Celebracións
Celebración do entroido
No CRA celebramos o entroido na escola de Domirón, facendo unha xuntanza das tres escoliñas cun desfile polas rúas, acompañado das familias, e unha merenda con postres típicos do entroido. Pasámolo xenial!
Moitas grazas a todas as persoas que participáchedes nesta xornada e nestas semanas de preparación!
Celebración do Nadal
Como cada ano, as escoliñas do CRA xuntámonos para celebrar todas xuntas e xuntos o Nadal.
Unha mañá moi divertida na que desfrutamos tod@s xunt@s do espectáculo de "Orquesta Pantasma", comemos un riquísimo chocolate con churros e xogamos coas nenas e nenos das tres escolas.
Foi unha xornada chea da maxia propia do Nadal.
SAMAÍN NA ESCOLA (PARTE III)
Xa como final de celebración, acuden ao cole bruxas, gatiñ@s, esqueletes e demos para experimentar e manipular con pringues e apócemas nas bandexas sesoriais.
Pasárono terroríficamente ben. Canta motivación xeran os pringues ;-)
SAMAÍN NA ESCOLA (PARTE II)
Como lectura de Samaín, para axudar a afastar os medos, lemos o conto "Sacapenas" de Kalandraka, onde Bieito ten tantos medos que lle preocupan que non é quen de durmir. Para solucionar isto a súa avoa axúdalle a facer os bonecos sacapenas, típicos da cultura guatemalteca, que só con contarlle as súas preocupacións, axúdanlle a durmir ben.
Coa chegada da noite de Samaín, na Escola de Sedes aproveitamos para traballar a emoción do medo, falar sobre ela, identificala e expresala. Isto forma parte das actividades do Plan de benestar e do Programa Emociona-T.
Cada quen realizou o seu propio Sacapenas, escollendo cores, ensartando, atando e peinando.
Xa podemos durmir ben porque co noso Sacapenas..., fora medos!!!
SAMAÍN NA ESCOLA (PARTE I)
Como xa é tradición na nosa Escola, adicamos unha xornada ao vaciado e decoración de cabazas coas familias de Sedes e os nenos e nenas que marcharon para Primaria.
Emocionantes reencontros, xogo e merendola para dar a benvida á nova estación. E por suposto... terroríficas cabazas!!!.
Cantiga para o Día da Paz
Esta é a cantiga que eleximos para festexar o día da Paz, se queredes podedes practicala na casa...
E aqui a tendes en lingua de signos...
Postal de Nadal 2020
Aqui tedes a nosa Postal, este ano é un collage con todos os regalos que fixemos entre todas as aulas do CRA, a ver se atopades a vosa!!!
Pinchando aqui podedes descargar a postal en formato pdf para enviala a familiares e amigos/as.
Bo Nadal e Felices Festas!!!
Panxoliña 2020
Neste ano non puidemos xuntarnos para cantar a Panxoliña de todos os anos, pero as tecnoloxías permitíronnos facelo de todolos xeitos. Aquí tedes o resultado:
Esperamos que vos guste e recordade que para vela ou descargala precisades o voso usuario e contrasinal da Aula Virtual.
Un Magosto Diferente....
Neste curso diferente...moi diferente, as celebracións tamén son diferentes, mais non deixamos de intentar que sexan o máis divertidas e participativas, que as medidas nos permiten...para ver como foi o Magosto de este ano pinchade na imaxe. Esperamos que vos guste...
