Aquí un resumo do traballo realizado ao longo da semana para conmemorar o día Escolar da Paz e da non violencia.

Este ano xa comezamos no mes de Xaneiro  coa colaboración das familias para desfrutar dunha actividade tan enriquecedora como é compartir un conto coa clase do seu fillo ou filla. Estamos encantadas de recibir a estas familias voluntarias e, moito máis, os peques que se sinten protagonistas  nese día.     

       GRACIÑAS A TODAS AS FAMILIAS COLABORADORAS!!

25 DE NOVEMBRO

Neste 25N as escolas do CRA conmemoramos o día en contra da violencia de xénero. Para iso limos o libro de "Pepuka y el monstruo que se llevó su sonrisa".

É a historia dunha boneca que se namorou dun mostruo, fixéronse parella e a partir dese momento todo cambiou, comezaron os insultos e as faltas de respeto cara ela o que fixo que perdera o seu sorriso.

Despois da lectura do conto elaboramos unhas gafas moradas cor do 25 N coa mirada vermella como a cor favorita de Pepuka para devolver esos sorrisos roubados e facernos fortes contra a violencia de xénero e todo aquel que nos queira levar o noso sorriso.

E CHEGOU BUFIÑA CON ALGO IMPORTANTE QUE NOS ENSINAR

Este martes chegamos a e atopámonos con Bufiña que como xa sabedes é a mascota do noso CRA. Esta gatiña traía unha carta onde nos contou que estivera pochiña e que o veterinario para que mellorase a súa saúde propúxolle que tomara unha serie de hábitos saudables para sentirse mellor, así pois despois do patio na sala grande estábanos esperando bufiña deportista cunha maleta para ensinarnos aqueles aspectos a ter en conta para ter unha boa saúde. Iniciándonos e motivándonos deste xeito na temática do proxecto anual de centro relacionado co coidado do noso corpo.

Os encargados do día abriron a maleta de Bufiña onde atoparon diferentes elementos que fomos analizando,necesarios para o coidado do noso corpo: auga, pesas, corda, xel de baño, froita, cepillo de dentes...

Finalmente acabamos activando o corpo como Bufiña 

CARABELA

O mércores 16 de novembro participamos na mostra de teatro organizada polo concello de Narón coa obra da compañía de teatro Galeatro Carabela, que nos axudou a pensar sobre a contaminación dos nosos mares.

INICIO CURSO 2022-23

O curso chegou ao seu fin  e tamén as festas dos aniversarios, neste mes celebramos os cumples dos nenos e nenas que suman un aniño máis en xuño e tamén se animaron a esta celebración algúns que cumplen ao longo do verán. 

     PARA TODOS ELES OS NOSOS MELLORES DESEXOS E FELIZ   

                                             ANIVERSARIOS!!

Ainda seguimos cos últimos cartuchos desta colaboración familiar que tanto nos aporta a todos e que tan bos resultados está dando:

No mes de maio tocou festexar o cumple de 3 nenos, desta vez so houbo festa nas clases de 3 e 5 anos.

                                 MOITOS PARABÉNS PEQUES!!

Xa van quedando menos familias das voluntarias para o contacontos pero de momento ainda non rematamos, bravo por elas!!