O VENRES 5 DE FEBREIRO CHEGOU O DÍA TAN ESPERADO POR TODOS, O DÍA DO ENTROIDO. LEVABAMOS DÍAS CONFECCIONANDO OS NOSOS DISFRACES E ESE DÍA IAMOS ENSINARLLOS AOS NOSOS COMPAÑEIROS/AS, AMIGOS E FAMILIAS. QUE ILUSIÓN!

ÁS 9 DA MAÑÁ EMPRENDIAMOS O CAMIÑO EN AUTOBUS CARA A ESCOLA DE OUTEIRO ONDE NOS RECIBÍAN UNS ARCIMBOLDOS E UXÍOS NOVONEYRA MOI CANTAREIROS.

OS DE ABUÍN, DE YAYOI KUSAMA, ENCHÍAN O PATIO DE VERMELLO E BRANCO.

DENDE RAÑÓ CHEGABAN UNS ELEGANTES VELÁZQUEZ COAS SÚAS MENINAS.

OS NENOS/AS DE QUINTÁNS, DISFRAZADOS DE PINTORES, PINTARON UNS FERMOSOS LENZOS.

GAUDÍ PASOU POLA ESCOLA DE CAPELA E ENCHEU A NENOS/AS E PROFES DE CORES.

OS DE CUVIDE NON QUEDARON ATRÁS EN COLORIDO, COS SEUS DISFRACES DE KANDINSKY.

E DENDE A ESCOLA DE CRUCEIRO, DALÍS E FRIDAS KAHLO.

POR ÚLTIMO, OS DE PAZO, CARACTERIZADOS DOS PERSONAXES DO CREBANOCES.

OS PROFES TAMÉN SE DISFRAZARON, MIRADE...

TODOS XUNTOS DESFILAMOS POLA ALDEA DE OUTEIRO, ONDE VECIÑOS E VECIÑAS NOS AGASALLARON CON DOCES DE ENTROIDO E ATA CON MÚSICA!

Á VOLTA, MERENDOLA DE ENTROIDO FEITA POLAS NOSAS FAMILIAS CON FILLOAS, ORELLAS, ROSQUILLAS, FLORES... E ATA CHOCOLATE PARA ESCORRENTAR O FRÍO. UMMM!

QUE BEN O PASAMOS!

O VENRES Á SAÍDA

NAS ESCOLAS DO NOSO CRA

O TORIBIO APARECÍA

DISPOSTO A MANDAR:

"PARA SERDES UNS ARTISTAS

SEGUIDE AS MIÑAS PISTAS"        

@S NEN@S E NENAS DE QUINTÁNS VIVIMOS ESTE ENTROIDO QUE NOS ACABA DE DEIXAR NON SÓ NA NOSA FESTA CON TODOS OS COMPAÑEIR@S DO CRA NA ESCOLA DE OUTEIRO, SENÓN QUE TAMÉN DISFRUTAMOS ARREO FACENDO OS NOSOS DISFRACES E POR SUPOSTO...CO NOSO DEMO DE TORIBIÑO QUE NOS TOLEOU A CABEZA UNHA SEMANA ENTEIRA!

PERO CON TODO, QUEDARON UNHA CHEA DE RECORDOS BONITOS!

AQUÍ VOS DEIXAMOS UN VÍDEO DO BEN QUE O PASAMOS! 

O PASADO 18 DE DECEMBRO A COMUNIDADE EDUCATIVA DO CRA DE RIANXO REUNIUSE NO AUDITORIO DE RIANXO PARA CELEBRAR UN FESTIVAL DE "NADAL CON MOITA ARTE".

NA ENTRADA RECIBÍANNOS O APALPADOR E O ESPANTALLO AMIGO, XUNTO CUNHA CITA DA FAMOSA OBRA DE XOSÉ NEIRA VILAS, RECENTEMENTE FINADO.

E PRECISAMENTE PARA RECORDALO E HOMENAXEALO, OS NENOS DE 2º DE QUINTÁNS CONVERTIDOS EN "BALBINOS", LÍAN O INICIO DE MEMORIAS DUN NENO LABREGO.

 OS PROFES YOLI E ÁLEX FORON OS MESTRES DE CERIMONIA DO FESTIVAL, AÍNDA QUE ÁLEX SE TRABUCARA DE CELEBRACIÓN.

E AS NENAS DE PRIMARIA DE RAÑÓ (AIDA, LUCÍA E CLARA) SERÍAN AS ENCARGADAS DE PRESENTAR AS ACTUACIÓNS DAS DIFERENTES ESCOLAS. E QUE BEN O FIXERON!

O AUDITORIO, ENGALANADO COAS OBRAS ARTÍSTICAS DO ALUMNADO PARA A OCASIÓN, CONVERTÍASE NUN CINE, NUNHA SALA DE CONCERTOS, NUN TEATRO OU NUN SALÓN DE BAILE!

