Domirón, Aniversarios, Conmemoracións, Festas, Saídas
Celebración do Nadal
Como cada ano, as escoliñas do CRA xuntámonos para celebrar todas xuntas e xuntos o Nadal.
Unha mañá moi divertida na que desfrutamos tod@s xunt@s do espectáculo de "Orquesta Pantasma", comemos un riquísimo chocolate con churros e xogamos coas nenas e nenos das tres escolas.
Foi unha xornada chea da maxia propia do Nadal.
VISITA AO CENTRO DE MAIORES
O pasado martes 19, fumos de visita ao centro de maiores DomusVi a cantar panxoliñas ás e aos maiores. Ademais, tíñannos preparados un montón de xogos e unha visita guiada a todas as estancias do centro.
Foi unha xornada chea de maxia, diversión e moito agarimo.
ANIVERSARIOS DE DECEMBRO
Parabéns a Martín e Thiago polos vosos 5 anos! Desexámosvos un ano cheo de cousas bonitas!
EXPERIMENTOS
Continuando co noso PROXECTO DA AUGA, as mestras prepararon tres experimentos diferentes:
Experimento 1. Que obxectos flotan e cales non?
Experimento 2. Probamos que pasaba se metíamos un ovo en agua doce e salgada. En cal flotará?
Experimento 3. Auga, un bote de cristal, colonia e unha vela. Que pasará?
As nenas e nenos da escola, foron rotando por todos eles e pasárono xenial!
DESPEDIDA OUTONO
Despedimos a estación máis bonita e especial: o outono!
Dicimos adeus ás súas cores, texturas e olores para dar paso á maxia do inverno.
Gozámolo moitísimo! Instalacións, xogos, experimentación, manipulación e, sobre todo, moita diversión!
ANIVERSARIOS DE NOVEMBRO
Neste mes de novembro celebramos moitas das nosas nenas e nenos estiveron de aniversario! Desexámoslles un novo ano cheíño de felicidade!
Parabéns!
25 N - CONTRA A VIOLENCIA DE XÉNERO
O 25 de novembro conmemórase o Día Internacional Contra a Violencia de Xénero polo que, dende a escola, limos o conto de "Artur e Clementina" e cada nena e neno fixo a súa tartaruga cheíña de palabras de amor: "buena", "bonita", "te quiero", "te abrazo" etc.
INVESTIGACIÓN SOBRE O PROXECTO DA AUGA
Comezou o noso proxecto!
Grazas á colaboración das familias, puidemos observar a través do microscopio diferentes mostras de agua: de mar, de río, de charcos, da choiva etc.
Foi unha experiencia moi enriquecedora!
MAGOSTO
Como cada ano, as escoliñas do CRA xuntámonos para celebrar todas xuntas e xuntos o Magosto.
Sen dúbida, unha xornada moi divertida chea de xogos e momentos de conexión entre as nenas e nenos das tres escolas.
E, por suposto, sen esquecer ao fantástico Anxo Moure, que nos acompañou durante esta mañá para facela moito máis máxica e inesquecible.
IMOS AO TEATRO
O pasado 9 de novembro acudimos ao auditorio ver unha obra de teatro da compañía Mar - Mar teatro, organizada polo Concello de Narón. Co título "Un pez en mi corazón" e a súa temática de superación de medos no mar, non nos podía encaixar mellor, tanto co noso proxeto anual "Mar aberto" como, co contrato programa Emocióna-T.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »