Skip to Content

Extraescolares

Actividades que se realizan fora do ambito académico

Dragóns de Senegal (Contos do mundo)

28/03/2017 09:10
Etc/GMT+1
El dragón que se comió el sol e Yimilimuli y el dragón son dous contos senegaleses que o alumnado de Lingua Castelá de 2º de ESO bilingüe, acompañado da súa profesora Isabel Rodríguez, lle foi contar ao grupo de 5º A de Primaria co CEIP, dentro do proxecto Contos do mundo, coordinado por ambas as dúas bibliotecas.

Velaquí as fotos, cedidas polo CEIP. Máis información en BiblioPepiño.

A Sangriña, subcampioa galega no Rally Matemático

30/03/2017 12:00
Etc/GMT+1

Celebrouse a final galega do Rally matemático Sen Fronteiras o pasado xoves na facultade de Química, en Santiago de Compostela. O equipo que representaba o IES A Sangriña, conformado por alumnas e alumnos de 1° de ESO, quedou na segunda posición, no posto de subcampión. O primeiro posto foi para o IES Rosalía de Castro, de Compostela, e o terceiro para CPR San Fermín, de Caldas de Reis.
O noso equipo fíxoo xenial e apenas unhas décimas o separou do campión. Parabéns ao grupo!

Filemón o engurrado (Contos do mundo)

19/03/2017 10:00
Etc/GMT+1
A India foi o país ao que viaxaron rapaces e rapazas de 6º de Primaria do CEIP e 2º de ESO do noso instituto, acompañados de Neves Rodríguez, na novena sesión do proxecto de Contos do Mundo. O conto escolleito desta volta foi Filemón o engurrado, unha fermosa historia sobre un vello elefante, escrita por Michael Ende, que cativou ao auditorio.
Velaquí as fotos, cedidas polo CEIP. Máis información en BiblioPepiño.

8º Torneo de Badminton Escolar do Val Miñor

24/03/2017 16:00
24/03/2017 18:30
Etc/GMT+1

O alumnado de ESO do noso centro participou o pasado venres no 8º Torneo de Badminton Escolar do Val Miñor, celebrado en Baiona, con moi bos resultados: na categoría de cadetes feminino, quedaron segundas, terceiras e cuartas; na categoría cadetes masculino, terceiros; na categoría infantil feminino, terceiros e cuartos. 

Os tres porquiños de Venecia (Contos do mundo)

15/03/2017 10:00
Etc/GMT+1

Os tres porquiños de Venecia é o título do conto teatralizado que o alumnado de 1º de ESO, coa profesora Menchu Costa, preparou para as cativas e os cativos de 4 anos do veciño CEIP A Sangriña, dentro do proxecto de ambas as dúas Bibliotecas titulado Contos do mundo, sobre o que levamos varias semanas informándovos.

Coma sempre, o lugar do encontro foi o colexio, aínda que desta volta no canto da biblioteca, a sesión tivo lugar no salón de actos. Este alumnado de 5º de Educación Infantil está a traballar nun proxecto sobre Italia, país co que gardaba relación o conto representado.

Velaquí as fotos, cedidas polo CEIP. Máis información en BiblioPepiño.

Distribuir contido


by Dr. Radut