COMEZABAN OS COMPAÑEIROS/AS DE CUVIDE CUNHA PELÍCULA MUDA E BAILANDO O CHARLESTON DE CHAPLIN.

OS RAPACES DE CAPELA CONVERTÉRONSE EN ARTISTAS CANTANDO, BAILANDO E TOCANDO UNHA CHEA DE INSTRUMENTOS.

DENDE TARAGOÑA CHEGABA O BALLET DA ESCOLA ROSALÍA DE CASTRO DE CRUCEIRO INTERPRETANDO "O LAGO DOS CISNES"

EN PAZO CANTABAN "EU TEÑO ALGUÉN", BAILABAN AO SON DO "CREBANOCES" E DRAMATIZABAN O POEMA "TRES PAXES E TRES REIS SUMAN SEIS"

EN OUTEIRO ESCENIFICARON O POEMA "CAIN AS FOLLAS" DE UXÍO NOVONEYRA.

OS DE QUINTÁNS PUXÉRONLLE ROCK AND ROLL A ESTE FESTIVAL CUN MIX DOS BEACH-BOYS.

CON "CANTANDO BAIXO A CHUVIA" DOS COMPAÑEIROS/AS DE ABUÍN VOLVIAMOS AO CINE PERO POR POUCO TEMPO, PORQUE AXIÑA MUDARÍAN DE REXISTRO PARA INTERPRETARNOS UNHA PANXOLIÑA "NAVIDAD ROCK".

E PECHARÍAN A ROLDA DE ACTUACIÓNS OS NENOS E NENAS DE RAÑÓ CUNHA OBRA DE TEATRO "O DÍA QUE AS CORES FIXERON FOLGA" E COA CANCIÓN "A LUZ DE NADAL".

OS MESTRES E MESTRAS NON QUEDARON ATRÁS E INTERPRETARON UN CANTO DE NADAL, "O DINGUIDÍN".

E PARA REMATAR, A VISITA DAS SÚAS MAXESTADES OS REIS MAGOS DE ORIENTE. QUE EMOCIÓN CANDO LLES ENTREGAMOS AS NOSAS CARTAS!

SÓ NOS QUEDA AGRADECER A TODOS/AS, PROFES, FAMILIAS, NENOS/AS TODO O SEU TRABALLO E DESEXARVOS UNHAS FELICES FESTAS.

DO 17 AO 19 DE MARZO AS AULAS DO CRA DESPRAZÁRONSE A SANTIAGO PARA REALIZAR UNHA VISITA DIDÁCTICA AO MUSEO DE HISTORIA NATURAL, CREADO POLA UNIVERSIDADE COMPOSTELÁ CO OBXECTIVO DE FOMENTAR A DIVULGACIÓN CIENTÍFICA

Ante os contínuos recortes sufridos durante estes últimos anos no ensino público, tanto na súa vertente de servizo educativo coma na de colectivo de traballadoras e traballadores, o profesorado do Cra de Rianxo ten refrendado a través do seu Claustro a decisión de manter durante este curso a programación de actividades complementarias, aquelas que se realizan dentro do horario lectivo, pero non programar actividades extraescolares, que requiren para a súa realización o uso de horario non lectivo.

Este acordo non impide, sen embargo, o apoio do profesorado a todas aquelas actividades educativas que, organizadas pola Anpa "Irmáns Ínsua", o Concello de Rianxo ou calquera outra entidade,  teñan que ser realizadas fóra de horario escolar

O CRA DE RIANXO REALIZOU OS DÍAS 20 E 21 DE MAIO UNHA VISITA DIDÁCTICA A "APÍPOLIS", CENTRO DE EDUCACIÓN AMBIENTAL UBICADO EN XEVE, PONTEVEDRA.
"APÍPOLOS" TEN  COMO OBXECTIVO PRINCIPAL AMOSAR A IMPORTANCIA QUE TEÑEN AS ABELLAS PARA OS SERES HUMANOS E PARA O MEDIO NO QUE NOS DESENVOLVEMOS

ver a visita da

ESCOLA DE RAÑÓ

ESCOLA DE CRUCEIRO

ESCOLA DE PAZO

A COMUNIDADE EDUCATIVA DO CRA VOLVE REUNIRSE UN ANO MÁIS PARA CORRER O ENTROIDO.
ESTE CURSO, DEBIDO ÁS PREVISIÓNS METEOROLÓXICAS, O LUGAR DE ENCONTRO FOI O POLIDEPORTIVO DE TARAGOÑA

ver a nova en

ESCOLA DE OUTEIRO

ESCOLA DE PAZO

ESCOLA DE CRUCEIRO

ESCOLA DE RAÑÓ