Skip to Content

Noticias

CONCURSO DE FOTOGRAFÍA MATEMÁTICA


Bases:

  1. As fotografías subiranse ao muro Padlet no enlace: https://padlet.com/cativica/2m86vdupdfhcywq0
  2. Só se admitirá unha única fotografía por estudante.
  3. As fotografías deben ser orixinais e non se aceptarán fotos descargadas de Internet, nin escaneadas de ningún tipo de medio gráfico. Non se acepta tampouco ningún tipo de retoque fotográfico.
  4. Valorarase o contido matemático, a orixinalidade e a calidade plástica e técnica da imaxe.
  5. O Dpto. de Matemáticas resérvase o dereito a utilizar as fotografías presentadas para usos didácticos.
  6. Todas as fotos serán publicadas no muro.
  7. A participación neste concurso implica a aceptación das súas bases.

Participantes:

  • Poderá participar todo o alumnado matriculado no IES A Sangriña no curso 2020-21. 

Premios:

  • 1° premio....vale de 50€ en material de papelería.
  • 2° premio....vale de 30€ en material de papelería.
  • 3° premio....vale de 20€ en material de papelería. 

A ANPA e o IES poñen a disposición do centro 31 medidores de CO2.

Co fin de manter e controlar o mantemento das condicións sanitarias máis axeitadas desde o punto de vista da calidade do aire nas instalacións do centro, a ANPA e mais a Dirección do IES A Sangriña mercaron 31 medidores de concentración de CO2, temperatura e humidade destinados ao control da concentración de dióxido de carbono nas aulas para evitar posibles situacións de saturación que poñan en risco a seguridade sanitaria das persoas usuarias do centro. Os medidores estarán a disposición do profesorado en conserxería.

Segundo as recomendacións feitas chegar pola CCEU, CSIC e outros organismos e entidades, a concentración de CO2 tope a tolerar estaría nun rango de 550-600 ppm. Calquera medición por riba destes valores obrigaría a apertura máxima de fiestras (de non estar xa así) e, se isto non é suficiente, evacuaríase a aula ata rexistrar concentracións por debaixo do límite anterior.

Concurso polo Día da Ilustración

 

O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. A protagonista deste ano é Lolita Díaz Baliño.

Así, o instituto organiza un concurso para celebrar e difundir a ilustración como unha actividade presente no mundo do libro e que acompaña e dá entidade a moitas obras, poñendo como tema sempre unha obra da literatura universal que sexa susceptible de ser debuxada. Nesta ocasión a obra escollida para realizar a ilustración é Frankestein ou o Prometeo moderno de Mary Shelley. A ilustración realizarase en formato horizontal ou vertical DIN A-4 (21 x 29,7cm) en papel, podendo empregar a técnica que se considere. Antes de poñervos mans á obra, consultade as bases no documento adxunto.

REPARTO DE MÁSCARAS PARA O PROFESORADO

A Xunta de Galicia vén de enviar unha partida de máscaras hixiénicas reutilizables ao IES A SANGRIÑA co obxectivo de cubrir as necesidades de todo o persoal do centro ata final de curso. O material, en paquetes de cinco unidades homologadas, de 25 lavados cada unha, será distribuído no inicio deste segundo trimestre. Polo tanto, desde hoxe mesmo o profesorado do centro pode recoller un paquete de máscaras da caixa que se habilitou para tal efecto na sala do profesorado. 

A Dirección. 

Medicións da concentración de CO2 nas aulas.

A partir dos datos recollidos na táboa anexa, resolvemos que as medicións amosan un rango de concentración de CO2 aceptable cando medimos con portas abertas e fiestras abertas. É imprescindible manter portas abertas e fiestras abertas como norma COVID, norma que temos que respectar independentemente das condicións meteorolóxicas exteriores. Cumprindo esta norma COVID, o noso centro é seguro e garante unhas circunstancias sanitariamente aceptables.

Distribuir contido


by Dr. Radut