC da Universidade de A Coruña

O pasado xoves 18 de outubro un grupo de alumnos de segundo de bacharelato visitaron, acompañados pola profesora Rosa F. Salmonte e o profesor Mario S. García, as instalaciones do Centro de Innovación Tecnolóxica en Edificación e Enxeñaría Civil, vinculado a Escola de Camiños da Universidade de A Coruña.

Os responsabeis da visita, Félix Sánchez-Tembleque, José Paris e Manuel F. Herrador, adicaron varias horas á visita. Os alumnos poideron ver un ensaio de resistencia á flexión dunha viga.

Representación da obra de teatro "O xuízo a Antígona" polo grupo de teatro "Sin ir más lejos" da Casa de Castilla-La Mancha

Foi organizado polo Departamento de Latín para o alumnado de Latín, Grego e Cultura Clásica.

 

Charla dun biólogo do Instituto Oceanográfico de A Coruña

O técnico e Biólogo do Instituto Oceanográfico de A Coruña, Urbano Autó, impartiu unha charla aos alumnos de Bioloxía e Xeoloxía de 1º de Bacharelato, nunha actividade organizada polo profesor Manuel Varela do Departamento de Bioloxía e xeoloxía. Os alumnos asistirán á actividade Intermareal nas Xubias.

 

Visita á Casa Museo Pîcasso

O alumnado de ESA do instituto visitou recentemente a Casa Museo Picasso. A visita resultou moi interesante, tanto por todo o que aprenderon sobre Picasso neno (ficaron sorprendidos pola súa madureza artística, conmoveunos a morte da súa irmá Conchita...), como pola propia casa, que, en xeral, lles pareceu grande, fermosa e confortable. Emocionounos, ademais, que o pintor fose alumno, coma eles, do instituto. Unha experiencia para repetir. (Texto e fotos: S. Piensos)

Actividade "O Universo" de Bioloxía e Xeoloxía de 1º de ESO

Traballo cooperativo de Bioloxía e Xeoloxía de 1º ESO-A. Realizado por Antonio Pérez López, Elsa Tomé Veira e Alejandro Roca Soto. Coordina a profesora Nuria Berdiales.

Intercambio de Francés con Fontenilles

Un ano mais xa  temos connosco aos nosos amigos de Fontenilles. 

Como xa sabedes a familia faise mais grande de ano en ano e xa son moitas as promocións do centro francés que teñen visitado a nosa terra así como os profesores. Este ano facemos un intercambio netamente plurilingüe, pois haberá actividades en inglés, a profesora Nuria Bello colabora con nós na organización dunha tarefa no parque celta da Torre no que participarán os grupo francés e español do intercambio. Hai que dicir que ademais de Mme Tanis, os profesores acompañantes son Anne Déspreaux e Marc Vaissière, profesores de inglés.

O domingo estivemos todos xuntos e Santiago percorrendo a última etapa do camiño de Santiago, dende o Monte do Gozo, por certo guiados por uns axentes de protección civil ata o Obradoiro, que ían abrindo paso, facíannos sentir importantes. " V.I.P."  dicían os de Fontenilles. Pola tarde fixemos un xogo de pista pola cidade, no que os sete grupos traballaron a fondo.

Nestes días seguirán as excursións para coñecer o noso país e o xoves preparamos unha grande festa, a ver qué tal sae todo... a colaboración é moi boa de parte de tódolos sectores: alumnos, familias, mesmo os ciclos formativos traballan neso. Moitas grazas a todos pola vosa colaboración.

Deixámosvos algunhas fotografías das actividades.

O Departamento de Francés.

 

Artigo en La Voz de Galicia:

Terceira visita ao CERN

O pasado venres 21 de setembro de 2018, e ata o 25, os alumnos de Física de segundo de bacharelato viaxaron Xenebra para visitar o Centro Europeo de Investigación Nuclear (CERN). Foron acompañados polos profesores Loli Blanco Vieites, Mª Carmen Díaz Cabanas e Abel Fernández Maroño. A viaxe foi unha experiencia inesquecible tanto desde o punto de vista dos alumnos como das acompañantes. Pódense ver as fotos neste enlace.

Distribuir contido


by Dr. Radut