O IES Eusebio da Guarda recibe a Mención Especial ao centro educativo ao fomento do programa de Educación Financiera ABANCA Obra Social nos Premios Educa ABANCA "Mellor Docente de España 2017".

A profesora de economía, Ana Rey, a vicedirectora, Teresa Fraga e a directora Isabel Ruso recollen o premio.

Estudantes do IES Plurilingüe Eusebio da Guarda participaron o venres 16 de Febreiro na edición da V Olimpíada Filosófica de Galicia, celebrada na Facultade de Filosofía da Universidade de Santiago de Compostela. O alumnado de 4º ESO (Pablo García Lagoa, Marcial Seoane Casado, Mapi Corominas Eiras e Almudena Alonso-Jáudenes Paz) participaron na modalidade de Dilemas Morais, mentres que estudantes de 2º BAC (Lucía Blanco Miguéns, María Iglesias Insua, Alejandro Rodríguez Fernández e Nicolás Fernández Gómez) realizaron unha Disertación Filosófica sobre “Pode a utopía converterse en revolución?”. Acompañou nesta actividade a profesora Nieves López Agrasar, do Departamento de Filosofía.

O resultado da competición saberase en datas próximas.

43 alumnos de 1º de Bacharelato están de intercambio con Carpi e Verona dende o 15 ao 22 de febreiro, acompañados polas profesoras Carmen Aquino, Teresa Fraga, Beni Vidal e a directora Isabel Ruso.

O pasado xoves 8 de febreiro visitounos a bióloga Pilar Rial Rodríguez do Centro Oceanográfico de Vigo (Instituto Español de Oceanografía)  para desenvolver unha Xornada científica coas alumnas e alumnos de 1 bac do noso Instituto, conmemorando así o 11 de febreiro Día Internacional da muller e a nena na ciencia. Coa actividade titulada “Investigando as mareas vermellas” pretendeuse destacar o papel da muller na ciencia, a través de testimonios de mulleres científicas do departamento de Mareas Vermellas e Fitoplancto tóxico así como motivar ao alumnado a mergullarse neste mundo a través de pequenas experiencias no laboratorio con mostras de microalgas das nosas Rías.

Do 7 ao 14 de febreiro recibimos aos alumnos de "Stamford Endowed Schools" en Lincolnshire, nunha actividade de intercambio cos nosos alumnos de 3º e 4º de ESO e 1º de Bacharelato coordinada pola profesora de inglés Ana Mª Rodríguez Cabanela e acompañados polo profesor Sebastián Selas.

Os alumnos de 4º de ESO celebraron o Día Escolar da non Violencia e da Paz.

(facer clic na imaxe para ir ao Faro de Sofía)

O pasado 23 de xaneiro os membros do Club de Ciencia do Eusebio reuníronse para investigar nos planetas do Sistema Solar e facer unha actividade en torno ao Venus. Como se foran científicos, as seis rapazas e dous rapaces xunto aos profesores Minia Prego, Luis J. Rodríguez e Mario S. García mediron parámetros en varias fotografías co fin de atopar o diámetro do planeta. Aínda máis, compararon as distintas fases que amosa en relación coa distancia á Terra.

Hai que agradecer a laboura que científicos do Instituto Astrofísico de Canarias desenvolven para axudar á comunidade escolar. 

Este Instituto recibiu unha Mención Especial ao fomento do programa de Educación Financieira ABANCA Obra Social, por unha actividade desenvolvida polos alumnos de 4º de ESO de Economía dirixida pola profesora Ana Rey. Noraboa aos alumnos e á profesora!

Ana Isabel Fernández presentou os estudos de ESADE nunha charla dirixida ao alumnado de Economía de Bacharelato.

Unha actividade organizada todos os cursos polo Departamento de Educación Física.