Domirón, Aniversarios, Conmemoracións, Festas, Saídas
VISITAS DE EXPERTOS
Seguindo co proxecto do mar, a penúltima semana recibimos a visita de dous familiares:
Adrián, un xogador de kayak polo que nos ensinou como se xoga e que elementos empregan neste deporte e amosounos algunhas medallas que conseguíu ao longo da súa traxectoria.
E Marcos, un pai que practica surf no seu tempo libre. Explicounos como se realiza este deporte, que cousas necesitamos, os diferentes tipos de táboas e fíxonos unha demostración de como levantarse da táboa. Ademais, animou ás nenas e nenos a intentalo.
Moitísimas grazas aos dous polo voso tempo! Sen dúbida, unhas xornadas inesquecibles para as e os peques!
XOGOS EN FAMILIA
Esta semana continuamos con máis familias xogonas que viñeron ás aulas das súas fillas e fillos para pasar un bo ratiño de convivencia.
O martes tocou na clase de 4 anos, coas nais de Unay e de Noa, onde tiñan que conseguir facer o 4 en raia e desfrutaron coas ranitas tragabolas.
O xoves visitaron a clase de 5 anos, a mamá de Blanca e o papá de Helena, cun memori de insectos e o xogo do Lince.
E tamén o xoves, na clase de 3 anos recibiron a nai de Sofía e o pai de Irene, que trouxeron diferentes xogos: un de atopar diferencias usando antefaces, salmón feliz ( onde tiñan que empregar xestos) , dominó de animais e un memori.
XOGOS EN FAMILIA
Esta semana comezamos, na escola de Domirón, cunha das actividades onde abrimos as portas ás familias para pasar un tempo con nós, algo que as nenas e nenos viven con moita emoción. A proposta deste ano é coñecer e desfrutar de diferentes xogos de mesa, considerándoos como un recurso moi completo onde se traballa: a atención, cooperación, a estratexia, tolerancia á frustración...
Na aula de 3 anos tivemos a nai de Blanca e de Julia, con elas xogamos: ao bingo, memori de animais, xogo cooperativo de caperuchiña vermella e outro que se chama Little circuit.
E na aula de 5 anos, grazas ás nais de Fran e Noa, desfrutamos de xogos como: Catch it!, Antón zampón, memori e contando monstruos.
Graciñas a todas elas por encher as aulas de tanta diversión!
ANIVERSARIOS FEBREIRO
Moitísimos parabéns para Irene, Farah e Fran! Que este novo ano todos os vosos desexos sexan cumplidos!
ALUMNAS EN PRACTICAS
O venres despedimos a Paula e Nuria, as nosas alumnas en prácticas da UDC.
Graciñas por elixir o CRA de Narón e por encher de tanto amor o corazonciño de todas as nenas e nenos da escola.
Sempre seredes benvidas!
VISÍTANOS UNHA MARISCADORA
Seguindo co proxecto do mar, este xoves recibimos a visita de Lena que é MARISCADORA, para aprender con ela cousiñas da súa profesión. Explicounos como pon a vestimenta, as ferramentas que usa e en que consiste o seu traballo. Pertence a confraría de Cedeira, e vimos un vídeo onde a entrevistaron, xunto coas súas compañeiras, mentres estaban mariscando. Para rematar, vivimos a experiencia de buscar berberechos que traía agochados na area.
Graciñas a familia de Julia, por facer isto posible.
ENTROIDO
O venres foi o día de vir disfrazado de forma libre. Así viñeron as nosas nenas e nenos!
ENTROIDO - MANDATOS DO MECO
A semana do 5 de febreiro comezamos o entroido na escoliña!
O Meco mandounos traer:
- Luns: un pano na cabeza
- Martes: un parche no ollo
- Mércores: unha faixa
- Xoves: algo pintado na cara (cicatriz, bigote etc)
Este foi o resultado das nosas e dos nosos piratillas!
XORNADA DE CREACIÓN DE DISFRACES COAS FAMILIAS
O pasado martes 23 de xaneiro, nenas e nenos, familias e escola traballamos da man na elaboración dos disfraces do entroido. Unha xornada única e especial.
Grazas por vir á escola, por dar o mellor de vós, polo traballo en equipo e polas ganas e ilusión. Sodes un piar fundamental!
ANIVERSARIO DE XANEIRO
Parabéns, Artai! Que sorte celebrar os 4 anos todas xuntas e xuntos! Esperamos que sea un aniño cheo de aprendizaxes e moita felicidade!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »