Grazas limóns e laranxas sobrantes dos nosos maios, os nenos e nenas fixeron e degustaron limoada e laranxada.

Noelia , a nai de Elsa de 4º de primaria, acudiu a escola para explicarnos que ela é dentista e a importancia da prevención para evitar problemas na boca como poden ser as caries, infeccións... Mediante unha presentación e un vídeo analizamos como tratar de evitar os problemas bucodentais, a importancia de lavar ben os dentes co cepillo, pasta e fío dental, así como as revisión períodicas ao dentista. Realizou dúas explicacións primeiro para a etapa de educación infantil e despoios para educación primaria.

Trouxo como agasallo un fío interdental para os nenos e nenas de infantil con formas de animais marinos e para primaria unhas pequenas mostras de pasta de dentes.Moitísimas grazas, Noelia!!!!

Na escola de Domirón estivemos reflexionando sobre os dereitos que temos para gozar dunha boa saúde, seguindo o lema deste ano. Se premes na seguinte imaxe podedes ver as actividades que fixemos para conmemorar esta data. 

Para celebrar o día mundial da saúde o alumnado de primaria elaborou unha receita saudable con froita. Con diversos tipos de froita crearon formas incribles como unha fermosa tartaruga. Nestas publicacións podedes ver o proceso e resultado.

Os nenos e nenas de educación infantil de escola do Val para conmemorar o día mundial da saúde recrearon algúns dos elementos  do lema deste ano 2024 , centrado na defensa dos dereitos de todas as persoas, onde sexa que se atopen , teñan acceso os sistemas de saúde, a educación , a información de calidade, a auga potable, aire limpo, boa alimentación, vivenda de calidade...

Os nenos e nenas de educación infantil pasaron unha xornada xenial xogando a distintas activiades simbólicas sobre a saúde.